2026 ورلڈ کپ ٹکٹس کی فروخت کا آغاز، کیا قیمتیں مقرر کی گئیں ہیں؟
اشاعت کی تاریخ: 4th, September 2025 GMT
فٹبال کی عالمی تنظیم فیفا نے اعلان کیا ہے کہ 2026 ورلڈ کپ کے ٹکٹوں کی فروخت رواں ماہ کے آخر سے شروع ہوگی۔
یہ بھی پڑھیں:صدر ٹرمپ نے دسمبر میں فیفا ورلڈ کپ ڈرا کا اعلان کردیا
ابتدائی مرحلے میں ایک ملین ٹکٹس جاری کیے جائیں گے، جن کی قیمتیں 60 ڈالر سے لے کر 6,730 ڈالر تک رکھی گئی ہیں۔
سب سے سستا اور سب سے مہنگا ٹکٹفیفا کے مطابق گروپ اسٹیج میچز کے لیے کیٹیگری فور ٹکٹ کی کم سے کم قیمت 60 ڈالر ہوگی، جبکہ ورلڈ کپ فائنل کے لیے کیٹیگری ون ٹکٹ کی زیادہ سے زیادہ قیمت 6,730 ڈالر مقرر کی گئی ہے۔
تاہم ’ڈائنامک پرائسنگ‘ کے تحت طلب کے مطابق یہ قیمتیں اوپر نیچے ہو سکتی ہیں۔
ڈائنامک پرائسنگ پر بحثٹکٹوں کی ڈائنامک پرائسنگ اس سے قبل رواں سال امریکا میں کلب ورلڈ کپ کے دوران بھی زیر بحث رہی، جہاں کئی میچز کے ٹکٹس آخری وقت میں کم قیمت پر دستیاب ہوئے۔
FIFA set to kick off 2026 World Cup ticket sales
48 teams will play in the United States, Canada and Mexico from June 11-July 19 next yearhttps://t.
— Gulf News (@gulf_news) September 3, 2025
فیفا ورلڈ کپ 2026 کے چیف آپریٹنگ آفیسر ہائمو شیرگی نے کا کہنا ہے کہ ہمارا مقصد آمدنی کو بہتر بنانا ہے لیکن ساتھ ہی اسٹیڈیمز کو بھرنا بھی ضروری ہے۔ یہ ہمیشہ مختلف عوامل کے درمیان توازن کا معاملہ ہوتا ہے۔
فیفا نے بتایا کہ پری سیل 10 سے 19 ستمبر تک جاری رہے گی، جبکہ کامیاب امیدوار یکم اکتوبر سے 21 اکتوبر تک اپنے مختص وقت کے اندر ٹکٹ خرید سکیں گے۔
اگلا مرحلہ نومبر میں ہوگا اور پھر ورلڈ کپ ڈرا کے بعد دسمبر 5 کو مزید ٹکٹس جاری کیے جائیں گے۔
میزبان ٹیموں کے میچز امریکا (گروپ ڈی) اپنے میچز لاس اینجلس (12 جون اور 25 جون 2026) اور سیئٹل (19 جون 2026) میں کھیلے گا۔ میکسیکو (گروپ اے) افتتاحی میچ 11 جون کو میکسیکو سٹی میں کھیلے گا، اس کے بعد 18 جون کو گواڈالاجارا اور 24 جون کو دوبارہ میکسیکو سٹی میں میدان میں اترے گا۔ کینیڈا (گروپ بی) ٹورنٹو (12 جون) اور وینکوور (18 اور 24 جون) میں اپنے میچز کھیلے گا۔ فائنل کی میزبانیورلڈ کپ 2026 کا فائنل 19 جولائی کو نیو جرسی کے میٹ لائف اسٹیڈیم میں ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ٹکٹس فٹبال ورلڈ کپ 2026 فٹبال ورلڈ کپ ٹکٹس فیفا فیفا ورلڈ کپذریعہ: WE News
کلیدی لفظ: امریکا ٹکٹس فٹبال ورلڈ کپ 2026 فیفا فیفا ورلڈ کپ ورلڈ کپ 2026
پڑھیں:
ویمنز ورلڈ کپ فائنل: بھارت کا جنوبی افریقہ کو جیت کے لیے 299 رنز کا ہدف
آئی سی سی ویمنز ورلڈ کپ 2025 کے فائنل میں بھارت نے شاندار بیٹنگ پرفارمنس کی بدولت جنوبی افریقہ کو 299 رنز کا ہدف دیا ہے۔
میچ کا آغاز آؤٹ فیلڈ گیلا ہونے کے باعث 2 گھنٹے تاخیر سے ہوا، تاہم بیٹنگ کے لیے بلائے جانے کے بعد بھارتی اوپنرز نے انتہائی جارحانہ آغاز کیا۔ شفیلی ورما نے 87 رنز کی برق رفتار اننگز کھیلتے ہوئے ٹیم کو مضبوط بنیاد فراہم کی، جبکہ اسمرتی مندھانا نے 45 رنز بنا کر ان کا بھرپور ساتھ دیا۔ دونوں نے پہلی وکٹ کی شراکت میں 104 رنز جوڑے۔
شفیلی ورما نے 78 گیندوں پر 87 رنز اسکور کیے، جس میں 7 چوکے اور 2 چھکے شامل تھے۔ یہ ان کی تین سال بعد پہلی ون ڈے ففٹی اور مجموعی طور پر پانچویں نصف سنچری تھی۔
وسطی اوورز میں جنوبی افریقی بولرز نے واپسی کی کوشش کی, ایابونگا کھاکا نے 3 وکٹیں حاصل کرکے بھارتی بیٹنگ کی رفتار سست کی، جبکہ نونکولولیکو ملبا نے کپتان ہرمن پریت کور کو 20 رنز پر آؤٹ کر کے اہم کامیابی حاصل کی۔
آخر میں دیپتی شرما نے ذمہ دارانہ انداز میں بیٹنگ کرتے ہوئے 58 رنز بنائے اور اننگز کو سہارا دیا۔ رچا گھوش نے 24 گیندوں پر 34 رنز کی تیز رفتار اننگز کھیل کر ٹیم کا اسکور 298 تک پہنچانے میں اہم کردار ادا کیا۔
بھارت نے مقررہ 50 اوورز میں 6 وکٹوں کے نقصان پر 298 رنز بنائے، اور جنوبی افریقہ کو جیت کے لیے 299 رنز کا ہدف دے دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بھارت جنوبی افریقہ فائنل ویمنز ورلڈ کپ
عافیہ صدیقی کی رہائی اور وطن واپسی کا کیس لارجر بینچ میں سماعت کیلیے مقرر