اسرائیلی حملے میں حوثیوں کی وزیرِاعظم احمد غالب الرہوی کی شہادت کی تصدیق
اشاعت کی تاریخ: 31st, August 2025 GMT
صنعا، 31 اگست 2025 — یمن کی حوثی تحریک نے تصدیق کی ہے کہ اس کے نامزد وزیراعظم احمد غالب الرہوی اسرائیلی فضائی حملے میں ہلاک ہوگئے۔
حوثی حکام کے مطابق جمعرات کو اسرائیلی فضائیہ نے صنعا میں ایک اجلاس کو نشانہ بنایا، جس میں الرہوی سمیت کئی اعلیٰ رہنما مارے گئے۔ اسرائیلی فوج (IDF) نے دعویٰ کیا ہے کہ اس کارروائی میں متعدد “اہم اہداف” کو ختم کیا گیا۔
سعودی خبر رساں ادارے الحدث کے مطابق ہلاک ہونے والوں میں حوثی وزراء برائے خارجہ، انصاف، نوجوان و کھیل اور سماجی امور شامل ہیں۔ حوثی صدر مہدی المشاط کے دفتر نے بھی تصدیق کی کہ کئی وزراء شدید زخمی ہوئے ہیں۔
حوثیوں نے اعلان کیا ہے کہ نائب وزیراعظم محمد احمد مفتاح کو قائم مقام وزیراعظم مقرر کردیا گیا ہے۔ احمد غالب الرہوی اگست 2024 سے اس عہدے پر فائز تھے، مگر انہیں زیادہ تر علامتی حیثیت رکھنے والا رہنما سمجھا جاتا تھا، عسکری فیصلوں کا حصہ نہیں۔
اس حملے میں حوثی سربراہ عبدالملک الحوثی، وزیر دفاع اور چیف آف اسٹاف محفوظ رہے۔ اسرائیلی فوج کا کہنا ہے کہ یہ کارروائی فوری انٹیلیجنس پر مبنی تھی اور اس کے نتائج کا مزید جائزہ لیا جا رہا ہے۔
یاد رہے کہ غزہ میں اسرائیل اور حماس کی جنگ کے بعد سے حوثی مسلسل اسرائیل پر میزائل حملے کر رہے ہیں اور بحیرہ احمر و خلیج عدن میں تجارتی جہازوں کو نشانہ بنا رہے ہیں۔ اسرائیل کے مطابق یمن میں فضائی کارروائیوں کا مقصد انہی حملوں کو روکنا ہے۔
Post Views: 6.ذریعہ: Daily Mumtaz
پڑھیں:
غزہ میں اسرائیل فضائی حملے کے دوران نوجوان فلسطینی باکسر شہید
خان یونس میں تباہ شدہ عمارتوں کے ملبے سے شہید 3 مزید فلسطینیوں کی لاشیں بر آمد ہوئیں، جن میں سے ایک لاش نوجوان فلسطینی باکسر کی تھی، غزہ میں شہداء کی کل تعداد 68 ہزار 858 ہوگئی جبکہ ایک لاکھ 70 ہزار 664 سے زائد افراد زخمی ہیں۔ اسلام ٹائمز۔ قابض صیہونی فوج نے غزہ میں فضائی حملہ کرکے نوجوان فلسطینی باکسر کو شہید کر دیا۔ خان یونس میں تباہ شدہ عمارتوں کے ملبے سے شہید 3 مزید فلسطینیوں کی لاشیں بر آمد ہوئیں، جن میں سے ایک لاش نوجوان فلسطینی باکسر کی تھی، غزہ میں شہداء کی کل تعداد 68 ہزار 858 ہوگئی جبکہ ایک لاکھ 70 ہزار 664 سے زائد افراد زخمی ہیں۔ شمالی غزہ میں اسرائیلی فوج نے مسلسل کارروائیاں کرتے ہوئے ٹینکوں سے مکانات کی بڑی تعداد کو ملبے کا ڈھیر بنا دیا، غزہ میں بے گھر فلسطینیوں کی بڑی تعداد یاسر عرفات کے خستہ حال ولا میں منتقل ہونے پر مجبور ہے۔
آپ کی تجاویز وخدشات صدر مملکت تک پہنچائوں گا‘بلاول کی فضل الرحمن کو یقین دہانی