چین میں جاپانی جارحیت کے خلاف چینی عوام کی مزاحمتی جنگ اور عالمی فاشسٹ مخالف جنگ کی فتح کی 80 ویں سالگرہ کے موقع پر شاندار تقریب کا انعقاد
اشاعت کی تاریخ: 3rd, September 2025 GMT
بیجنگ:3 ستمبر کی صبح 9 بجے جاپانی جارحیت کے خلاف چینی عوام کی مزاحمتی جنگ اور عالمی فاشسٹ مخالف جنگ کی فتح کی 80 ویں سالگرہ کے موقع پر ایک شاندار تقریب چین کے دارالحکومت بیجنگ کے تھیان آن من اسکوائر میں منعقد ہوئی۔ تقریب میں ایک عظیم الشان فوجی پریڈ کا انعقاد کیا گیا۔ سی پی سی سینٹرل کمیٹی کے جنرل سکریٹری، عوامی جمہوریہ چین کے صدر اور سینٹرل ملٹری کمیشن کے چیئرمین شی جن پھنگ نے اہم خطاب کیا اور پریڈ کا معائنہ کیا۔
تقریب کا موضوع “تاریخ کو یاد رکھنا، شہداء کی یاد کو تازہ کرنا، امن کی قدر کرنا اور مستقبل کی تعمیرکرنا” ہے۔
چینی صدر شی جن پھنگ کی دعوت پر 26 غیر ملکی سربراہان مملکت و حکومت نے اس یادگاری تقریب میں شرکت کی۔ چینی حکومت کی دعوت پر دیگر ممالک کے پارلیمنٹ کے اسپیکرز، نائب وزراء اعظم، اعلیٰ سطح کے نمائندوں، بین الاقوامی تنظیموں کے سربراہان اور سابق معززین نے اس یادگاری تقریب میں شرکت کی۔ اس کے علاوہ چین میں غیر ملکی سفارتکاروں، ملٹری اتاشیوں اور بین الاقوامی تنظیموں کے نمائندوں کے ساتھ ساتھ روس، امریکہ، برطانیہ، فرانس اور کینیڈا سمیت 14 ممالک کے 50 دوستوں یا ان کے خاندان کے افراد کو بھی شرکت کی دعوت دی گئی۔
80 سال قبل 14 سال کی کٹھن جدوجہد کے بعد چینی قوم نے جاپانی جارحیت کے خلاف مزاحمتی جنگ میں عظیم فتح حاصل کی اور فسطائیت کے خلاف عالمی جنگ میں مکمل فتح کا اعلان کیا۔دوسری جنگ عظیم کے دوران جاپانی جارحیت کے خلاف چینی عوام کی مزاحمتی جنگ سب سے پہلے شروع ہوئی اور سب سے طویل عرصے تک جاری رہی ، جس نے عظیم قومی قربانیوں کے ساتھ عالمی فسطائیت مخالف جنگ میں مرکزی مشرقی محاذ پر اہم کردار ادا کیا اور عالمی فاشسٹ مخالف جنگ کی فتح میں تاریخی خدمات سرانجام دیں۔
ذریعہ
ذریعہ: Daily Mumtaz
کلیدی لفظ: جاپانی جارحیت کے خلاف مزاحمتی جنگ مخالف جنگ
پڑھیں:
کراچی، شہر کے مختلف علاقوں میں حادثات کے نتیجے میں 3 افراد جاں بحق
کراچی:شہر قائد کے مختلف علاقوں میں پیش آنے والے افسوسناک حادثات کے نتیجے میں تین افراد جان کی بازی ہار گئے جبکہ لاشوں کو قانونی کارروائی کے لیے اسپتال منتقل کر دیا گیا۔
ریسکیو ذرائع کے مطابق بلوچ کالونی کے علاقے کشمیر کالونی نالے والے روڈ پر نامعلوم گاڑی کی ٹکر سے ایک 20 سالہ راہگیر جاں بحق ہوگیا۔
اطلاع ملنے پر چھیپا کے رضاکار موقع پر پہنچے اور لاش کو جناح اسپتال منتقل کیا جہاں متوفی کی شناخت کے لیے کوششیں جاری ہیں۔
دوسرا واقعہ ایف سی ایریا کے ایک اپارٹمنٹ میں پیش آیا جہاں کرنٹ لگنے سے ایک شخص جاں بحق ہوگیا۔
چھیپا حکام کے مطابق متوفی کی لاش عباسی شہید اسپتال منتقل کی گئی جہاں اس کی شناخت 40 سالہ اظہر احمد کے نام سے ہوئی۔
ادھر قیوم آباد میں جام صادق پل پر تیز رفتار ٹریلر کی ٹکر سے موٹرسائیکل سوار موقع پر ہی دم توڑ گیا۔
ریسکیو اہلکاروں نے لاش کو جناح اسپتال منتقل کیا جہاں متوفی کی شناخت 40 سالہ شکیل کے نام سے کی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ