اسلام آباد، افغان زلزلے میں جاں بحق ہونے والوں کے لیے تعزیت اور دعاؤں کا سلسلہ جاری
اشاعت کی تاریخ: 5th, September 2025 GMT
افغانستان میں حالیہ زلزلے کے شہدا کی یاد اور تعزیت کے طور پر آج اسلام آباد میں قائم افغان سفارتخانے میں تعزیتی رجسٹر کھولا گیا۔ اس موقع پر وفاقی حکومت کے نمائندوں، غیر ملکی سفارتکاروں، علمی و سماجی شخصیات اور صحافیوں نے اپنے تاثرات درج کیے اور مرحومین کے لیے دعائیں کیں۔
یہ بھی پڑھیں: افغانستان میں زلزلہ، پاکستان نے طبی امداد روانہ کر دی
تعزیتی رجسٹر میں دستخط اور دعاؤں میں نمایاں شخصیات شریک ہوئیں جن میں گورنر خیبرپختونخوا فیصل کریم کنڈی، پاکستان کے خصوصی نمائندہ برائے افغانستان صادق خان، قومی وطن پارٹی کے چیئرمین اور سابق وفاقی وزیر داخلہ آفتاب خان شیرپاؤ نے اپنے تاثرات قلمبند کیے۔
Today, the Embassy of Afghanistan in Islamabad opened a Condolence Book in honor and remembrance of the martyrs of the recent earthquake in the country.
— AFG Embassy Pakistan (@AfghanEmbPak) September 5, 2025
عوامی نیشنل پارٹی کے چیئرمین ایمل ولی خان، وفاقی ٹیکس محتسب ڈاکٹر عاصف محمود جاہ، روسی سفیر البرٹ خورے، قازقستان کے سفیر یرزھان کسٹافن، ویتنام کے نائب سفیر فام توان، دارالافتا اسلام آباد کے سربراہ ڈاکٹر مفتی عقیل پیرزادہ نے بھی اپنے تاثرات قلمبند کیے۔
یہ بھی پڑھیں: افغانستان میں ایک بار پھر 6.3 شدت کا زلزلہ، تاحال کسی جانی نقصان کی اطلاع نہیں،امریکی جیولوجیکل سروے
جمعیت علمائے اسلام کے مرکزی رہنما مولانا صلاح الدین ایوبی اور جماعت اسلامی کے امور خارجہ کے سربراہ عاصم لقمان قاضی نے بھی افغان سفارتخانے میں تعزیتی رجسٹرڈ میں اپنے تاثرات قلمبند کیے۔
شخصیات نے افغان سفیر سردار احمد شکیب سے ملاقات کر کے دکھ اور افسوس کا اظہار کیا، سفارتخانے میں دعاؤں اور تعزیتی رجسٹر پر دستخط کا سلسلہ جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام اباد افغانستان پاکستان تعزیتی رجسٹر زلزلہ سفارتخانہ
ذریعہ
ذریعہ: WE News
کلیدی لفظ: اسلام اباد افغانستان پاکستان تعزیتی رجسٹر زلزلہ سفارتخانہ تعزیتی رجسٹر اپنے تاثرات
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار