اورنگی ٹاؤن میں فائرنگ، مسجد کمیٹی کے صدر زخمی اور بیٹا جاں بحق
اشاعت کی تاریخ: 6th, September 2025 GMT
اورنگی ٹاؤن میں فائرنگ کے نتیجے میں مسجد کمیٹی کے صدر زخمی جبکہ بیٹا جاں بحق ہوگیا۔
ایکسپریس نیوز کے مطابق اورنگی ٹاؤن میں مسجد کے باہر فائرنگ سے مسجد کمیٹی کے صدر اور بیٹا زخمی ہوگیا ، شدید زخمی بیٹا دوران علاج زخموں کی تاب نہ لاتے ہوئے دم توڑ گیا۔
پولیس نے فائرنگ کرنے والے ملزم کو گرفتار کر کے اسلحہ برآمد کرلیا جو کہ مقتول کا رشتے دار بتایا جاتا ہے۔
تفصیلات کے مطابق اورنگی ٹاؤن کے علاقے سیکٹر بارہ ایل میں مسجد کے باہر فائرنگ سے باپ اور بیٹا زخمی ہوگئے جنھیں فوری طبی امداد کے لیے عباسی شہید اسپتال پہنچایا جہاں کی ان کی شناخت 65 سالہ مفیظ الرحمٰن ولد اشرف اور بیٹے کو 30 مجیب کے نام سے کی گئی۔
چھیپا حکام کے مطابق شدید زخمی ہونے والا مجیب دوران علاج زخموں کی تاب نہ لاتے ہوئے دم توڑ گیا جبکہ مقتول کے والد کو طبی امداد فراہم کی جا رہی ہے۔
ایس ایچ او پاکستان بازار امام بخش لاشاری نے بتایا کہ فائرنگ کا واقعہ علاقے میں قائم رحمانیہ مسجد کے باہر جھگڑے کے دوران ہوا جس میں زخمی ہونے والے والا شخص مفیظ الرحمٰن مسجد کا صدر فائرنگ سے زخمی ہو کر باپ اور بیٹا مسجد میں چلے گئے اور وہاں جا کر گر گئے جنھیں اسپتال منتقل کیا گیا۔
پولیس نے فائرنگ میں ملوث ملزم عمر ولد یوسف کو گرفتار کر کے اسلحہ اور گولیاں برآمد کرلیں۔
انھوں نے مزید بتایا کہ ابتدائی معلومات کے مطابق ملزم بھی مسجد کمیٹی کا رکن بتایا جاتا ہے جس کی مزید تصدیق کی جا رہی ہے جبکہ مقتول اور ملزم آپس میں رشتے دار بھی ہیں اور فائرنگ کا واقعہ ذاتی رنجش کا بتایا جا رہا ہے اور اس حوالے سے پولیس گرفتار ملزم سے مزید معلومات حاصل کر رہی ہے۔
پولیس مقتول کے زخمی والد اور مسجد کے صدر کا بھی بیان قلمبند کر رہی ہے جبکہ پولیس نے ضابطے کی کارروائی کے بعد مقتول کی لاش ورثا کے حوالے کر دی ہے ۔
.ذریعہ: Express News
کلیدی لفظ: مسجد کمیٹی کے مطابق اور بیٹا مسجد کے رہی ہے
پڑھیں:
لاہور: خاتون ایم پی اے کا بیٹا اسنوکر کلب میں جوا کھیلتے ہوئے گرفتار، پولیس
سابق خاتون ایم پی اے پر مبینہ پولیس تشدد کے معاملے پر ڈی آئی جی آپریشنز لاہور نے نوٹس لے کر انکوائری کا حکم دے دیا جبکہ پولیس ترجمان نے کہا کہ خاتون ایم پی اے کا بیٹا اسنوکر کلب میں جوا کھیلتے گرفتار ہوا۔
ڈی آئی جی آپریشنز نے انکوائری 48 گھنٹے میں مکمل کرنے کی ہدایت کی اور مبینہ واقعہ کے تمام شواہد بشمول ویڈیوز سے انکوائری کرنے کا حکم دیا۔
ترجمان لاہور پولیس نے کہا کہ مبینہ تشدد کی انکوائری شروع کردی گئی جب کہ دیگر تمام الزامات حقائق کے منافی ہیں، خاتون ایم پی اے کا بیٹا اسنوکر کلب میں جوا کھیلتے گرفتار ہوا، ارسلان دو روز قبل 90 اسنوکر کلب میں 12 دیگر ملزمان کے ساتھ رنگے ہاتھوں گرفتار ہوا۔
ترجمان پولیس نے کہا کہ مذکورہ اسنوکر کلب اور گرفتار دیگر ملزمان سابقہ جوئے میں ریکارڈ یافتہ ہیں، خاتون کا ایک بیٹا گزشہ ماہ موٹر سائیکل سے گر کر جاں بحق ہوا جس کا مقدمہ درج ہے، اسنوکر کلب سے دوسرے بیٹے کی گرفتاری کو پہلے بیٹے کے مقدمہ قتل پر دباؤ سے جوڑنا بے بنیاد ہے۔
ترجمان نے کہا کہ خاتون ایم پی اے نے بیٹے کو چھڑوانے کے لیے دباؤ ڈالنے کی کوشش کی،
سابق ایم پی اے اور اس کے شوہر نے بیٹے کو چھڑوانے کے لیے پولیس والوں سے شدید بدسلوکی کی۔
بیان میں کہا گیا کہ وزیر اعلی پنجاب کی ہدایت کے مطابق قانون سب کے لیے برابر ہے، بغیر تصدیق الزام تراشی پر مبنی یک طرفہ خبر چلانا افسوسناک ہے۔
سابق رکن اسمبلی سمیرا کومل کے بیٹے پر مزنگ پولیس کا مُبینہ تشدد، جوا کھیلنے کا مقدمہ درج کر لیا#ExpressNews #BreakingNews #SumeraKomal #Son #Police #Lahore #LatestNews #Pakistan pic.twitter.com/cGiHt3yObq
— Express News (@ExpressNewsPK) October 31, 2025
الیکشن کمیشن کی نگران حکومت کی مدت بڑھانے سے متعلق آئین میں ترمیم کی سفارش