یو این اجلاس میں شرکت پر قدغن، امریکا کا فلسطینی وفد کو ویزا دینے سے انکار
اشاعت کی تاریخ: 9th, September 2025 GMT
امریکا نے فلسطینی وفد کو اقوامِ متحدہ کی جنرل اسمبلی کے اجلاس میں شرکت کےلیے ویزا جاری کرنے سے انکار کردیا ہے۔
یو این کی جنرل اسمبلی کا سالانہ اجلاس آج نیویارک میں شروع ہورہا ہے، جس میں فلسطین کو ریاست کے طور پر تسلیم کرنے سے متعلق اہم پیش رفت کی توقع ظاہر کی جارہی ہے۔
اجلاس کے دوران اعلیٰ سطح کے مباحثے 23 سے 27 ستمبر تک جاری رہیں گے، جب کہ جنرل اسمبلی 29 ستمبر کو اختتام پذیر ہوگی۔
میڈیا رپورٹس کے مطابق ٹرمپ انتظامیہ نے فلسطینی صدر اور ان کے پورے وفد کو ویزا دینے سے انکار کیا ہے۔ یہ پہلا موقع ہے کہ صرف کسی رہنما ہی نہیں بلکہ پورے وفد کو امریکا آمد سے روک دیا گیا ہے۔
یاد رہے کہ 1988 میں بھی امریکا نے اس وقت کے پی ایل او چیئرمین یاسر عرفات کو نیویارک آنے سے منع کردیا تھا، مگر موجودہ صورتِ حال فلسطینی تاریخ کے ایک اہم موڑ پر پوری نمائندگی کو محدود کرنے کے مترادف ہے۔
مزید یہ کہ 22 ستمبر کو جنرل اسمبلی میں دو ریاستی حل کے موضوع پر ایک خصوصی کانفرنس منعقد ہونی ہے، جس کی قیادت سعودی عرب اور فرانس کریں گے۔ اس اجلاس میں فلسطینی صدر کی شرکت متوقع تھی، جب کہ برطانیہ، فرانس، کینیڈا، آسٹریلیا اور دیگر ممالک کی جانب سے فلسطین کو تسلیم کرنے کے امکانات بھی زیرِ غور ہیں۔
یورپی پارلیمنٹ کے رکن ڈنمارک کے پرک لاسن نے اس صورتحال پر ردعمل دیتے ہوئے تجویز دی ہے کہ جنرل اسمبلی کا اجلاس جنیوا میں منعقد کیا جائے تاکہ فلسطینیوں کے حق کو تسلیم کرنے کے ساتھ ساتھ صدر ٹرمپ کو ایک واضح پیغام دیا جاسکے۔
.
ذریعہ
ذریعہ: Express News
کلیدی لفظ: جنرل اسمبلی وفد کو
پڑھیں:
اسحاق ڈار ایس سی او وزرائے خارجہ اجلاس کیلئے کرغزستان پہنچ گئے
دفتر خارجہ کے ترجمان کے مطابق نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ اسلام ٹائمز۔ نائب وزیراعظم اور وزیر خارجہ سینیٹر محمد اسحاق ڈار شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کے لیے کرغزستان کے شہر چولپون آتا پہنچ گئے۔ ترجمان دفتر خارجہ کے مطابق چولپون آتا پہنچنے پر کرغزستان کے نائب وزیر خارجہ کیرات تورسنکولوف نے نائب وزیراعظم کا استقبال کیا۔ اس موقع پر کرغزستان میں پاکستان کے سفیر التمش وزیر اور ایس سی او کے لیے قومی رابطہ کار ڈاکٹر محمد فیصل بھی موجود تھے۔ ترجمان نے بتایا کہ نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ دفتر خارجہ کے ترجمان کے مطابق ملاقاتوں میں کل ہونے والے ایس سی او وزرائے خارجہ کونسل کے اجلاس کے ایجنڈے پر بھی بات چیت کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار