سیلاب زدہ علاقوں میں بجلی کی بحالی، پاور ڈویژن کی تفصیلی رپورٹ جاری
اشاعت کی تاریخ: 7th, September 2025 GMT
اسلام آباد(نیوز ڈیسک) پاور ڈویژن نے 7 ستمبر تک سیلاب سے متاثرہ علاقوں میں بجلی کی بحالی کی رپورٹ جاری کردی۔ رپورٹ کے مطابق ملک بھر میں 50 گرڈ اسٹیشن اور 513 فیڈرز سیلاب کے باعث متاثر ہوئے جن میں سے اب تک 254 مکمل اور 253 عارضی طور پر بحال کیے جاچکے ہیں۔
اب تک 16 لاکھ 41 ہزار صارفین میں سے 13 لاکھ 61 ہزار 641 صارفین کو بجلی فراہم کردی گئی ہے، جبکہ باقی 2 لاکھ 76 ہزار 745 صارفین کے لیے بحالی کا کام تیزی سے جاری ہے۔
فیصل آباد الیکٹرک سپلائی کمپنی (فیسکو)
فیسکو کے علاقوں میں 27 گرڈ اور 80 فیڈرز بند ہوئے۔ ان میں سے 15 مکمل اور 61 عارضی طور پر بحال ہوچکے ہیں۔ متاثرہ 2 لاکھ صارفین میں سے تقریباً 83 ہزار کو بجلی مل چکی ہے جبکہ باقی 1 لاکھ 17 ہزار صارفین کے لیے بحالی کا عمل 8 ستمبر تک مکمل ہونے کی توقع ہے۔
گوجرانوالہ الیکٹرک سپلائی کمپنی (گیپکو)
گیپکو کے 11 گرڈ اور 103 فیڈرز متاثر ہوئے۔ ان میں سے 86 مکمل اور 17 جزوی بحال ہیں۔ سات لاکھ 36 ہزار متاثرہ صارفین میں سے تقریباً 7 لاکھ 17 ہزار کو بجلی فراہم کردی گئی ہے۔ بقیہ 19 ہزار 280 صارفین کو پانی اترتے ہی بجلی مل جائے گی۔
لاہور الیکٹرک سپلائی کمپنی (لیسکو)
لاہور، اوکاڑہ، شیخوپورہ، قصور اور ننکانہ میں 67 فیڈرز متاثر ہوئے جن میں سے 57 مکمل اور 10 جزوی بحال ہوچکے ہیں۔ تقریباً 74 ہزار صارفین متاثر ہوئے جن میں سے 61 ہزار کو بجلی فراہم کردی گئی ہے۔ باقی 12 ہزار کے لیے 7 سے 8 ستمبر تک کام مکمل ہوجائے گا۔ شیخوپورہ میں بحالی مکمل ہوچکی ہے۔
ملتان الیکٹرک سپلائی کمپنی (میپکو)
میپکو کے 151 فیڈرز متاثر ہوئے جو عارضی طور پر بحال کردیے گئے ہیں۔ یہاں ایک لاکھ 13 ہزار صارفین متاثر ہوئے ہیں اور پانی اترنے کے بعد مکمل بحالی شروع ہوگی۔
پشاور الیکٹرک سپلائی کمپنی (پیسکو)
سوات، بنوں، شانگلہ، صوابی اور ڈی آئی خان میں 12 گرڈ اور 91 فیڈرز متاثر ہوئے۔ ان میں سے 86 مکمل اور 5 جزوی بحال ہوچکے ہیں۔ 4 لاکھ 63 ہزار متاثرہ صارفین میں سے 4 لاکھ 61 ہزار کو بجلی فراہم کردی گئی ہے۔ باقی 2 ہزار 326 صارفین کو 11 سے 12 ستمبر تک بجلی ملنے کی توقع ہے۔
ٹرائبل الیکٹرک سپلائی کمپنی (ٹیسکو)
شمالی وزیرستان اور خیبر میں 18 فیڈرز متاثر ہوئے۔ ان میں سے 7 مکمل اور 9 جزوی بحال ہیں۔ 31 ہزار متاثرہ صارفین میں سے 8 ہزار 179 کو بجلی فراہم کردی گئی ہے جبکہ بقیہ 20 ہزار صارفین کے لیے 15 ستمبر تک بحالی کا کام مکمل کرلیا جائے گا۔
ہزارہ الیکٹرک سپلائی کمپنی (ہیزیکو)
مانسہرہ میں متاثرہ 3 فیڈرز مکمل بحال ہوچکے ہیں۔
پاور ڈویژن کے مطابق جن علاقوں میں ابھی بجلی مکمل طور پر بحال نہیں ہوئی، وہاں بنیادی رکاوٹ پانی کا کھڑا ہونا ہے۔ جیسے ہی پانی اترے گا، باقی فیڈرز اور صارفین کو بھی بجلی فراہم کردی جائے گی
Post Views: 6.
ذریعہ
ذریعہ: Daily Mumtaz
کلیدی لفظ: کو بجلی فراہم کردی گئی ہے الیکٹرک سپلائی کمپنی فیڈرز متاثر ہوئے بحال ہوچکے ہیں صارفین میں سے ہزار کو بجلی ہزار صارفین طور پر بحال علاقوں میں جزوی بحال صارفین کو ستمبر تک مکمل اور کے لیے
پڑھیں:
بجلی صارفین کے لیے ایک اور جھٹکا، فی یونٹ نرخ بڑھنے کا امکان
اسلام آباد: بجلی کی قیمت میں اضافہ ایک بار پھر زیر غور آ گیا ہے، کیونکہ اپریل 2026 کی ماہانہ فیول ایڈجسٹمنٹ کی مد میں بجلی ایک روپے 73 پیسے فی یونٹ مہنگی کرنے کی درخواست نیپرا میں جمع کرا دی گئی ہے۔
نیشنل الیکٹرک پاور ریگولیٹری اتھارٹی (نیپرا) میں ہونے والی سماعت کے دوران سینٹرل پاور پرچیزنگ ایجنسی (سی پی پی اے) کے حکام نے بتایا کہ اپریل کے دوران خطے میں جاری کشیدگی اور جنگی صورتحال کے باعث توانائی کے شعبے کو متعدد چیلنجز کا سامنا رہا، جس کے اثرات بجلی کی پیداوار پر بھی مرتب ہوئے۔
سی پی پی اے کے مطابق اپریل میں درآمدی ایل این جی کی دستیابی نہ ہونے کے برابر تھی، تاہم مئی کے آغاز میں ایل این جی کے معاہدہ شدہ اور اسپاٹ کارگوز موصول ہونے کے بعد ایل این جی سے چلنے والے بجلی گھروں کو دوبارہ فعال کیا گیا، جس سے نظام میں بہتری آئی۔
حکام نے نیپرا کو آگاہ کیا کہ صنعتی شعبے کے علاوہ تقریباً تمام صارفین کی کیٹیگریز میں بجلی کی کھپت میں کمی ریکارڈ کی گئی۔ اس کے ساتھ آئندہ دو ماہ کے لیے ایل این جی کی یومیہ بنیادوں پر منصوبہ بندی مکمل کر لی گئی ہے تاکہ ایندھن کی فراہمی اور بجلی کی پیداوار میں کسی قسم کی رکاوٹ پیدا نہ ہو۔
سی پی پی اے حکام کا کہنا ہے کہ اگرچہ بجلی کی قیمت میں اضافہ تجویز کیا گیا ہے، تاہم مئی، جون اور جولائی کی فیول ایڈجسٹمنٹ میں صارفین کو بڑے اضافی بوجھ کا سامنا نہیں کرنا پڑے گا کیونکہ ضروری انتظامات اور ایندھن کی دستیابی کو یقینی بنایا جا چکا ہے۔
اب نیپرا درخواست پر تمام فریقین کا مؤقف سننے کے بعد حتمی فیصلہ جاری کرے گا، جس کے بعد یہ طے ہوگا کہ صارفین کو بجلی کے بلوں میں کتنا اضافی بوجھ برداشت کرنا پڑے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ