میکسیکو میں ٹک ٹاکر اسمارالڈا فیریر شوہر اور بچوں سمیت قتل
اشاعت کی تاریخ: 2nd, September 2025 GMT
سوشل میڈیا پر سرگرم ٹک ٹاک انفلوئنسر اسمارالڈا فیریر گاریبے، ان کے شوہر اور دو کمسن بچوں کو فائرنگ کرکے بے دردی سے قتل کر دیا گیا۔ واقعے نے پورے ملک میں ہلچل مچا دی ہے، جبکہ سوشل میڈیا پر غم و غصے اور دکھ کا اظہار کیا جا رہا ہے۔
چاروں افراد کی لاشیں پلاسٹک میں لپیٹ کر ایک خالی پک اپ ٹرک میں پھینک دی گئی تھیں، جو بعد ازاں شہر گوادالاجارا میں پولیس کو ملا۔ مقامی حکام کے مطابق، یہ ایک منظم اور منصوبہ بند کارروائی تھی۔
جائے واردات ایک ورکشاپ نکلی
ریجنل پراسیکیوٹر الفونسو گیٹرز سانتیان نے میڈیا کو بتایا کہ CCTV فوٹیج کی مدد سے ٹرک کی نقل و حرکت کو ٹریس کیا گیا، جس سے پتہ چلا کہ اسے ایک قریبی آٹو ورکشاپ تک لے جایا گیا تھا۔ تفتیش کے دوران اسی مقام پر خون کے دھبے، فائر شدہ گولیوں کے خول اور دیگر شواہد ملے، جو قتل وہیں ہونے کی تصدیق کرتے ہیں۔
ملزمان کی گرفتاری اور پراسرار اغواء
ابتدائی طور پر پولیس نے ورکشاپ کے دو ملازمین کو حراست میں لیا، تاہم ٹھوس شواہد نہ ہونے کی بنیاد پر انہیں ضمانت پر رہا کر دیا گیا۔ حیرت انگیز طور پر، رہائی کے کچھ ہی دیر بعد دونوں افراد کو نامعلوم مسلح افراد نے اغوا کر لیا، جن میں ان کے دو رشتہ دار بھی شامل تھے، جبکہ ایک فرد موقع سے بچ نکلنے میں کامیاب رہا۔
پسِ منظر تاحال غیر واضح
حکام کے مطابق، اس ہولناک واقعے کے پیچھے منظم مجرمانہ گروہوں کے ملوث ہونے کا شبہ ہے، تاہم اب تک کی تحقیقات میں کوئی ٹھوس ثبوت سامنے نہیں آیا جو یہ ثابت کرے کہ اسمارالڈا یا ان کا خاندان کسی ڈرگ کارٹل یا جرائم پیشہ تنظیم سے منسلک تھا۔
ذریعہ
ذریعہ: Daily Mumtaz
پڑھیں:
آزاد کشمیر الیکشن کے حوالے سے میڈیا کیلیے ضابطہ اخلاق جاری
الیکشن کمیشن آزاد کشمیر نے انتخابات 2026 کے لیے نیا میڈیا ضابطہ اخلاق جاری کر دیا، پالیسی کا مقصد انتخابی عمل میں شفافیت، غیرجانبداری اور ذمہ دارانہ صحافتی روایات کو یقینی بنانا ہے۔
الیکشن کمیشن کے مطابق تمام میڈیا اداروں کو ہدایت کی گئی ہے کہ وہ انتخابی کوریج کے دوران مکمل غیرجانبداری کا مظاہرہ کریں اور ضابطہ اخلاق پر سختی سے عمل درآمد کریں۔
اعلامیے میں کہا گیا ہے کہ پولنگ اسٹیشن کے اندر صرف مجاز میڈیا نمائندوں کو کوریج کی اجازت ہوگی تاہم پولنگ بوتھ کے اندر ووٹنگ کی خفیہ کارروائی کی کسی بھی قسم کی ریکارڈنگ یا فوٹوگرافی سختی سے ممنوع ہوگی۔
الیکشن کمیشن نے پولنگ ختم ہونے سے قبل کسی بھی قسم کے ایگزٹ پول، نتائج یا رجحانات نشر کرنے پر مکمل پابندی عائد کر دی ہے۔ نفرت انگیز، اشتعال انگیز یا فرقہ وارانہ مواد نشر کرنے سے گریز کرنے کی تاکید کی ہے۔
اسی طرح غلط، غیر مصدقہ یا گمراہ کن معلومات نشر کرنا بھی ممنوع قرار دیا گیا۔تمام امیدواروں کو انتخابی کوریج میں مساوی اور منصفانہ نمائندگی دینے کی ہدایت کی گئی ہے۔
الیکشن کمیشن نے واضح کیا ہے کہ ضابطہ اخلاق کی خلاف ورزی پر متعلقہ میڈیا ادارے کی ایکریڈیٹیشن منسوخ کی جا سکتی ہے اور قانونی کارروائی بھی عمل میں لائی جائے گی۔
کمیشن نے تمام میڈیا اداروں سے اپیل کی ہے کہ وہ انتخابی ضابطہ اخلاق پر مکمل عمل درآمد یقینی بنائیں تاکہ انتخابی عمل کے اعتماد اور شفافیت کو برقرار رکھا جا سکے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار