نواب شاہ: خاتون اول آصفہ بھٹو زرداری نے ممکنہ سیلاب سے نمٹنے کے لیے انتظامات کا جائزہ لیا
اشاعت کی تاریخ: 4th, September 2025 GMT
خاتون اول اور رکن قومی اسمبلی آصفہ بھٹو زرداری نے نواب شاہ میں دریائے سندھ سے منسلک ایس ایم بند کے مختلف مقامات کا دورہ کیا اور ممکنہ سیلاب سے نمٹنے کے لیے انتظامات کا جائزہ لیا۔
آصفہ بھٹو زرداری نے سندھ حکومت کی وزیر برائے امور صحت عذرا فضل پیچوہو اور قومی اسمبلی کے ڈپٹی اسپیکر سید غلام مصطفی شاہ کے ہمراہ آبپاشی، صحت، لائیو اسٹاک اور ریسکیو 1122 کے امدادی کیمپوں کا دورہ کیا۔ انہوں نے محراب پور میں بھی سیلاب سے متاثرہ افراد کے لیے پیشگی اقدامات کا جائزہ لیا۔
محکمہ آبپاشی نے آصفہ بھٹو زرداری کو بریفنگ دی کہ مڈ منگلی کے مقام پر دریا کے بہاؤ کے دباؤ کو کم کرنے کے لیے ٹی اسپر، جے اسپر اور ڈھلوانی اسٹڈ کے مختلف ڈھانچے تعمیر کیے گئے ہیں۔ ایس ایم بند پر بھاری مشینری کے ساتھ پتھروں کا وافر ذخیرہ موجود ہے تاکہ کسی بھی ممکنہ شگاف کو فوراً پر کیا جا سکے۔
مزید پڑھیں: ہر خاندان کی ترقی ہمارا قومی فرض ہے، خاتون اول آصفہ بھٹو زرداری
محکمہ آبپاشی کے اہلکار 24 گھنٹے بند کی نگرانی کر رہے ہیں جبکہ ریسکیو 1122 کے کیمپ کے عملے کے پاس ہنگامی صورتحال سے نمٹنے کے لیے بوٹ، لائف جیکٹ، اسکوبا سیٹ اور رسیوں سمیت تمام ضروری سامان موجود ہے۔ مڈ بنگلو کے مقام پر میڈیکل کیمپ میں یومیہ 80 مریضوں کا علاج کیا جا رہا ہے۔
آصفہ بھٹو زرداری کو گڈو اور سکھر بیراج کے سیلابی درجہ بندی کے بارے میں بھی بریفنگ دی گئی: 2 لاکھ کیوسک تک نارمل، 5 لاکھ کیوسک تک درمیانہ سیلاب اور 9 لاکھ کیوسک تک سپرفلڈ قرار پاتا ہے۔
کوٹری بیراج پر 2 لاکھ کیوسک تک نارمل، ساڑھے 4 لاکھ کیوسک تک درمیانہ سیلاب جبکہ سپر فلڈ 8 لاکھ کیوسک سے زیادہ قرار پاتا ہے۔ 2010 کے سپرفلڈ کے بعد ایس ایم بند کو مختلف مقامات پر مضبوط کیا گیا ہے۔
مزید پڑھیں: پیپلز پارٹی کے علاوہ کسی جماعت نے خواتین کو گھروں کی ملکیت دینے کا قدم نہیں اٹھایا، آصفہ بھٹو
خاتون اول نے کہا کہ بپھرتے پانی سے انسانی زندگیوں، املاک، کھیت کھلیان اور جانوروں کو بچانا ایک بڑا چیلنج ہے۔ انہوں نے ممکنہ سیلاب کا مقابلہ کرنے کے لیے مؤثر منصوبہ بندی اور مختلف محکموں کے درمیان بہتر کوآرڈینیشن کی ضرورت پر زور دیا۔
آصفہ بھٹو زرداری نے کہا کہ انتظامیہ کی کوششیں قابل تعریف ہیں اور ممکنہ سیلاب کی صورت میں شہریوں کو بھی احتیاطی تدابیر اختیار کرنی چاہیے۔ انہوں نے عوام سے اپیل کی کہ اگر انتظامیہ انخلا کی ہدایت دے تو اس پر سنجیدگی سے عمل کریں کیونکہ ہر شہری کی زندگی قیمتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آصفہ بھٹو زرداری خاتون اول اور رکن قومی اسمبلی ممکنہ سیلاب.
ذریعہ
ذریعہ: WE News
کلیدی لفظ: آصفہ بھٹو زرداری خاتون اول اور رکن قومی اسمبلی ممکنہ سیلاب آصفہ بھٹو زرداری نے لاکھ کیوسک تک ممکنہ سیلاب خاتون اول کے لیے
پڑھیں:
رائیونڈ کا ایک شہری اب آزاد کشمیر کا وزیراعظم بننا چاہتا ہے، بلاول بھٹو
لاہور(ڈیلی پاکستان آن لائن)پاکستان پیپلزپارٹی کے چیئرمین بلاول بھٹو نے کہا ہے کہ رائیونڈ کا ایک شہری اب آزاد کشمیر کا وزیراعظم بننا چاہتا ہے اور ان کی خواہش ہے کہ وزیراعظم پاکستان ہی آزاد کشمیر کا وزیراعظم منتخب کرے۔آزاد کشمیر کے علاقے میرپور میں انتخابی جلسے سے خطاب کرتے ہوئے بلاول بھٹو نے ایک بار پھر حق حکمرانی، مالکیت اور حق روزگار کا انتخابی ایجنڈا دہراتے ہوئے کہا کہ اگر کشمیریوں نے انتخابات میں ووٹ دے کر اکثریت دلوائی تو یہ تینوں مسائل حل کردیں گے۔
بلاول بھٹو نے کہا کہ کشمیر میں گزشتہ چھ ماہ سے ہماری حکومت ہے اور یہاں پر جو کام کیے اُن پر فخر ہے۔ انہوں نے کہا کہ سڑکوں کی بات کرنے والوں کو پنجاب کی سڑکیں ہی ٹھیک لگتی ہیں اور کہتے ہیں کہ صوبے سے نکلتے ہی سڑکیں خراب ہیں۔ انہوں نے تنقید کرتے ہوئے کہا کہ یہ لوگ رائیونڈ کو پنجاب سمجھتے ہیں کیونکہ اندرون صوبے کی حالت بہت بری ہے اور انہیں اس کی کوئی پرواہ بھی نہیں ہے۔ بلاول کا کہنا تھا کہ اب یہ چاہتے ہیں کہ وزیراعظم آزاد کشمیر کا فیصلہ اسلام آباد سے ہو اور رائیونڈ کا ایک شہر اب آزاد کشمیر کا وزیراعظم بننے کا خواہش مند ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع