نواب شاہ؛ آصفہ بھٹو کا وزیرِ صحت کے ہمراہ زچہ و بچہ کے جدید اسپتال کا دورہ
اشاعت کی تاریخ: 5th, September 2025 GMT
خاتون اوّل بی بی آصفہ بھٹو زرداری اور وزیرِ صحت ڈاکٹر عذرا فضل پیچوہو نے نواب شاہ کے 450 بستروں پر مشتمل انسٹیٹیوٹ آف مدر اینڈ چائلڈ ہیلتھ کا تفصیلی دورہ کیا۔
اسپتال کے ایگزیکٹو ڈائریکٹر ڈاکٹر علی اکبر سیال اور اسسٹنٹ پروفیسر ماہر امراض اطفال ڈاکٹر ثنیہ علی حیدر نے ان کا استقبال کیا۔
آصفہ بھٹو اور ڈاکٹر عذرا فضل پیچوہو نے اسپتال کے پیڈیاٹرک ہائی ڈپینڈنسی یونٹ، جدید نیونیٹل وینٹی لیٹرز اور انکیوبیٹرز کے ساتھ پیڈیاٹرک آئی سی یو، زچہ و بچہ گائنی HDU، آپریشن تھیٹر اور لیبر روم کا معائنہ کیا۔
انھوں نے زچہ و بچہ کی صحت کی سہولیات کو مزید مضبوط کرنے، مختلف شعبہ جات کے مابین تعاون بڑھانے اور مریضوں کو معیاری طبی سہولتیں فراہم کرنے کے حوالے سے ماہرین کی تجاویز پر بھی تبادلہ خیال کیا۔
بی بی آصفہ بھٹو زرداری نے اسپتال کی سیلاب اور دیگر ہنگامی صورتحال سے نمٹنے کی تیاریوں کا بھی جائزہ لیا اور اس بات پر زور دیا کہ ادارے کو ہمہ وقت تیار رہنا چاہیے تاکہ قدرتی آفات کی صورت میں خواتین اور بچوں سمیت کمزور طبقے کو بروقت اور معیاری سہولیات فراہم کی جا سکیں۔
اس دورے میں ایگزیکٹو ڈائریکٹر SICHN ڈاکٹر جمال رضا، وائس چانسلر PUMHSW ڈاکٹر گلشن میمن، مختلف شعبہ جات کے چیئرمین، ڈپٹی کمشنر، ایس ایس پی شہید بے نظیر آباد اور دیگر اعلیٰ حکام بھی موجود تھے۔
خیال رہے کہ انسٹیٹیوٹ آف مادر اینڈ چائلڈ ہیلتھ نوابشاہ روزانہ کی بنیاد پر بڑی تعداد میں مریضوں کو سہولت فراہم کر رہا ہے۔
اعداد و شمار کے مطابق پیڈیاٹرکس میڈیسن او پی ڈی میں یومیہ 970 مریض، گائنی و آبسٹیٹرکس او پی ڈی میں 440 مریض جبکہ پیڈیاٹرک سرجری او پی ڈی میں 25 مریض علاج کے لیے آتے ہیں۔
.
ذریعہ
ذریعہ: Express News
کلیدی لفظ: آصفہ بھٹو
پڑھیں:
راولپنڈی میں 14 سالہ فیکٹری ملازم کے ساتھ ’استاد‘ کی بدفعلی، لڑکا اسپتال میں داخل
راولپنڈی کے تھانہ سول لائن کے علاقے گلستان کالونی میں فیکٹری کے استاد کی 14 سالہ شاگرد سے مبینہ زیادتی و انسانیت سوز سلوک کا کیس سامنے آنے پر پولیس نے مقدمہ درج کرکے ملزم کو گرفتار کرلیا۔
پولیس کے مطابق بچے کے والد نے بتایا 14 سالہ بیٹا پلاسٹک کے دروازے کھڑکیاں بنانے والی فیکٹری میں کام سیکھ رہا ہے، جہاں اسد جہانگیر نامی شخص نے اُسے مبینہ بدفعلی کا نشانہ بنایا۔
والد کے مطابق اسد جہانگیر نے آج فون پر بتایا کہ آپکے بیٹے کی طبیعت اچانک خراب ہوگی اسکو اسپتال لے کر آئے ہیں اور ڈاکٹر بچے کے والد کو بلوا رہے ہیں۔
انہوں نے بتایا کہ اسپتال پہنچا تو بیٹے نے گلے لگ کر سہمے ہوئے انداز بتایا کہ اسکے فیکٹری کے استاد اسد جہانگیر نے مبینہ زیادتی کا نشانہ بنایا اور مزید بتایا فیکٹری استاد اسد جہانگیر نے مبینہ بربریت کا مظاہرہ کرتے ہوئے پرائیویٹ پارٹ میں پائپ بھی ڈالتا رہا۔
پولیس نے والد کی درخواست پر مقدمہ درج کرکے ملزم کو گرفتار کرلیا۔ ایس پی پوٹھوہار سردار بابر ممتاز کا نے کہا کہ متاثرہ لڑکے کا میڈیکل کروایا جارہا ہے جس کی رپورٹ آنے کے بعد مزید کارروائی کی جائے گی۔
انہوں نے متاثرہ خاندان کو یقین دہانی کرائی کہ زیر حراست شخص کو ٹھوس شواہد کے ساتھ چالان کیا جائے گا،خواتین ، بچوں سے ہراسمنٹ یا زیادتی ناقابل برداشت ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع