برطانوی شاہی خاندان کے افراد کونسے کھانے کھاتے ہیں اور کن کھانوں کو ہاتھ نہیں لگاتے؟
اشاعت کی تاریخ: 31st, August 2025 GMT
نیٹ فلکس کے نئے سیزن ‘وِد لو، میگھن’ میں ڈچس آف سسیکس میگھن مارکل نے مشہور شیف خوسے آندریس کے سامنے دلچسپ انکشاف کیا کہ ان کے شوہر پرنس ہیری کو لابسٹر پسند نہیں۔ اس پر آندریس نے ہنستے ہوئے جواب دیا اور آپ نے پھر بھی ان سے شادی کر لی؟
رپورٹس کے مطابق برطانوی شاہی خاندان میں کھانے پینے کے حوالے سے کئی دلچسپ روایات موجود ہیں۔ سابق شاہی بٹلر گرانٹ ہیروڈ کے مطابق خاندان عام طور پر شیل فِش (جیسا کہ جھینگا اور کیکڑا) نہیں کھاتا کیونکہ اس سے فوڈ پوائزننگ کا خطرہ رہتا ہے۔
اسی طرح لہسن بھی شاہی کھانوں سے دور رکھا جاتا ہے تاکہ سانس کی بو سے بچا جا سکے۔ خود ملکہ کمیلا نے ایک انٹرویو میں اعتراف کیا تھا کہ گارلک شاہی میز پر ممنوع ہے۔
یہ بھی پڑھیے: ملکہ الزبتھ کی شادی کے کیک کا نایاب ٹکڑا فروخت، خریدار نے کھانے کا منصوبہ بنا لیا
مزید برآں، بادشاہ چارلس نے اخلاقی وجوہات کی بنا پر فوئی گراس (بطخ کے جگر سے بنی فرانسیسی ڈش) پر بھی شاہی محلوں میں پابندی عائد کر رکھی ہے۔
شاہی خاندان چائے میں چینی استعمال نہیں کرتا۔ گرانٹ ہیروڈ کے مطابق انہوں نے کبھی کسی رائل کو چائے میں چینی ڈالتے نہیں دیکھا۔ بادشاہ چارلس شہد کو ترجیح دیتے ہیں اور وہ اپنے دیہی گھر ہائی گروو میں شہد کی مکھیوں کے کئی چھتے رکھتے ہیں۔
چارلس کو چاکلیٹ بھی پسند نہیں اور وہ زیادہ تر پھل یا ہلکی بیکری آئٹمز جیسے کیلا بریڈ یا چائے کی کیک کو ترجیح دیتے ہیں۔
یہ بھی پڑھیے: پرنس ہیری کا شاہی خاندان سے صلح کا عندیہ، سیکیورٹی تنازع پر شدید مایوسی کا اظہار
دلچسپ بات یہ ہے کہ مرحومہ ملکہ الزبتھ نے اپنی زندگی بھر پاستا، بریڈ اور آلو جیسے کھانوں سے پرہیز کیا۔ وہ زیادہ تر ہلکی غذا جیسے سبزیوں کے ساتھ مچھلی یا چکن کھاتی تھیں تاکہ مصروف دن میں توانائی برقرار رہے۔
رپورٹ کے مطابق شاہی خاندان عموماً کچا یا نیم پکا گوشت بھی نہیں کھاتا تاکہ بیکٹیریا اور فوڈ پوائزننگ کے خطرات کو کم کیا جا سکے۔
یوں برطانوی شاہی خاندان کے کھانے پینے کے اصول صرف ذائقے کے نہیں بلکہ صحت اور آداب سے جڑے ہوئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شاہی افراد شاہی خاندان کھانے مشروبات.ذریعہ: WE News
کلیدی لفظ: شاہی افراد شاہی خاندان کھانے مشروبات شاہی خاندان کے مطابق
پڑھیں:
ایشیاءکپ میں ہاتھ ملانے کا تنازعہ،بھارتی کرکٹ بورڈکا بیان آگیا
پاکستان اور بھارت کے درمیان ایشیا کپ کا اہم میچ 14 ستمبر کو دبئی انٹرنیشنل کرکٹ اسٹیڈیم میں کھیلا گیا، جہاں بھارت نے 7 وکٹوں سے کامیابی تو حاصل کر لی لیکن کھیل کے دوران اور بعد میں اسپورٹس مین اسپرٹ کے حوالے سے بھارتی رویے پر شدید تنقید کی جا رہی ہے۔ میچ کے آغاز پر ٹاس کے وقت بھارتی کپتان سوریا کمار یادو نے پاکستانی کپتان سے ہاتھ ملانے سے انکار کیا، جب کہ میچ ختم ہونے کے بعد بھارتی کھلاڑیوں نے روایتی طور پر ہاتھ نہ ملا کر کھیل کے آداب کی کھلم کھلا خلاف ورزی کی۔ کرکٹ ماہرین اور شائقین کے مطابق کھیل ہارنے یا جیتنے سے زیادہ اہم بات اسپورٹس مین اسپرٹ ہوتی ہے، جسے بھارتی ٹیم نے نظر انداز کر دیا۔ دلچسپ بات یہ ہے کہ چند روز قبل اسی اسٹیڈیم میں بھارتی کپتان سوریا کمار یادو نے پاکستان کرکٹ بورڈ ( پی سی بی) کے چیئرمین محسن نقوی سے مصافحہ کیا تھا، جس پر بھارت میں انہیں شدید ردعمل اور سوشل میڈیا پر کڑی تنقید کا سامنا کرنا پڑا۔ ناقدین کے مطابق اسی دباؤ کے تحت بھارتی ٹیم نے پاکستان کے کھلاڑیوں سے ہاتھ ملانے سے گریز کیا۔ اس تنازع پر بھارتی کرکٹ بورڈ (بی سی سی آئی) کے ایک سینئر عہدیدار نے وضاحت پیش کرتے ہوئے کہا ہے کہ کھیل کے قوانین میں ایسا کوئی ضابطہ نہیں ہے جو کھلاڑیوں کو مخالف ٹیم سے ہاتھ ملانے پر مجبور کرے۔ بھارتی نیوز ایجنسی سے گفتگو کرتے ہوئے انہوں نے کہا کہ "یہ محض خیرسگالی کا جذبہ اور کھیلوں میں ایک رائج کنونشن ہے، کوئی قانونی تقاضا نہیں۔" بی سی سی آئی آفیشل کے مطابق اگر کسی ٹیم کے ساتھ تعلقات کشیدہ ہوں تو بھارتی کھلاڑی اس سے ہاتھ ملانے کے پابند نہیں ہیں۔ ان کے بقول کھیل کے میدان میں جذباتی یا سیاسی عوامل کو نظرانداز کرنا مشکل ہوتا ہے، لہٰذا بھارت نے محض اپنی پالیسی کے مطابق رویہ اپنایا۔ تاہم ماہرین کا ماننا ہے کہ کھیل سیاست سے بالاتر ہوتا ہے اور ایسی روش نہ صرف کھیل کی روح کے منافی ہے بلکہ اس سے شائقین کرکٹ میں مایوسی بھی بڑھتی ہے۔
بھارتی بورڈ کی دولت میں 5برس کے دوران کروڑوں روپے کا اضافہ