بھارت، گجرات میں تیسرے بچے کی پیدائش پر سرپنچ معطل
اشاعت کی تاریخ: 4th, September 2025 GMT
بھارتی ریاست گجرات کے ضلع چھوٹا اُدے پور کے ایک گاؤں میں تیسرے بچے کی پیدائش پر پنچایت کے انچارج سرپنچ کو ان کے عہدے سے معطل کر دیا گیا۔
بھارتی میڈیا کے مطابق یہ واقعہ سنکھیڈا تعلقہ کے کویتھا گرام پنچایت میں پیش آیا جہاں انچارج سرپنچ مہندر بھائی واساوا کو گجرات پنچایت ایکٹ کی خلاف ورزی پر عہدے سے ہٹایا گیا۔
واقعے کی تفصیلات کے مطابق، گاؤں کے ایک شہری مہیش جیسنگ بھائی رباری نے مقامی ترقیاتی افسر (TDO) کے پاس شکایت درج کروائی کہ سرپنچ کے ہاں تیسرا بچہ پیدا ہوا ہے۔ شکایت پر ٹی ڈی او نے تحقیقات کا آغاز کیا، اور تصدیق ہونے پر کہ تیسرا بچہ 10 اگست کو پیدا ہوا ہے، مہندر بھائی واساوا کو گجرات پنچایت ایکٹ کے سیکشن 30 (M) کے تحت معطل کر دیا گیا۔
اس قانون کے مطابق، کوئی بھی شخص جس کے دو سے زائد بچے ہوں، پنچایت کے رکن یا سرپنچ کے عہدے کے لیے اہل نہیں رہتا۔ قانون کی خلاف ورزی کی صورت میں عہدے سے نااہلی لازمی ہے۔
سنکھیڈا کے ترقیاتی افسر جگر پرجاپتی نے بتایا کہ کویتھا گاؤں کے نائب سرپنچ، جو سرپنچ کے فرائض انجام دے رہے تھے، کے ہاں 10 اگست کو تیسرا بچہ پیدا ہوا۔ ہمیں گاؤں والوں سے شکایت موصول ہوئی جس پر ہم نے تینوں بچوں کے پیدائشی سرٹیفکیٹس حاصل کیے اور قانون کے مطابق کارروائی شروع کی۔”
دلچسپ بات یہ ہے کہ کویتھا گرام پنچایت میں یہ پہلا موقع نہیں کہ سرپنچ کو تنازع کا سامنا کرنا پڑا ہو — اس سے قبل بھی سابقہ سرپنچ کو جھوٹے دعوؤں کے الزام پر عہدے سے برطرف کیا جا چکا ہے۔
یہ واقعہ بھارت میں خاندانی منصوبہ بندی سے متعلق قوانین کی سختی سے عمل داری اور مقامی حکومتوں میں شفافیت کے مطالبے کی ایک مثال کے طور پر سامنے آیا ہے۔
ذریعہ: Daily Mumtaz
کلیدی لفظ: کے مطابق
پڑھیں:
تیسرا ٹی ٹوئنٹی: پاکستان کا جنوبی افریقا کیخلاف ٹاس جیت کر فیلڈنگ کا فیصلہ
پاکستان نے جنوبی افریقا کے خلاف ٹی ٹوئنٹی سیریز کے تیسرے اور فیصلہ کن میچ میں ٹاس جیت کر فیلڈنگ کا فیصلہ کیا ہے۔
قذافی اسٹیڈیم لاہور میں شیڈول میچ میں پاکستان کی جانب سے عثمان طارق کو ڈیبیو کرایا جا رہا ہے۔
سونے کی کان کنی پر عائد پابندی میں مزید 30 روز کی توسیع