وزیراعظم کا سی پیک 2.2 کا اعلان، کابینہ نے کلائمٹ اور زرعی ایمرجنسی کی منظوری دے دی
اشاعت کی تاریخ: 10th, September 2025 GMT
اسلام آباد (مانیٹرنگ ڈیسک) وزیراعظم شہباز شریف نے وفاقی کابینہ کے اجلاس سے خطاب کرتے ہوئے کہا ہے کہ پاکستان نے چین کے ساتھ سی پیک کے دوسرے مرحلے کی تیاری مکمل کر لی ہے، جس کا باضابطہ اعلان 26 ستمبر کو کیا جائے گا۔ انہوں نے کہا کہ زرعی شعبے، انڈسٹری اور شاہراہ قراقرم کی توسیع سمیت کئی منصوبوں پر کام کیا جا رہا ہے۔
وزیراعظم کے مطابق سی پیک کے تحت فرینچن ہوٹل منصوبے میں 85 فیصد سرمایہ کاری چین کرے گا جبکہ 15 فیصد پاکستان کی ہوگی۔ انہوں نے بتایا کہ سی پیک 2.
امریکی کمپنیوں سے سرمایہ کاری کے معاہدے
شہباز شریف نے کہا کہ حال ہی میں امریکا کی کمپنیوں کے ساتھ بھی معاہدے طے پائے ہیں جن کے تحت پاکستان میں جیم اسٹونز، معدنیات اور ٹیکنالوجی کے شعبوں میں سرمایہ کاری آئے گی۔ انہوں نے کہا کہ چترال اور بلوچستان سمیت ملک کے مختلف علاقوں میں معدنی وسائل موجود ہیں جنہیں جدید ٹیکنالوجی سے استعمال میں لایا جائے گا۔
وزیراعظم نے کہا کہ امریکا کے ساتھ تعلقات بہتر بنانے اور اسٹریٹیجک پارٹنرشپ کو مزید مضبوط کرنے کے لیے حکومت مسلسل کام کر رہی ہے۔
توانائی منصوبے اور ماضی کی حکومت کا ذکر
انہوں نے کہا کہ 2015 اور 2016 میں نواز شریف کی حکومت کے دوران ایل این جی کے پانچ پاور پلانٹس لگائے گئے تھے، جن میں چار امریکی کمپنیوں نے لگائے جبکہ ایک سی ایم ایچ کے تعاون سے بنایا گیا۔ ان منصوبوں کی بدولت توانائی بحران پر قابو پایا گیا۔
سیلاب اور موسمیاتی ایمرجنسی
وزیراعظم نے کہا کہ حالیہ بارشوں اور سیلاب نے ملک بھر میں تباہی مچائی ہے۔ ایک ہزار سے زائد افراد جاں بحق اور ہزاروں زخمی ہو چکے ہیں، جبکہ پنجاب، کے پی اور سندھ میں ہزاروں ایکڑ اراضی اور فصلیں زیر آب آ گئی ہیں۔
انہوں نے کہا کہ موسمیاتی تبدیلی ایک بڑا چیلنج ہے اور پاکستان اکیلا اس سے نہیں نمٹ سکتا۔ اس سلسلے میں وفاقی کابینہ نے کلائمٹ ایمرجنسی اور زرعی ایمرجنسی نافذ کرنے کا فیصلہ کیا ہے۔ وزیراعظم نے ہدایت دی کہ اس حوالے سے وفاقی وزراء، سیکریٹریز اور چاروں صوبوں کے چیف سیکریٹریز پر مشتمل ایک اعلیٰ سطحی کمیٹی تشکیل دی جائے۔
وزیراعظم نے بتایا کہ اگلے ہفتے فصلوں اور زرعی نقصانات کا باضابطہ تخمینہ پیش کیا جائے گا تاکہ متاثرہ کسانوں کی بحالی کے لیے اقدامات کیے جا سکیں۔
فلسطین کے حوالے سے بیان
اجلاس کے دوران وزیراعظم نے فلسطین میں اسرائیلی مظالم کی مذمت کرتے ہوئے کہا کہ عصر حاضر کی تاریخ میں اس سے بڑی سفاکیت کی مثال نہیں ملتی۔ انہوں نے کہا کہ پاکستان فلسطینی عوام کے ساتھ ہے اور ان کی قربانیوں کو سلام پیش کرتا ہے۔
وزیراعظم نے بتایا کہ انہوں نے قطر کے امیر سے بھی بات کی ہے اور پاکستان کے عوام اور حکومت کی جانب سے فلسطینی عوام کے لیے اظہار یکجہتی کا پیغام پہنچایا ہے۔
Post Views: 2ذریعہ: Daily Mumtaz
کلیدی لفظ: انہوں نے کہا کہ کے ساتھ سی پیک
پڑھیں:
سہیل آفریدی نے کابینہ کا اعلان کردیا، کون کون شامل ہیں؟
وزیراعلیٰ خیبر پختونخوا محمد سہیل آفریدی نے صوبائی کابینہ کے ارکان کا اعلان کردیا ہے۔ نئی کابینہ میں وزرا، مشیر اور معاونِ خصوصی شامل ہیں، جو مجموعی طور پر 13 اراکین پر مشتمل ہے۔
وزیراعلیٰ آفس کے مطابق کابینہ میں 10 وزرا، 2 مشیر اور ایک معاونِ خصوصی شامل ہیں۔ وزرا میں مینا خان آفریدی، ارشد ایوب خان، امجد علی، آفتاب عالم خان، فضل شکور خان، خلیق الرحمٰن، ریاض خان، سید فخر جہاں، عاقب اللہ خان اور فیصل خان شامل ہیں۔
کابینہ کا اعلان چیئرمین عمران خان کی ہدایت پر کیا گیا ہے، جبکہ مشیر میں مزمل اسلم اور تاج محمد کے نام شامل کیے گئے ہیں، اور شفیع جان کو معاونِ خصوصی برائے وزیراعلیٰ مقرر کیا گیا ہے۔
مزید پڑھیں: وزیراعلیٰ خیبرپختونخوا سہیل آفریدی کے ساتھ نفسیاتی مسئلہ ہے، انہیں ڈاکٹر کو دکھانا چاہیے، رانا ثنااللہ
سہیل آفریدی نے کابینہ میں زیادہ تر وہی چہرے شامل کیے ہیں جو سابق وزیراعلیٰ علی امین گنڈاپور کی کابینہ کا حصہ تھے، تاہم چند نئے ارکان کو بھی موقع دیا گیا ہے۔
کابینہ میں منتخب اراکین اسمبلی کو ترجیح دی گئی ہے، جبکہ صرف ایک غیر منتخب رہنما مزمل اسلم کو شامل کیا گیا ہے، جو علی امین کابینہ میں مشیرِ خزانہ کے طور پر خدمات انجام دے چکے ہیں۔
جبکہ کابینہ میں سابق مشیر اطلاعات بیرسٹر سیف کا نام شامل نہیں کیا گیا۔ اسی طرح علی امین گنڈاپور کی جانب سے حال ہی میں برطرف کیے گئے شہرام ترکئی کے بھائی فیصل ترکئی اور سابق اسپیکر اسد قیصر کے بھائی عاقب اللہ خان کو بھی نئی کابینہ میں شامل کیا گیا ہے۔
مزید پڑھیں: پشاور میں سڑک بند، وزیراعلیٰ سہیل آفریدی کی پیدل چلتے ہوئے اسکول کے بچوں سے ہاتھ ملاتے ویڈیو وائرل
نئی کابینہ کی حلف برداری کی تقریب آج گورنر ہاؤس پشاور میں منعقد ہوگی۔
سیاسی تجزیہ کاروں کے مطابق وزیراعلیٰ سہیل آفریدی کی کابینہ میں زیادہ تر پرانے چہرے ہی شامل ہیں، جبکہ خواتین کو نمائندگی نہیں دی گئی اور کوئی خاتون رکن کابینہ کا حصہ نہیں بن سکی۔
سہیل آفریدی نے تمام اضلاع سے اراکین کو کابینہ میں شامل کرکے اور غیر منتخب افراد کی جگہ منتخب اراکین کو ترجیح دے کر سیاسی توازن برقرار رکھنے اور پارٹی کے اندرونی اختلافات کم کرنے کی کوشش کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چیئرمین عمران خان کابینہ محمد سہیل آفریدی وزیراعلیٰ خیبر پختونخوا
رواں سال کا طاقتور ترین طوفان کیریبین جزائر پر اثر انداز ہونا شروع، اب تک 3 افراد ہلاک