’میرے بل ادا کردو‘بوائے فرینڈ کے مطالبے پر دپیکا پڈوکون کا ردعمل کیا تھا؟
اشاعت کی تاریخ: 10th, September 2025 GMT
بالی ووڈ کی صفِ اول کی اداکارہ دپیکا پڈوکون، جو اس وقت اداکار رنویر سنگھ کی اہلیہ ہیں، نے اپنے ایک انٹرویو میں اپنے سابق دوست سدھارتھ مالیا (سابق صنعتکار وجے مالیا کے بیٹے) کے ساتھ تعلقات پر کھل کر بات کی۔
دپیکا پڈوکون کا مؤقفانٹرنیشنل بزنس ٹائمز کو دیے گئے ایک انٹرویو میں دپیکا نے بتایا کہ کس طرح ان کا اپنے دوست سے رشتہ ختم ہوا؟
یہ بھی پڑھیے دیپیکا پڈوکون ہالی ووڈ واک آف فیم میں شامل ہونے والی پہلی بھارتی اداکارہ بن گئیں
ان کا کہنا ہے’ میں نے اس تعلق کو بچانے کی بہت کوشش کی، لیکن اس کے حالیہ رویے ناقابلِ برداشت تھے۔ آخری بار جب ہم رات کے کھانے پر ملے تو اس نے مجھ سے بل ادا کرنے کو کہا۔ یہ میرے لیے بہت شرمناک تھا۔ اس کے بعد میرے پاس رشتہ ختم کرنے کے سوا کوئی راستہ نہیں بچا تھا، کیونکہ اب کچھ باقی نہیں رہا تھا جسے میں تھامے رکھتی‘۔
سدھارتھ مالیا کا جوابدپیکا کے اس الزام کے جواب میں سدھارتھ مالیا نے کہا کہ دپیکا ایک پاگل خاتون ہے۔ میں نے اسے کہا تھا کہ جیسے ہی میرے والد اپنے قرضے چکائیں گے اور حکومت انہیں رہا کرے گی، میں اس کے پیسے واپس کر دوں گا، لیکن وہ سمجھنے کو تیار ہی نہیں تھی۔ وہ یہ بھی بھول گئی ہے کہ میں نے اسے قیمتی ہیروں کے تحفے دیے، مہنگے بیگز دیے، اس کی چھٹیوں پر بھاری رقم خرچ کی اور اس کی دوستوں کے لیے پارٹیاں منعقد کیں۔
دپیکا کی موجودہ زندگیدپیکا پڈوکون اس وقت اپنی ازدواجی زندگی میں خوش ہیں اور رنویر سنگھ کے ساتھ بیٹی دعا کی پرورش کر رہی ہیں۔
بیٹی دعا نے 8 ستمبر 2025 کو اپنی پہلی سالگرہ منائی، جس پر دپیکا نے خود چاکلیٹ کیک بنایا اور انسٹاگرام پر تصویر شیئر کرتے ہوئے لکھا:
’میری محبت کی زبان؟ اپنی بیٹی کی پہلی سالگرہ کے لیے کیک بیک کرنا!‘
یہ بھی پڑھیے ’سادگی اور حسن کا راج‘ ماں بننے کے بعد دپیکا پہلی بار منظرِ عام پر
فلمی محاذ پر دپیکا کو حال ہی میں روہت شیٹی کی ہدایت کاری میں بنی فلم سنگھم اگین (2024) میں دیکھا گیا، جس میں رنویر سنگھ، اجے دیوگن، کرینہ کپور خان، اکشے کمار اور ٹائیگر شروف سمیت کئی بڑے نام شامل تھے۔
ان کی اگلی فلم اٹلی (جوان کے ہدایت کار) کی زیرِ ہدایت بننے والی ایک بڑی پروڈکشن ہے، جس کا عارضی نام AA22xA6 ہے، اور اس میں وہ تیلگو سپر اسٹار اللو ارجن کے ساتھ جلوہ گر ہوں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دپیکا پڈوکون رنویر سنگھ سدھارتھ مالیا.ذریعہ: WE News
کلیدی لفظ: دپیکا پڈوکون رنویر سنگھ رنویر سنگھ
پڑھیں:
این سی سی آئی اے کی عمران خان سے جیل میں تفتیش: سوشل میڈیا اکاؤنٹس سے متعلق سوال پر جذباتی ردعمل
سابق وزیراعظم اور پاکستان تحریک انصاف کے بانی عمران خان سے اڈیالہ جیل میں سوشل میڈیا اکاؤنٹس کے معاملے میں تفتیش کی گئی، جس کی قیادت ایڈیشنل ڈائریکٹر ایاز خان کی سربراہی میں 3 رکنی ٹیم نے کی۔
میڈیا رپورٹس کے مطابق عمران خان نے سوالات کے جوابات دینے سے گریز کیا اور متعدد مواقع پر مشتعل ہو گئے۔
اہم: عمران خان سے اڈیالہ میں تفتیش، جواب میں مشتعل جوابات آئے!
عمران خان سے اڈیالہ جیل میں این سی سی آئی اے کی تفتیشی ٹیم نے سوشل میڈیا اکاونٹس بارے سوالات کیے، عمران خان جواب میں غصہ ہوئے اور سخت جوابات دیے!
سوال ہوا کہ کیا آپ کے اکاونٹس غیر ملکی شہری جبران الیاس چلاتا ہے؟… pic.twitter.com/DNJyv8A7tC
— Maryam Nawaz Khan (@maryamnawazkhan) September 16, 2025
میڈیا رپورٹس کے مطابق سابق وزیر اعظم نے ایاز خان پر ذاتی تعصب کا الزام عائد کرتے ہوئے کہاکہ یہی افسر میرے خلاف سائفر اور جعلی اکاؤنٹس کے مقدمات بناتا رہا ہے، اس کا ضمیر مر چکا ہے اور میں اسے دیکھنا بھی نہیں چاہتا۔
این سی سی آئی اے کی ٹیم نے اس موقع پر واضح کیا کہ تفتیش عدالتی احکامات کے تحت کی جا رہی ہے نہ کہ کسی ذاتی ایجنڈے کے تحت ایسا ہو رہا ہے۔
تفتیش کے دوران عمران خان سے سوال کیا گیا کہ آیا ان کے سوشل میڈیا اکاؤنٹس جبران الیاس، سی آئی اے، ’را‘ یا ’موساد‘ چلا رہے ہیں، جس پر وہ شدید مشتعل ہو گئے اور جواب دیا کہ جبران الیاس تم سب سے زیادہ محب وطن ہے۔
تحقیقاتی ٹیم نے یہ بھی پوچھا کہ جیل سے باہر پیغامات کیسے پہنچتے ہیں، جس پر عمران خان نے کہاکہ کوئی خاص پیغام رساں نہیں ہے، جو بھی ملاقات کرتا ہے وہی پیغام سوشل میڈیا ٹیم تک پہنچا دیتا ہے۔ میں طویل عرصے سے پابند سلاسل ہوں، میرے سیاسی ساتھیوں کو ملاقات کی اجازت بھی نہیں۔
تفتیشی ٹیم کے سوال پر کہ عمران خان سوشل میڈیا کے ذریعے فساد کیوں پھیلا رہے ہیں، انہوں نے وضاحت کی کہ وہ کوئی فساد نہیں پھیلا رہے بلکہ قبائلی اضلاع میں فوجی آپریشن پر اختلافی رائے دے رہے ہیں۔
یہ بھی پڑھیں: عمران خان مذاکرات کے لیے تیار، لیکن بات صرف ’بڑوں‘ سے ہوگی، وزیراعلیٰ کے پی علی امین گنڈاپور
عمران خان نے مزید دعویٰ کیا کہ پارٹی رہنما ان کے پیغامات کو دوبارہ شیئر کرنے کی ہمت نہیں رکھتے کیونکہ انہیں نتائج کا خوف ہے۔
میڈیا رپورٹس کے مطابق عمران خان نے کہاکہ اگر بتایا جائے کہ سوشل میڈیا اکاؤنٹس کون چلاتا ہے تو خدشہ ہے کہ اسے اغوا کر لیا جائےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews این سی سی آئی اے سوشل میڈیا اکاؤنٹس عمران خان مشتعل وی نیوز
بھارتی بورڈ کی دولت میں 5برس کے دوران کروڑوں روپے کا اضافہ