فٹبال ورلڈ کپ 2026 میں شرکت ہوگی یا نہیں؟ لیونل میسی نے خبروں پر خاموشی توڑ دی
اشاعت کی تاریخ: 5th, September 2025 GMT
ارجنٹائن فٹبال ٹیم کے کپتان لیونل میسی نے آئندہ فیفا ورلڈ کپ 2026 میں شرکت کے حوالے سے غیر یقینی کا اظہار کیا ہے۔ 38 سالہ عالمی شہرت یافتہ فٹبالر نے کہا ہے کہ وہ اس بات پر غور کررہے ہیں کہ آیا وہ اپنی جسمانی فٹنس اور کارکردگی کے لحاظ سے اگلے ورلڈ کپ میں شرکت کے قابل ہوں گے یا نہیں۔
یہ بھی پڑھیں: فٹبال ورلڈ کپ 2026 میں شرکت کا معاملہ، لیونل میسی کی جانب سے بڑی خبر آگئی
حال ہی میں وینزویلا کے خلاف ہونے والے ورلڈ کپ کوالیفائنگ میچ میں شاندار کارکردگی کا مظاہرہ کرتے ہوئے 2 گول اسکور کرنے کے بعد لیونل میسی نے میڈیا سے گفتگو کرتے ہوئے کہا کہ انہوں نے ابھی تک ورلڈ کپ 2026 کے لیے کوئی حتمی فیصلہ نہیں کیا۔
انہوں نے مزید کہا کہ وہ ہر میچ کے بعد اپنی کارکردگی کا جائزہ لیں گے، موجودہ سیزن مکمل کریں گے، پھر پری سیزن کھیلیں گے، اور 6 ماہ بعد اپنی جسمانی حالت دیکھ کر فیصلہ کریں گے کہ وہ شرکت کریں گے یا نہیں۔
یہ بھی پڑھیں: لیونل میسی نے فیفا پلیئر آف دی ایئر کا ایوارڈ تیسری مرتبہ اپنے نام کرلیا
لیونل میسی نے اعتراف کیا کہ عمر ایک فطری رکاوٹ ہے اور 2026 میں ان کی عمر 39 سال ہو گی، جو کسی بھی کھلاڑی کے لیے عالمی سطح پر مقابلہ کرنے کے لیے ایک چیلنج ہوسکتی ہے۔ تاہم انہوں نے یہ بھی کہا کہ وہ ابھی اس قابل محسوس کرتے ہیں کہ وہ میدان میں اپنا بہترین کھیل پیش کرسکیں، لیکن حتمی فیصلہ وقت پر چھوڑا ہے۔
بیونس آئرس کے مشہور مونومینٹل اسٹیڈیم میں کھیلے گئے میچ میں میسی کی کارکردگی پر مداحوں نے جوش و خروش کا مظاہرہ کیا۔ اسٹیڈیم خوشیوں، نعروں اور آخر میں شاندار آتش بازی سے گونج اُٹھا۔
یہ بھی پڑھیں: کرسٹیانو رونالڈو بمقابلہ لیونل میسی: کس کی مارکیٹ ویلیو زیادہ؟
میسی نے کہا کہ انہوں نے ہمیشہ خواب دیکھا تھا کہ وہ اپنے ملک کے لوگوں کے سامنے اسی انداز میں اپنا الوداعی میچ کھیلیں۔ انہوں نے کہا کہ بارسلونا میں انہیں برسوں تک محبت ملی، لیکن ان کی خواہش تھی کہ انہیں اپنے ملک میں بھی اسی انداز میں پذیرائی حاصل ہو۔
لیونل میسی نے اپنی قومی ٹیم کے سفر کو یاد کرتے ہوئے کہا کہ برسوں تک تنقید کا سامنا کرنے کے باوجود وہ اپنے ساتھیوں کے ساتھ ان لمحات کو یاد رکھیں گے جو انہوں نے ایک ساتھ گزارے۔ انہوں نے کہا کہ اگرچہ جیتنے میں وقت لگا، لیکن آخرکار وہ خواب پورا ہوا جس کی تمنا ان کے ساتھ کئی کھلاڑی کرتے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ارجنتائن فٹبال فیفا ورلڈ کپ لیونل میسی وینزویلا.
ذریعہ
ذریعہ: WE News
کلیدی لفظ: ارجنتائن فٹبال فیفا ورلڈ کپ لیونل میسی وینزویلا لیونل میسی نے ورلڈ کپ 2026 انہوں نے میں شرکت نے کہا یہ بھی کہا کہ کے لیے
پڑھیں:
علامہ ساجد علی نقوی سے علامہ جواد نقوی کی ملاقات، شہید امت کانفرنس میں شرکت کی دعوت دی
ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔ اسلام ٹائمز۔ تحریک بیداری امت مصطفیٰ کے سربراہ اور اتحاد امت فورم کے رہنما علامہ سید جواد نقوی نے شیعہ علماء کونسل پاکستان کے سربراہ علامہ سید ساجد علی نقوی صاحب سے ملاقات کی اور ان کی اہلیہ کے انتقال پر تعزیت و تسلیت، فاتحہ خوانی اور دعائے مغفرت کی۔ علامہ سید جواد نقوی نے علامہ سید ساجد علی نقوی کیساتھ 13 جون کو مینارِ پاکستان لاہور میں منعقد ہونے والی ’’شہیدِ اُمت کانفرنس‘‘ کے حوالے سے بھی گفتگو کی۔ ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ