جوا ایپلی کیشنز کی تشہیر کا کیس، ڈکی بھائی کے ریمانڈ میں چوتھی بار توسیع
اشاعت کی تاریخ: 1st, September 2025 GMT
لاہور کی مقامی عدالت نے مشہور یوٹیوبر سعد الرحمان المعروف ڈکی بھائی کے ریمانڈ میں چوتھی بار توسیع کردی ہے، جس کے بعد وہ مزید 2 دن تک نیشنل سائبر کرائم انویسٹی گیشن ایجنسی (این سی سی آئی اے) کی حراست میں رہیں گے۔
ڈکی بھائی پر الزام ہے کہ انہوں نے اپنے یوٹیوب چینل کے ذریعے غیر قانونی جوا ایپلی کیشنز کی تشہیر کی۔ انہیں 17 اگست کو لاہور کے علامہ اقبال انٹرنیشنل ایئرپورٹ پر گرفتار کیا گیا تھا، جب وہ مبینہ طور پر ملک سے باہر جانے کی کوشش کر رہے تھے۔
یہ بھی پڑھیں: معروف یوٹیوبر ڈکی بھائی کے لیے بڑا ریلیف، جسمانی ریمانڈ میں توسیع کیخلاف درخواست سماعت کے لیے مقرر
ان کا 4 روزہ ریمانڈ مکمل ہونے کے بعد یکم ستمبر کو عدالت میں پیش کیا گیا، جہاں جج نے مزید 2 دن کے لیے انہیں این سی سی آئی اے کے حوالے کرنے کا حکم دیا۔
ڈکی بھائی کے خلاف مقدمہ این سی سی آئی اے لاہور کی جانب سے ریاست کی مدعیت میں درج کیا گیا، جس میں پاکستان کے الیکٹرانک جرائم کے قانون کے تحت دفعات 13، 14، 25 اور 26 اور پاکستان پینل کوڈ کی دفعات 294-بی اور 420 شامل ہیں۔
عدالت کی جانب سے بار بار ریمانڈ پر دیے جانے کے عمل کے خلاف ڈکی بھائی نے لاہور سیشن کورٹ میں درخواست بھی دائر کی ہوئی ہے۔
دوسری جانب اسی کیس میں ڈکی بھائی کی اہلیہ عروب جتوئی کو 15 ستمبر تک قبل از گرفتاری ضمانت میں توسیع دی گئی ہے، اور سیشن کورٹ نے این سی سی آئی اے کو انہیں گرفتار کرنے سے روک دیا ہے جبکہ اگلی سماعت پر تفصیلی تفتیشی رپورٹ طلب کی گئی ہے۔
یہ بھی پڑھیں: یوٹیوبر ڈکی بھائی کی اہلیہ عروب جتوئی کی عبوری ضمانت میں 15 ستمبر تک توسیع
عروب جتوئی نے ضمانت کی درخواست میں موقف اختیار کیا کہ وہ ایجنسی کے ساتھ مکمل تعاون کرنے اور تفتیش کے لیے پیش ہونے کے لیے تیار ہیں اور اسی بنیاد پر عدالت نے انہیں پہلی بار 21 اگست کو ضمانت دی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جسمانی ریمانڈ میں توسیع جوے کی تشہیر کا کیس ڈکی بھائی وی نیوز یوٹیوبر.
ذریعہ
ذریعہ: WE News
کلیدی لفظ: جسمانی ریمانڈ میں توسیع جوے کی تشہیر کا کیس ڈکی بھائی وی نیوز یوٹیوبر سی سی آئی اے ڈکی بھائی کے کے لیے
پڑھیں:
جماعت اسلامی کے سیکریٹری جنرل امیرالعظیم انتقال کرگئے
لاہور(ڈیلی پاکستان آن لائن)جماعت اسلامی پاکستان کے سیکریٹری جنرل امیرالعظیم لاہور میں انتقال کرگئے۔جماعت اسلامی پاکستان کی جانب سے سماجی رابطے کی ویب سائٹ پر جاری بیان میں بتایا گیا کہ امیرالعظیم صاحب اللہ کے حضور پیش ہوگئے۔
سیکریٹری جنرل جماعت اسلامی امیر العظیم طویل عرصے سے علیل اور کینسر کے مرض سے نبرد آزما تھے۔امیرالعظیم کی نماز جنازہ کا اعلان بعد میں کیا جائے گا۔امیرالعظیم جماعت اسلامی کے سیکریٹری جنرل کے علاوہ زمانۂ طالب علمی میں اسلامی جمعیت طلبہ پاکستان کے ناظم اعلیٰ بھی رہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
لاہور میں 1958 میں پیدا ہونے والے امیرالعظیم نے پنجاب یونیورسٹی سے ایم بی اے کی ڈگری حاصل کی اور اسلامی جمعیت طلبہ کے ناظم اعلی رہے۔جماعت اسلامی پاکستان کے سابق امیر سراج الحق نے انہیں 2019 اور 2024 میں موجودہ امیر جماعت اسلامی حافظ نعیم الرحمان نے مرکزی مجلس شوریٰ کے مشورے سے انہیں مرکزی سیکریٹری جنرل مقرر کیا۔
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع