کالا باغ ڈیم بن بھی جائے تو سیلاب نہیں رکیں گے، شیری رحمان
اشاعت کی تاریخ: 2nd, September 2025 GMT
اسلام آباد (نیوز ڈیسک) پاکستان پیپلز پارٹی کی رہنما شیری رحمان نے کہا ہے کہ اگر کسی معجزے کے تحت کالا باغ ڈیم بن بھی گیا تو ملک میں سیلاب پھر بھی آتے رہیں گے۔
نجی ٹی وی کو خصوصی انٹرویو دیتے ہوئے شیری رحمان نے کہا کہ وزیر اعلیٰ خیبر پختونخوا علی امین گنڈاپور کے صوبے نے ہمیشہ کالا باغ ڈیم کی مخالفت کی ہے۔ اگر وہ اس حوالے سے کوئی پیشرفت چاہتے ہیں تو ڈیم سے متعلق اجلاس میں شریک ہوں۔ ان کے صوبے نے پہلے ہی اس منصوبے کو مسترد کیا ہے۔
انہوں نے کہا کہ جب ماحولیاتی تبدیلیاں آتی ہیں تو صرف ڈیم بنانے سے مسائل حل نہیں ہوتے۔ ملک کے تینوں بڑے دریا سب کے سامنے ہیں، کالا باغ ڈیم کی جگہ بھی سب جانتے ہیں۔ آج پنجاب سیلاب کی لپیٹ میں ہے، ڈیم پانی ذخیرہ کرنے اور بجلی پیدا کرنے کے لیے ہوتے ہیں، لیکن یہ سیلاب کو روکنے کی ضمانت نہیں دے سکتے۔
شیری رحمان کا کہنا تھا کہ کبھی چترال، سوات اور مالاکنڈ سرسبز و شاداب علاقے تھے لیکن اب وہ اپنی سبز پوشی کھو چکے ہیں۔ سیلاب کے خطرے میں کمی کے لیے اصل توجہ آبی گزرگاہوں کے اطراف تجاوزات ختم کرنے پر دینی ہوگی۔ انہوں نے کہا کہ میں کمیٹی میں اس معاملے کو اٹھاؤں گی تاکہ اس پر سنجیدگی سے غور ہو سکے۔
ان کا مزید کہنا تھا کہ ملک میں اب بڑے ڈیم بنانا ممکن نہیں، اس سے پہلے یہ بھی دیکھنا چاہیے کہ تربیلا اور منگلا جیسے منصوبے کس طرح بنے تھے۔ سیلاب آتے رہیں گے اور کوئی ڈیم انہیں روک نہیں سکتا۔ سب سے زیادہ سبزہ زار اور ماحولیاتی تحفظ والا خطہ کبھی خیبر پختونخوا تھا اور کسی حد تک گلگت بلتستان بھی، مگر اب یہ خطے بھی ماحولیاتی تبدیلیوں سے متاثر ہو چکے ہیں۔
Post Views: 7.
ذریعہ
ذریعہ: Daily Mumtaz
کلیدی لفظ: کالا باغ ڈیم نے کہا
پڑھیں:
دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلا ب
لاہور(ڈیلی پاکستان آن لائن) دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلاب آ گیا ۔
فلڈ فور کاسٹنگ ڈویژن لاہور کے مطابق ہیڈ قادر آباد پر پانی کی آمد 2 لاکھ 36 ہزار کیو سک تک پہنچ گئی ہے۔
دریائے راوی میں ہیڈ بلوکی پر درمیانےدرجے کا سیلاب ہے ۔پانی کا بہاؤ بڑھ کر 73 ہزار 635 کیو سک تک پہنچ گیا ۔
اس کے علاوہ دریائے کابل میں نوشہرہ میں بدستور نچلے درجے کا سیلاب برقرار ہے جبکہ دریائے سندھ میں کالا باغ اور چشمہ بیراج پر نچلے درجے کے سیلاب ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بلوچستان میں سبی ڈویژن کے دریائے لہڑی میں ہیڈگوگی کے مقام پر اونچے درجے کا سیلاب ہے اور پانی کا بہاؤ 95 ہزار 913 کیو سک ریکارڈ کیا گیا ہے۔
دوسر ی جانب سیالکوٹ میں دریائے چناب میں پھنسے تمام 5 افراد کو ریسکیوکرلیا گیا ہے۔ ریسکیو حکام کے مطابق پانچوں افراد کام کے لیے گئے تھے واپسی پر کشتی خراب ہوگئی تھی۔
واضح رہے کہ مقبوضہ کشمیر میں تیز بارشوں کے بعد بھارت نے پانی کا بڑا ریلہ پاکستان کی جانب چھوڑ دیا ہے۔
بھارت کی جانب سے پانی چھوڑے جانے کے بعد پاکستان میں بڑے سیلاب کا خدشہ ہے اور اس حوالے سے سیالکوٹ اور وزیرآباد کے علاقوں میں سیلابی صورتحال پر ہائی الرٹ جاری کیا گیا ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی