ترک وزیر دفاع کا پاکستان کا دورہ، دوطرفہ تعلقات مزید مضبوط بنانے پر اتفاق
اشاعت کی تاریخ: 10th, September 2025 GMT
ترکیہ کے وزیر دفاع یشار گولر نے پاکستان کا 3 روزہ دورہ کیا، اس دوران انہوں نے پاکستان ترکیہ مشترکہ وزارتی کمیشن کے 16ویں اجلاس میں ترک وفد کی قیادت کی۔ دورے کے دوران مختلف اہم ملاقاتوں میں دوطرفہ تعلقات مزید مضبوط بنانے پر اتفاق کیا گیا۔
ترجمان دفتر خارجہ کے مطابق اپنے 3 روزہ دورے کے دوران وزیر دفاع یشار گولر نے وزیراعظم شہباز شریف سے ملاقات کی۔ اس کے علاوہ وزیر دفاع خواجہ محمد آصف اور فیلڈ مارشل سید عاصم منیر سے بھی الگ الگ ملاقاتیں کیں۔
یہ بھی پڑھیں: وزیراعظم شہباز شریف سے ترک وزیر دفاع کی ملاقات، دوطرفہ تجارت میں 5 ارب ڈالر کے ہدف پر زور
وزیراعظم شہباز شریف سے ملاقات کے دوران دونوں ممالک نے برادرانہ تعلقات کو باہمی دلچسپی کے تمام شعبوں میں مزید گہرا کرنے کے عزم کا اظہار کیا۔
وزیراعظم نے اس بات پر زور دیا کہ تجارت و سرمایہ کاری، مشترکہ تحقیق و ترقی، آئی ٹی، زراعت، توانائی، تعلیم اور ثقافتی تبادلے کے شعبوں میں تعاون کو فروغ دینا وقت کی ضرورت ہے۔
“وزیراعظم سے ترک وزیر دفاع کی ملاقات”
ترکیہ کے وزیر برائے قومی دفاع جناب یاسر گلر جو اس وقت پاک ترک مشترکہ وزارتی کمیشن کے شریک چیئرمین کی حیثیت سے پاکستان کے دورے پر ہیں، نے آج شام وزیراعظم ہاؤس میں وزیراعظم محمد شہباز شریف سے ملاقات کی۔
ترک وزیر دفاع اور ان کے وفد کے ارکان… pic.
— PMLN (@pmln_org) September 9, 2025
ترکیہ کے وزیر دفاع یشار گولر کی وزیر دفاع خواجہ آصف اور فیلڈ مارشل سید عاصم منیر سے ملاقاتوں میں بھی دونوں ممالک نے اسٹریٹجک اور دفاعی تعاون کو مزید مضبوط بنانے کے عزم کی تجدید کی۔
16واں مشترکہ وزارتی کمیشن پاکستان کے وزیر تجارت جام کمال خان اور وزیر یشار گولر کی مشترکہ صدارت میں منعقد ہوا۔ اجلاس میں اعلیٰ سطحی اسٹریٹجک تعاون کونسل کے ایجنڈے پر پیش رفت کا جائزہ لیا گیا۔
اجلاس کے اہم نکات میں تجارت، سرمایہ کاری، دواسازی، انفارمیشن ٹیکنالوجی، ای کامرس، رابطہ و ٹرانسپورٹ، توانائی، تعلیم، معدنیات، زراعت، میڈیا اور سیاحت کے شعبوں میں تعاون کو مزید وسعت دینا شامل تھا۔
یہ بھی پڑھیں: ترک وزیر خارجہ اور وزیر دفاع کا دورہ، اعلیٰ پاکستانی قیادت سے ملاقاتیں طے
یہ دورہ دونوں ممالک کے درمیان وسیع تر دو طرفہ تعاون کا جائزہ لینے کا ایک اہم موقع ثابت ہوا۔ دونوں فریقین نے اپنے برادرانہ تعلقات کو ایک ہمہ جہت شراکت داری میں ڈھالنے کے عزم کا اعادہ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews تجارت ترک وزیر دفاع دورہ پاکستان دوطرفہ تعلقات سرمایہ کاری ملاقاتیں وی نیوز
ذریعہ
ذریعہ: WE News
کلیدی لفظ: ترک وزیر دفاع دورہ پاکستان دوطرفہ تعلقات سرمایہ کاری ملاقاتیں وی نیوز شہباز شریف سے ترک وزیر دفاع یشار گولر سے ملاقات تعاون کو کے وزیر
پڑھیں:
ایس سی او اجلاس کے موقع پر پاک چین وزرائے خارجہ کی ملاقات، علاقائی امن اور تعاون پر تبادلۂ خیال
نائب وزیراعظم و وزیر خارجہ سینیٹر محمد اسحاق ڈار نے کرغزستان میں شنگھائی تعاون تنظیم (ایس سی او) کے وزرائے خارجہ کونسل اجلاس کے موقع پر چینی وزیر خارجہ وانگ یی سے ملاقات کی، جس میں دوطرفہ تعلقات، علاقائی صورتحال اور کثیرالجہتی فورمز پر تعاون سمیت مختلف امور پر تفصیلی تبادلۂ خیال کیا گیا۔
دفتر خارجہ کے مطابق ملاقات خوشگوار ماحول میں ہوئی، جس کے دوران دونوں رہنماؤں نے پاکستان اور چین کے دوطرفہ تعلقات، خطے کی تازہ صورتحال اور مختلف کثیرالجہتی فورمز پر باہمی تعاون کے فروغ سے متعلق امور پر مفصل اور نتیجہ خیز تبادلۂ خیال کیا۔
نائب وزیراعظم و وزیر خارجہ اسحاق ڈار نے شنگھائی تعاون تنظیم کے وزرائے خارجہ اجلاس میں اپنے خطاب کے دوران پاکستان کی علاقائی امن، استحکام اور سفارتی کوششوں کو سراہنے پر چینی وزیر خارجہ وانگ یی کا شکریہ ادا کیا۔
اس موقع پر چینی وزیر خارجہ وانگ یی نے پاکستان کو شنگھائی تعاون تنظیم کی کونسل آف ہیڈز آف اسٹیٹ کی آئندہ سربراہی سنبھالنے اور 2027 میں ایس سی او سربراہ اجلاس کی میزبانی پر نیک تمناؤں کا اظہار کیا۔
دونوں رہنماؤں نے پاکستان اور چین کے درمیان دیرینہ اسٹریٹجک شراکت داری کو مزید مضبوط بنانے، علاقائی امن و استحکام کے فروغ اور بین الاقوامی و علاقائی فورمز پر قریبی تعاون جاری رکھنے کے عزم کا بھی اعادہ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک چین تعلقات پاکستان کے نائب وزیراعظم و وزیر خارجہ سینیٹر اسحاق ڈار چینی وزیر خارجہ وانگ یی شنگھائی تعاون تنظیم
تحریکِ تحفظِ آئینِ پاکستان کا پارلیمنٹ ہائوس سے دھرنا ختم