بیلٹ اینڈ روڈ باکسنگ گالا: پاکستان کی عائشہ ممتاز نے سلور میڈل جیت کر تاریخ رقم کردی
اشاعت کی تاریخ: 29th, August 2025 GMT
پاکستان کی عائشہ ممتاز نے چین میں منعقدہ تیسرے بیلٹ اینڈ روڈ انٹرنیشنل باکسنگ گالا میں سلور میڈل جیت کر تاریخ رقم کردی۔ پاکستان نے مقابلوں میں مجموعی طور پر 4 میڈلز حاصل کیے، ان میں ایک سلور اور 3 برانز میڈلز شامل ہیں۔
موصولہ اطلاعات کے مطابق پاکستان آرمی سے تعلق رکھنے والی عائشہ ممتازچیمپئن شپ کی خواتین کے انڈر 18 مقابلوں کی 48 کلوگرام کیٹیگری میں سلور میڈل جیت لیا۔
عائشہ ممتاز کو فائنل میں مضبوط حریف چین کی زینگ ایمائی نے سخت مقابلے کے بعد پوائنٹس کی بنیاد پر قابو کیا۔عائشہ ممتاز نے میزبان باکسرچن زنڈونگ کو دوسرے راؤنڈ میں ناک آؤٹ کرکے فائنل میں رسائی پائی تھی۔
سرگودھا سے تعلق رکھنے والی مقامی تعلیمی ادارے کی طالبہ عائشہ ممتاز قبل ازیں العین، ابوظہبی میں اے ایس بی سی ایشین جونیئر اوراسکول باکسنگ چیمپئن شپ 2024 میں کانسی کا تمغہ جیت چکی ہیں۔ان سے قبل صرف ایک اور پاکستانی خاتون باکسرہادیہ کمال نے ایشین باکسنگ چیمپئن شپ میں تمغہ جیتا تھا۔
دوسری جانب بیلٹ اینڈ روڈ انٹرنیشنل باکسنگ گالا میں پاکستان کی ماریہ رند 50کلوگرام اورملائکہ زاہد 54 کلوگرام کی کیٹگریز کے سیمی فائنل میں ہارنے کے بعد برانز میڈلز کی مستحق قرارپائیں۔
مردوں کے مقابلوں میں قدرت اللہ نے57کلوگرام کیٹگری میں سیمی فائنل کھیل کر پاکستان کے لیے برانز میڈل حاصل کیا۔
پاکستان کے حزیفہ راحیل اور ضمیرعلی کوارٹر فائنل میں ناکام رہے تھے جبکہ 3 خواتین افرا خرم، فاطمہ زہرہ، سحر عاطف اور2 مرد باکسرزمحمد فہیم اورمظہرغفورکوابتدائی مقابلوں میں ناکامی اٹھانی پڑی تھی۔
.
ذریعہ
ذریعہ: Express News
کلیدی لفظ: عائشہ ممتاز فائنل میں
پڑھیں:
وزیراعظم کا آئی ٹی برآمدات 4.6 ارب ڈالر تک پہنچنے پر اطمینان کا اظہار
سٹی42: وزیراعظم محمد شہباز شریف کی زیرِ صدارت آئی ٹی شعبے کے اسٹرٹیجک روڈ میپ پر پیش رفت کا جائزہ لینے کے لیے اعلیٰ سطح کا اجلاس منعقد ہوا، جس میں وزارتِ انفارمیشن ٹیکنالوجی و ٹیلی کام کی کارکردگی اور ڈیجیٹل معیشت کے فروغ سے متعلق اقدامات پر بریفنگ دی گئی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اجلاس میں وزیراعظم نے پاکستان کی سالانہ آئی ٹی برآمدات میں 21 فیصد اضافے کے ساتھ 4.6 ارب امریکی ڈالر تک پہنچنے پر وزیرِ انفارمیشن ٹیکنالوجی اور متعلقہ ٹیم کو مبارکباد دی۔ انہوں نے کہا کہ آئی ٹی برآمدات میں نمایاں اضافہ حکومت کی ڈیجیٹل معیشت کے فروغ کے لیے اختیار کی گئی پالیسیوں کا نتیجہ ہے اور آئی ٹی شعبے کی ترقی حکومت کی اولین ترجیحات میں شامل ہے۔ وزیراعظم نے ہدایت کی کہ آئی ٹی سے متعلق تربیتی کورسز کی معتبر تھرڈ پارٹی ویلیڈیشن یقینی بنائی جائے اور تربیت کے معیار پر کسی قسم کا سمجھوتہ نہ کیا جائے۔ انہوں نے ملک بھر میں ڈیجیٹل انفراسٹرکچر کو مزید بہتر بنانے کی بھی ہدایت کی۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
اجلاس کو بریفنگ میں بتایا گیا کہ موبائل اسپیکٹرم جون 2025 کے 274 میگا ہرٹز سے بڑھ کر جون 2026 میں 880 میگا ہرٹز ہو چکا ہے، جس سے انٹرنیٹ کی رفتار اور کنیکٹیویٹی میں نمایاں بہتری آئے گی۔ اس کے علاوہ "کنیکٹ پاکستان وژن 2030" کے اجراء کی تیاریوں سے بھی آگاہ کیا گیا۔بریفنگ کے مطابق باغ، آزاد جموں و کشمیر میں سافٹ ویئر ٹیکنالوجی پارک مکمل ہو چکا ہے، جبکہ پاکستان میں اسمارٹ فون استعمال کرنے والوں کا تناسب 2024 کے 62 فیصد سے بڑھ کر جون 2026 میں 72 فیصد ہو گیا ہے۔ جون 2026 تک 5.1 ملین گھروں کو فکسڈ براڈ بینڈ یا فائبر کنکشن فراہم کیے جا چکے ہیں۔ اجلاس کو بتایا گیا کہ گزشتہ مالی سال آئی ٹی برآمدات میں فری لانسرز کا حصہ 1.164 ارب ڈالر رہا، جبکہ "ڈیجیٹل نیشن پاکستان" کے تحت 130 سرکاری خدمات کو ڈیجیٹلائز کیا جا چکا ہے۔ اسی عرصے میں آئی ٹی شعبے میں 942,646 تربیتی سرٹیفکیٹس جاری کیے گئے، 5,053 ہائی اینڈ تربیتی پروگرام اور لیڈرشپ و سافٹ اسکلز سے متعلق 2,700 تربیتی سیشنز منعقد کیے گئے۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
بریفنگ میں مزید بتایا گیا کہ ویمن انوویشن اینڈ اسٹارٹ اپ ایمپاورمنٹ لیب کا افتتاح جلد کیا جائے گا، جبکہ چینی کمپنی علی بابا کے ساتھ مفاہمتی یادداشت کے تحت متعدد وفاقی وزارتوں اور اداروں میں مصنوعی ذہانت کے منصوبوں اور تربیتی پروگراموں پر کام جاری ہے۔
اجلاس میں وفاقی وزراء اعظم نذیر تارڑ، احد خان چیمہ، شزا فاطمہ خواجہ، خالد مقبول صدیقی، وزیرِ مملکت بلال اظہر کیانی، گورنر اسٹیٹ بینک جمیل احمد اور متعلقہ اعلیٰ سرکاری حکام نے شرکت کی۔
شہر میں بارش سے بجلی کا ترسیلی نظام متاثر، 130 سے زائد فیڈرز بند
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار