کیا ایم ایس دھونی کی بالی ووڈ میں انٹری ہوگئی ہے؟ نیا ٹیزر سوشل میڈیا پر وائرل
اشاعت کی تاریخ: 8th, September 2025 GMT
بھارت کے سابق کپتان ایم ایس دھونی کے بڑے پردے پر ڈیبیو کی خبریں زور پکڑ گئیں۔
بالی وڈ اداکار آر مادھون نے ایک نیا ٹیزر جاری کیا ہے جس میں دھونی کو ان کے ساتھ آفیسر کے روپ میں دکھایا گیا ہے۔ اس مختصر کلپ نے سوشل میڈیا پر دھوم مچا دی۔
ٹیزر میں مادھون اور دھونی دونوں کو سیاہ رنگ کے ٹیکٹیکل گیئر، بلٹ پروف جیکٹس اور عینک پہنے دکھایا گیا ہے جبکہ دونوں ہاتھوں میں اسلحہ تھامے ایک اسپیشل ٹاسک فورس کے رکن معلوم ہو رہے ہیں۔
یہ بھی پڑھیے: عرفان پٹھان سابق بھارتی کپتان ایم ایس دھونی کے ساتھ حقہ کیوں پییں گے؟
اس ایکشن سے بھرپور انداز نے مداحوں کو دیوانہ کر دیا اور سبھی یہ قیاس آرائیاں کرنے لگے کہ دھونی فلمی دنیا میں قدم رکھنے جا رہے ہیں۔
یہ ٹیزر آر مادھون نے انسٹاگرام پر شیئر کیا تاہم انہوں نے واضح نہیں کیا کہ یہ پروجیکٹ فلم ہے، ویب سیریز یا پھر کوئی اور اشتہار۔ اپنی پوسٹ میں انہوں نے لکھا کہ ایک مشن، دو فائٹرز۔ تیار ہو جائیے، دھماکے دار تعاقب شروع ہونے والا ہے۔ دی چیز، ٹیزر آؤٹ ناؤ۔ ہدایتکار واسن بالا۔ جلد آ رہا ہے۔”
یہ بات قابل ذکر ہے کہ دھونی کو 2011 میں بھارتی فوج کی جانب سے اعزازی طور پر لیفٹیننٹ کرنل کے عہدے سے نوازا گیا تھا۔
کرکٹ کے میدان کی بات کریں تو دھونی نے آخری بار مئی 2025 میں چنئی سپر کنگز کی جانب سے گجرات ٹائٹنز کے خلاف آئی پی ایل میچ کھیلا تھا۔ دھونی نے بین الاقوامی کرکٹ کو اگست 2020 میں خیرباد کہا تھا لیکن وہ اب بھی آئی پی ایل میں سرگرم ہیں۔
’کپتان کول‘ کے نام سے مشہور دھونی وہ واحد کپتان ہیں جنہوں نے تینوں بڑے آئی سی سی وائٹ بال ٹرافیاں جیتیں۔ ان کی قیادت میں بھارت نے 2007 ٹی20 ورلڈ کپ، 2011 ون ڈے ورلڈ کپ اور 2013 چیمپئنز ٹرافی اپنے نام کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایم ایس دھونی بالی ووڈ سینیما فلم.
ذریعہ
ذریعہ: WE News
کلیدی لفظ: ایم ایس دھونی بالی ووڈ فلم ایم ایس دھونی
پڑھیں:
سینیٹ قائمہ کمیٹی کا بڑا فیصلہ، پرنٹ میڈیا کے معاملات صرف پریس کونسل میں سنے جائیں گے
اسلام آباد: سینیٹ کی قائمہ کمیٹی برائے اطلاعات و نشریات کے اجلاس میں پرنٹ میڈیا سے متعلق شکایات اور اخبارات میں شائع ہونے والی خبروں اور کالمز پر کارروائی کے اختیار کا معاملہ زیر بحث آیا، جہاں سینئر صحافی طارق محمود سمیر نے اپنا مؤقف پیش کرتے ہوئے اہم قانونی نکات اٹھائے۔
اجلاس کے دوران طارق محمود سمیر نے کہا کہ لاہور سے شائع ہونے والے روزنامہ نئی بات میں بیوروکریسی سے متعلق شائع ہونے والے ایک کالم کی بنیاد پر کالم نگار توفیق بٹ اور اخبار کے ایڈیٹر کو نیشنل سائبر کرائم انویسٹی گیشن ایجنسی (این سی سی آئی) کی جانب سے جاری کیا گیا نوٹس واپس لیا جانا چاہیے۔انہوں نے قائمہ کمیٹی کو تجویز دی کہ اس معاملے کو متعلقہ فورم یعنی پریس کونسل آف پاکستان کو بھجوایا جائے، کیونکہ قانون کے مطابق پرنٹ میڈیا سے متعلق شکایات اور تنازعات کا جائزہ لینے کا اختیار صرف پریس کونسل کے پاس ہے۔سینیٹ کی قائمہ کمیٹی نے سینئر صحافی طارق محمود سمیر کی اس تجویز سے متفقہ طور پر اتفاق کرتے ہوئے ہدایت جاری کی کہ مذکورہ معاملہ پریس کونسل آف پاکستان کو بھجوایا جائے تاکہ قانون کے مطابق کارروائی عمل میں لائی جا سکے۔
کمیٹی نے اس موقع پر واضح کیا کہ پرنٹ میڈیا سے متعلق کسی بھی قسم کے معاملات یا شکایات نہ تو پیمرا کے دائرہ اختیار میں آتی ہیں اور نہ ہی این سی سی آئی ایسے معاملات میں براہ راست نوٹس لینے کا مجاز ہے۔ کمیٹی کے مطابق اخبارات میں شائع ہونے والی خبروں، مضامین اور کالمز سے متعلق شکایات صرف پریس کونسل آف پاکستان کے سامنے ہی پیش کی جا سکتی ہیں۔اجلاس میں یہ بھی یاد دلایا گیا کہ پرنٹ میڈیا سے متعلق قانون سازی کے دوران وفاقی حکومت نے قومی اسمبلی میں واضح یقین دہانی کرائی تھی کہ اخبارات اور پرنٹ میڈیا کے معاملات کا واحد مجاز ادارہ پریس کونسل آف پاکستان ہوگا، اور اسی فورم پر شکایات درج کرائی جا سکیں گی۔
قائمہ کمیٹی نے اس مؤقف کو دہراتے ہوئے متعلقہ اداروں پر زور دیا کہ آئندہ بھی پرنٹ میڈیا سے متعلق تمام معاملات قانون کے مطابق صرف پریس کونسل آف پاکستان کے ذریعے ہی نمٹائے جائیں تاکہ آئینی اور قانونی دائرہ اختیار برقرار رہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم