روس کا یوکرین کے دارالحکومت پر حملہ، 3 افراد ہلاک، مختلف عمارتوں میں آتشزدگی
اشاعت کی تاریخ: 7th, September 2025 GMT
روس نے یوکرین کے دارالحکومت کیف پر ڈرون اور میزائلوں سے حملہ کیا ہے، جس کے نتیجے میں کم از کم 3 افراد ہلاک اور 18 زخمی ہوگئے ہیں۔ جبکہ مختلف عمارتوں میں آگ بھڑک اٹھی۔
غیرملکی میڈیا رپورٹس کے مطابق یوکرینی حکام کے نے بتایا کہ روس نے اس حملے میں 805 ڈرون اور میزائل داغے ہیں۔
یہ بھی پڑھیں: ٹرمپ پیوٹن ملاقات: امن معاہدے پر پیشرفت، روس یوکرین جنگ بندی کا اعلان نہ ہوسکا
یوکرینی فضائیہ کے ترجمان نے ایسوسی ایٹڈ پریس کو بتایا کہ یہ ماسکو کی جانب سے سب سے بڑا ڈرون حملہ ہے۔ روس نے اس کے ساتھ 13 مختلف نوعیت کے میزائل بھی داغے۔
فضائیہ کے بیان کے مطابق یوکرین نے 747 ڈرون اور 4 میزائل مار گرائے یا ناکارہ بنا دیے۔ تاہم 9 میزائل اہداف پر لگے جبکہ 37 مختلف مقامات پر 56 ڈرون حملے ہوئے۔ گرائے گئے ڈرونز اور میزائلوں کے ملبے نے 8 مقامات کو نقصان پہنچایا۔
ایسوسی ایٹڈ پریس کے نمائندوں نے کیف میں وزارتی کونسل کی عمارت کی چھت سے دھواں اٹھتے دیکھا، تاہم فوری طور پر یہ واضح نہیں تھا کہ عمارت کو براہِ راست نشانہ بنایا گیا یا ملبے کے باعث نقصان پہنچا۔
اگر یہ براہِ راست حملہ ثابت ہوا تو یہ روسی فضائی مہم میں ایک بڑا اضافہ تصور کیا جائے گا، کیونکہ اب تک شہر کے مرکزی سرکاری دفاتر کو نشانہ بنانے سے گریز کیا جا رہا تھا۔
یہ عمارت یوکرین کی کابینہ کی رہائش گاہ ہے جہاں وزرا کے دفاتر قائم ہیں۔ پولیس نے علاقے کو گھیرے میں لے لیا جبکہ فائر ٹرک اور ایمبولینسیں وہاں پہنچ گئیں۔
یوکرینی وزیراعظم یولیا سویریدینکو نے کہاکہ پہلی بار دشمن کے حملے میں حکومتی عمارت کو نقصان پہنچا ہے، جس میں چھت اور بالائی منزلیں متاثر ہوئیں۔ ’ہم عمارتوں کو دوبارہ تعمیر کر لیں گے مگر قیمتی جانوں کی واپسی ممکن نہیں۔‘
انہوں نے مزید کہاکہ دنیا کو اس تباہی پر صرف بیانات سے نہیں بلکہ اقدامات سے جواب دینا ہوگا۔ روسی تیل اور گیس پر پابندیاں سخت کرنے کی اشد ضرورت ہے۔
یہ بھی پڑھیں: روس یوکرین جنگ: روسی فوجی تیزی سے ایڈز کا شکار ہونے لگے، ہولناک اسباب کا انکشاف
یہ حملہ ایسے وقت میں ہوا جب یورپی رہنماؤں نے روسی صدر ولادیمیر پیوٹن پر زور دیا کہ وہ جنگ کے خاتمے کے لیے کام کریں۔ اس سے قبل یوکرین کے 26 اتحادی ممالک نے جنگ کے بعد یوکرین میں فوجی تعینات کرنے کے عزم کا اظہار کیا تھا تاکہ وہاں سیکیورٹی کی یقین دہانی کرائی جا سکے۔
یوکرینی صدر ولادیمیر زیلنسکی نے کہا ہے کہ وہ صدر پیوٹن سے براہِ راست ملاقات کے لیے تیار ہیں تاکہ امن معاہدے پر بات ہو سکے۔ انہوں نے امریکی صدر ڈونلڈ ٹرمپ پر زور دیا کہ وہ روس پر سخت پابندیاں عائد کریں تاکہ اسے جنگ ختم کرنے پر مجبور کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews روس روس یوکرین جنگ زیلنسکی ہلاکتیں ولادیمیر پیوٹن وی نیوز یوکرین پر حملہ.
ذریعہ
ذریعہ: WE News
کلیدی لفظ: روس یوکرین جنگ زیلنسکی ہلاکتیں ولادیمیر پیوٹن وی نیوز یوکرین پر حملہ
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار