کراچی سمیت سندھ بھرمیں بارشوں کا نیا سلسلہ کب متوقع؟ محکمہ موسمیات نے بتادیا
اشاعت کی تاریخ: 2nd, September 2025 GMT
پاکستان محکمہ موسمیات نے کراچی سمیت سندھ بھر میں اس ہفتے کے آخر سے درمیانی سے تیز بارشوں کے سلسلے کی پیش گوئی کی ہے۔
محکمہ موسمیات کے مطابق خلیج بنگال میں ہوا کا کم دباؤ موجود ہے جو 7 سے 11 ستمبر کے دوران سندھ کو متاثر کرسکتا ہے، اس سسٹم کے تحت سندھ بھر میں درمیانی اور تیز بارشوں کا امکان ہے، جبکہ کراچی میں بھی بارش متوقع ہے۔
یہ بھی پڑھیں: اسلام آباد میں موسلادھار بارش سے تباہی، گاڑیاں نالے میں بہہ گئیں
محکمہ موسمیات نے خبردار کیا ہے کہ شدید بارش کی صورت میں کراچی میں شہری سیلاب یعنی اربن فلڈنگ کا خطرہ موجود ہے، تاہم یہ بھی واضح کیا گیا ہے کہ 5 ستمبر تک کراچی میں شدید بارش کا کوئی امکان نہیں ہے۔
یاد رہے کہ گزشتہ ماہ ہونے والی موسلا دھار بارشوں نے کراچی میں تباہی مچائی تھی، جس کے نتیجے میں کئی قیمتی جانیں ضائع ہوئیں، مختلف علاقوں میں بجلی 12 سے 48 گھنٹے تک بند رہی، جبکہ سڑکیں ٹوٹ پھوٹ کا شکار ہوگئیں اور سڑکوں پر بارش کا پانی جمع ہونے سے ٹریفک جام پیدا ہوا۔
مزید پڑھیں:پنجاب میں 3 ستمبر تک سیلابی صورت حال جاری رہنے کا خدشہ، سندھ اور بلوچستان میں بھی خطرات
ادھر پنجاب پہلے ہی مون سون کی لگاتار بارشوں اور بھارت کی جانب سے ڈیموں سے پانی چھوڑنے کے باعث سیلابی صورتحال کا سامنا کر رہا ہے۔
اسی دوران پیر کے روز اسلام آباد اور راولپنڈی میں طوفانی بارشوں نے شہری زندگی درہم برہم کردی، سڑکیں ندی نالوں کا منظر پیش کرنے لگیں، درجنوں گاڑیاں پانی میں پھنس گئیں اور طوفانی نالے ابل پڑے جس سے معمولات زندگی شدید متاثر ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اربن فلڈنگ پیش گوئی تیز بارشوں سندھ شدید بارش کراچی محکمہ موسمیات.ذریعہ: WE News
کلیدی لفظ: اربن فلڈنگ پیش گوئی تیز بارشوں کراچی محکمہ موسمیات محکمہ موسمیات کراچی میں
پڑھیں:
محکمہ موسمیات نے کراچی میں بوندا باندی اور ہلکی بارش کا امکان ظاہر کردیا
data-id="863a0a8" data-element_type="widget" data-widget_type="theme-post-content.default">
کراچی: محکمہ موسمیات نے پیش گوئی کی ہے کہ شہر میں رات اور صبح کے اوقات میں ہلکی بارش کا امکان ہے۔
محکمہ موسمیات کے مطابق بدھ کو شہر کا مطلع کہیں جزوی ابرآلود اور کہیں صاف رہا، کم سےکم درجہ حرارت 25.5 جبکہ زیادہ سے زیادہ 32.3ڈگری سینٹی گریڈ ریکارڈ ہوا۔
ارلی وارننگ سینٹر کی پیش گوئی کے مطابق اگلے 3 روز تک شہر کا مطلع ابرآلود اور مرطوب رہنے کا امکان ہے تاہم صبح اور رات کے اوقات میں ہلکی بارش، پھوار، بونداباندی کی توقع ہے۔
محکمہ موسمیات نے بتایا کہ سمندری ہوائیں مسلسل بحال رہنے کی توقع ہے اور صوبے کے بیشتر علاقوں میں موسم گرم اور مرطوب رہنے کا امکان ہے۔
ارلی وارننگ سینٹر نے بتایا کہ گڈو اور سکھر میں اونچے جبکہ کوٹری بیراج پر درمیانے درجے کا سیلاب ہے۔
بھارتی بورڈ کی دولت میں 5برس کے دوران کروڑوں روپے کا اضافہ