بھارت نے مزید پانی چھوڑ دیا، دریائے ستلج میں اونچے درجے کا سیلاب، پنجاب و سندھ میں الرٹ
اشاعت کی تاریخ: 7th, September 2025 GMT
بھارت کی جانب سے دریائے ستلج میں مزید پانی چھوڑے جانے کے بعد پاکستان کے کئی علاقوں میں سیلابی صورتحال مزید سنگین ہو گئی ہے۔ بھارتی ہائی کمیشن نے پاکستان کو دریائے ستلج کے دو اہم مقامات—ہریکے اور فیروز پور—پر “انتہائی اونچے درجے” کے سیلاب سے خبردار کیا ہے۔ پانی کا بہاؤ اب سندھ کی جانب بڑھ رہا ہے اور توقع ہے کہ چند گھنٹوں میں یہ سیلابی ریلا صوبہ سندھ میں داخل ہو جائے گا۔
وزارت آبی وسائل نے ہنگامی الرٹ جاری کر دیا
وزارتِ آبی وسائل نے صورتحال کی سنگینی کو دیکھتے ہوئے تمام متعلقہ اداروں کو فوری الرٹ جاری کر دیا ہے۔ مراسلے میں کہا گیا ہے کہ ہریکے اور فیروز پور کے مقام پر اونچے درجے کے سیلاب کا خطرہ ہے، اس لیے تمام ادارے الرٹ رہیں اور متاثرہ آبادیوں کی بروقت منتقلی سمیت دیگر ضروری اقدامات یقینی بنائیں۔
پی ڈی ایم اے کی وارننگ
پنجاب ڈیزاسٹر مینجمنٹ اتھارٹی (پی ڈی ایم اے) کے مطابق، دریائے ستلج میں صبح 8 بجے ہریکے اور فیروز پور کے مقامات پر پانی کی سطح میں خطرناک حد تک اضافہ نوٹ کیا گیا ہے، جو قریبی ذیلی اضلاع کو متاثر کرے گا۔ پی ڈی ایم اے نے ضلعی انتظامیہ سے ارلی وارننگ سسٹم فعال رکھنے، حفاظتی پشتوں کو مضبوط کرنے، ریسکیو 1122 کو ہائی الرٹ پر رکھنے، اور غذائی اجناس کی دستیابی کو یقینی بنانے کی ہدایات دی ہیں۔
41 لاکھ سے زائد افراد متاثر، 56 ہلاکتیں
ڈی جی پی ڈی ایم اے عرفان علی کاٹھیا کے مطابق، پنجاب کے 25 اضلاع میں سیلاب کی تباہ کاریاں جاری ہیں، جہاں اب تک 4 ہزار 100 دیہات متاثر ہو چکے ہیں۔ متاثرہ افراد کی تعداد 41 لاکھ 51 ہزار سے تجاوز کر چکی ہے، جب کہ 26 اگست سے اب تک 56 افراد جاں بحق ہو چکے ہیں۔
ریسکیو و ریلیف آپریشن جاری
پنجاب بھر میں 425 سے زائد امدادی اور عارضی رہائشی کیمپ قائم کیے گئے ہیں، جبکہ تقریباً 500 میڈیکل کیمپوں میں اب تک 1 لاکھ 75 ہزار سے زائد افراد کو طبی امداد فراہم کی جا چکی ہے۔ 20 لاکھ 73 ہزار سے زائد افراد کو محفوظ مقامات پر منتقل کیا جا چکا ہے، جب کہ 15 لاکھ 22 ہزار مویشی بھی ریسکیو کیے گئے ہیں۔
ملتان اور جنوبی پنجاب میں صورتحال تشویشناک
ملتان کے ڈپٹی کمشنر وسیم حمید سندھو نے بتایا ہے کہ ہیڈ تریموں سے آنے والے سیلابی ریلے سے نمٹنے کے لیے جامع پلان تیار کر لیا گیا ہے۔ دریائے چناب پر شیر شاہ اور محمد والا کے بندوں پر پانی کی سطح میں وقتی کمی آئی ہے، لیکن اگلے 36 گھنٹوں میں ہیڈ تریموں سے 5 لاکھ 43 ہزار کیوسک کا ریلا ملتان پہنچنے کا امکان ہے۔
سندھ میں ہنگامی اقدامات
سندھ حکومت نے ممکنہ خطرے کے پیشِ نظر تیاریاں مکمل کر لی ہیں۔ گڈو بیراج کے قریبی کچے کے علاقے پہلے ہی زیرِ آب آ چکے ہیں۔ اب تک 61 ہزار افراد اور ڈھائی لاکھ مویشیوں کو محفوظ مقامات پر منتقل کیا جا چکا ہے۔
سکھر، گھوٹکی، کشمور اور ٹھٹھہ جیسے اضلاع میں بھی حفاظتی اقدامات تیز کر دیے گئے ہیں۔ روہڑی میں ایمرجنسی ایمبولینس اسپتال قائم کیا گیا ہے، جب کہ کوٹری بیراج پر پانی کی سطح مسلسل بلند ہو رہی ہے۔
اگلے 72 گھنٹے انتہائی اہم
ڈی جی پی ڈی ایم اے کے مطابق ہیڈ پنجند اگلے 24 گھنٹوں میں اپنی مکمل گنجائش 6 لاکھ کیوسک سے تجاوز کر جائے گا۔ تین دن کے اندر یہ پانی کوٹ مٹھن کے راستے دریائے سندھ میں داخل ہوگا اور بالآخر راجن پور، رحیم یار خان سے ہوتا ہوا گڈو بیراج تک پہنچے گا، جہاں پانی کی سطح 7.
ذریعہ
ذریعہ: Daily Mumtaz
کلیدی لفظ: پی ڈی ایم اے دریائے ستلج پانی کی سطح گیا ہے
پڑھیں:
سونے کی فی تولہ قیمت میں پھر سے ہزاروں روپے کا اضافہ
عالمی و مقامی مارکیٹوں میں منگل کو سونے اور چاندی کی قیمتوں میں اضافہ ریکارڈ کیا گیا۔
عالمی بلین مارکیٹ میں سونا 46 ڈالر کے اضافے سے 4540 ڈالر فی اونس کی سطح پر پہنچ گیا۔
بین الاقوامی مارکیٹ میں سونے کے نرخ میں اضافے کے باعث مقامی سطح پر بھی فی تولہ سونا 4600 روپے کے اضافے سے 4 لاکھ 76 ہزار 362 روپے پر جاپہنچا۔
مزید پڑھیںسونے کی قیمت میں بڑی کمی، چاندی کے نرخ بڑھ گئے
سونے کی فی تولہ قیمت میں پھر سے ہزاروں روپے کا اضافہ
اسی طرح دس گرام سونے کی قیمت بھی 3944 روپے کے اضافے سے 4 لاکھ 8 ہزار 403 روپے ہوگئی۔
دوسری جانب چاندی کی فی تولہ قیمت 94 روپے کے اضافے سے 8153 روپے ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ