کرکٹ روشن مستقبل کا حامل، ایونٹس اور انفراسٹرکچر جلد سامنے آرہے ہیں، شہزادہ سعود بن مشعل
اشاعت کی تاریخ: 6th, September 2025 GMT
سعودی کرکٹ فیڈریشن کے چیئرمین شہزادہ سعود بن مشعل بن محمد آل سعود نے کہا ہے کہ مملکت میں کرکٹ کے فروغ کے لیے پہلی اسٹریٹجک شراکت داری قائم کر دی گئی ہے جس میں غیر ملکی سرمایہ کار بھی شامل ہوں گے۔
انہوں نے بتایا کہ آئندہ چند ماہ میں مختلف شہروں میں کرکٹ کے پروگرامز کا آغاز کیا جائے گا جبکہ چھ ماہ کے اندر ریاض میں پہلا کرکٹ اسٹیڈیم تعمیر کر دیا جائے گا۔
یہ بھی پڑھیے: سعودی سفیر نے پاکستانی کرکٹ ٹیم کے لیے کیا اہم اعلان کیا؟
شہزادہ سعود کا کہنا تھا کہ ماضی میں کرکٹ کے فروغ میں کئی چیلنجز درپیش تھے، تاہم قیادت کی سرپرستی اور سرمایہ کاری کے بہتر مواقع نے ان رکاوٹوں کو کم کر دیا ہے۔
لقاء حصري مع صاحب السمو الملكي الأمير سعود بن مشعل بن محمد آل سعود، رئيس مجلس إدارة الاتحاد السعودي للكريكيت، للحديث عن مستقبل الكريكيت في المملكة، ومهرجان WCF المرتقب، وبرامج المواهب والابتكار الرقمي ضمن رؤية 2030.
— ألوان الرياض (@ColorsOfRiyadh) September 5, 2025
انہوں نے کہا کہ سعودی عرب میں کرکٹ کے شائقین کی تعداد لاکھوں نہیں بلکہ ملینز میں ہے، جو اس کھیل کی کامیابی کی ضمانت ہے۔
سعودی نوجوانوں کو دعوت دیتے ہوئے شہزادہ سعود نے کہا کہ لڑکے اور لڑکیاں دونوں کرکٹ میں اپنا مستقبل بنا سکتے ہیں، کیونکہ یہ کھیل روشن امکانات رکھتا ہے اور جلد بڑے ایونٹس اور جدید انفراسٹرکچر سامنے لایا جائے گا۔
ان کا مزید کہنا تھا کہ کرکٹ مملکت کے کھیلوں کے شعبے میں ایک نمایاں اور انقلابی اضافہ ثابت ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی عرب کرکٹ
ذریعہ
ذریعہ: WE News
کلیدی لفظ: کرکٹ میں کرکٹ کے
پڑھیں:
پی سی بی نے 27 -2026 کے ڈومیسٹک کرکٹ سیزن کا اعلان کردیا، ورلڈ کپ تیاریوں پر توجہ مرکوز
پاکستان کرکٹ بورڈ نے 2026-27 کے مردوں کے ڈومیسٹک کرکٹ سیزن کے شیڈول کا اعلان کر دیا ہے، جس کا آغاز 11 اگست 2026 سے ہوگا۔ نئے سیزن میں قومی ٹیم کی 2027 کے ون ڈے ورلڈ کپ کی تیاریوں کو خصوصی اہمیت دی گئی ہے، جس کے لیے آغاز میں ہی دو ایک روزہ ٹورنامنٹس رکھے گئے ہیں۔
پی سی بی کے مطابق ڈومیسٹک سیزن 11 اگست 2026 سے 15 جون 2027 تک جاری رہے گا، جس میں ایک روزہ، 4 روزہ، ٹی20، انڈر 19، انڈر 17 اور انڈر 15 مقابلوں سمیت مختلف سطحوں کے ٹورنامنٹس شامل ہوں گے۔
یہ بھی پڑھیں: پاکستان اور انگلینڈ کے مابین 5 ون ڈے میچوں کی سیریز کا شیڈول جاری
سیزن کا آغاز ملتان میں چار ٹیموں کے نیشنل چیمپئنز کپ سے ہوگا جو 11 سے 18 اگست تک کھیلا جائے گا، جس کے بعد کراچی میں 21 اگست سے 8 ستمبر تک آٹھ ٹیموں پر مشتمل صدر کپ گریڈ ون ایک روزہ ٹورنامنٹ ہوگا۔
پی سی بی نے بتایا کہ قائداعظم ٹرافی کو 2026-27 میں دو حصوں میں تقسیم کیا گیا ہے۔ قائداعظم ٹرافی گولڈ میں آٹھ ٹیمیں شامل ہوں گی، جبکہ سلور میں 12 ٹیمیں حصہ لیں گی۔ دونوں ٹورنامنٹس نومبر سے دسمبر تک جاری رہیں گے۔
PCB unveils Men's Domestic Cricket Calendar for season 2026-27 with ICC Cricket World Cup preparation in sharp focus
Details here ➡️ https://t.co/NodmLStn8E pic.twitter.com/70Xj9Hge15
— PCB Media (@TheRealPCBMedia) July 23, 2026
اس سیزن میں علاقائی کرکٹ کو مزید مضبوط بنانے کے لیے سیالکوٹ اور پشاور ریجنز کی ایک ایک اضافی ٹیم شامل کی گئی ہے، جس کے بعد قائداعظم ٹرافی اور نیشنل ٹی ٹوئنٹی کپ میں علاقائی ٹیموں کی تعداد 18 سے بڑھ کر 20 ہو جائے گی۔
یہ بھی پڑھیں: ڈومیسٹک کرکٹ سینٹرل کنٹریکٹ کے لیے لازمی قرار، سلیکشن کے لیے نئی پالیسیاں، محسن نقوی کے اہم اعلانات
پی سی بی کے مطابق پہلی بار انڈر 19 کھلاڑیوں کے لیے تین روزہ سرخ گیند کی چیمپئن شپ بھی منعقد کی جائے گی، جس میں تمام 16 ریجنز کی ٹیمیں حصہ لیں گی۔ اس کے علاوہ انڈر 19 ایک روزہ کپ، انڈر 15 ایک روزہ کپ اور انڈر 17 دو روزہ کپ بھی شیڈول کا حصہ ہوں گے۔
پی سی بی نے اسکول ٹیلنٹ ہنٹ پروگرام کو بھی وسعت دینے کا اعلان کیا ہے، جس کے تحت اسکولوں کی تعداد 450 سے بڑھا کر 1200 اور اضلاع کی تعداد 39 سے بڑھا کر 100 کر دی گئی ہے۔
یہ بھی پڑھیں: ملک میں ڈومیسٹک کرکٹ کی بہار کا آغاز 15 اگست سے ہوگا، کیلنڈر جاری
پی سی بی کے سینئر جنرل منیجر ڈومیسٹک کرکٹ آپریشنز اسامہ شارون نے کہا کہ نئے سیزن میں تمام 16 ریجنز کو فرسٹ کلاس کرکٹ کے مواقع فراہم کیے جائیں گے اور قومی ٹیم کی 2027 عالمی کپ کی تیاریوں کو مدنظر رکھتے ہوئے ڈومیسٹک مقابلوں کی منصوبہ بندی کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پی سی بی ٹی20 انٹرنیشنل ڈومیسٹک کرکٹ ورلڈ کپ ون ڈے انٹرنیشن
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم