اداکارہ حمیرا اصغر کی موت کیسے ہوئی؟ حتمی میڈیکل رپورٹ میں نیا انکشاف
اشاعت کی تاریخ: 10th, September 2025 GMT
معروف پاکستانی ماڈل و اداکارہ حمیرا اصغر کی موت سے متعلق تحقیقات میں تیار کی گئی حتمی میڈیکو لیگل رپورٹ میں انکشاف ہوا ہے کہ ان کے ملبوسات پر خون کے نشانات موجود تھے۔
میڈیا رپورٹس کے مطابق حمیرا اصغر کی فائنل میڈیکولیگل رپورٹ مرتب کر لی گئی، جس میں بتایا گیا کہ ان کی ٹی شرٹ اور ٹراؤزر پر خون کے دھبے پائے گئے، تاہم ان دھبوں سے ناکافی انسانی ڈی این اے حاصل ہوا۔
یہ بھی پڑھیں: حمیرا اصغر مبینہ قتل کیس: عدالت نے اہم فیصلہ سنا دیا
رپورٹ کے مطابق ملنے والی لاش مکمل نہیں تھی بلکہ صرف ہڈیاں موجود تھیں، تمام ہڈیاں سلامت تھیں مگر جسمانی اعضا دستیاب نہیں ہوئے۔
دستاویز کے مطابق جسمانی اعضا نہ ہونے کے باعث موت کی حتمی وجہ معلوم نہیں کی جاسکی۔
پولیس ذرائع نے کہا کہ خون اور ڈی این اے سے متعلق کوئی ڈیٹا بینک موجود نہیں، اگر ایسی سہولت میسر ہوتی تو کیس کی تفتیش میں بڑی پیش رفت ممکن تھی۔ رپورٹ میں مزید واضح کیا گیا کہ لاش سے کسی قسم کے نشہ آور یا زہریلے مادے کے آثار نہیں ملے۔
یاد رہے کہ 8 جولائی کو حمیرا اصغر کی لاش کراچی کے علاقے ڈیفنس فیز 6 کے ایک فلیٹ سے برآمد ہوئی تھی، وہ گزشتہ سات برس سے اسی فلیٹ میں رہائش پذیر تھیں اور 2018 میں لاہور سے کراچی منتقل ہوئی تھیں۔
ایس ایس پی ساؤتھ مہزور علی کے مطابق اداکارہ فلیٹ میں اکیلی مقیم تھیں، انہوں نے یہ فلیٹ 2018 میں کرائے پر لیا تھا لیکن 2024 سے کرایہ ادا نہیں کر رہی تھیں۔
یہ بھی پڑھیں: ’ماں کہلانے کی مستحق نہیں تھیں؟‘، غزالہ جاوید کی حمیرا اصغر کی والدہ پر کڑی تنقید
بعد ازاں کلفٹن کنٹونمنٹ بورڈ میں مالک مکان نے مقدمہ دائر کیا تھا، بیلف کے فلیٹ پر پہنچنے پر دروازہ بند ملا، جب اسے توڑا گیا تو اندر کمرے میں زمین پر اداکارہ کی لاش موجود تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستانی اداکارہ حمیرا اصغر میڈیکل رپورٹ نیا انکشاف وی نیوز.ذریعہ: WE News
کلیدی لفظ: پاکستانی اداکارہ میڈیکل رپورٹ نیا انکشاف وی نیوز حمیرا اصغر کی کے مطابق
پڑھیں:
ایران چین کی مدد سے میزائل پروگرام پھر فعال کررہا ہے: یورپی انٹیلی جنس کا انکشاف
data-id="863a0a8" data-element_type="widget" data-widget_type="theme-post-content.default">
یورپی انٹیلیجنس کا کہنا ہے کہ ایران پابندیوں کے باوجود چین کی مدد سے میزائل پروگرام دوبارہ فعال کر رہا ہے۔
یورپی انٹیلی جنس اداروں نے انکشاف کیا ہے کہ ایران اقوام متحدہ کی حالیہ پابندیوں کے باوجود چین کی مدد سے اپنا بیلیسٹک میزائل پروگرام تیزی سے بحال کر رہا ہے۔
میڈیا رپورٹ کے مطابق چین سے ایران کی بندر عباس بندرگاہ پر ’سوڈیم پرکلوریٹ‘ کی کئی کھیپ پہنچی ہیں، جو درمیانے فاصلے تک مار کرنے والے بیلسٹک میزائلوں کے ٹھوس ایندھن کی تیاری میں استعمال ہونے والا اہم کیمیائی مادہ ہے۔
ذرائع کے مطابق 29 ستمبر سے اب تک تقریباً 2,000 ٹن مواد ایران پہنچ چکا ہے، جو اسرائیل سے حالیہ جھڑپوں کے بعد چین کے سپلائرز سے تباہ شدہ میزائل ذخائر کی بحالی کے لیے خریدا گیا تھا۔ پابندیاں دوبارہ عائد ہونے کے بعد اس قسم کی 10 سے 12 کھیپوں کا سراغ لگایا گیا ہے۔
رپورٹ کے مطابق چین ایران کا قریبی اقتصادی اتحادی ہے اور پابندیوں کے باوجود خفیہ نیٹ ورکس کے ذریعے ایرانی تیل کی خریداری اور حساس مواد کی فراہمی جاری رکھے ہوئے ہے۔ اگرچہ سوڈیم پرکلوریٹ باضابطہ طور پر ممنوعہ فہرست میں شامل نہیں، ماہرین کا کہنا ہے کہ یہ امونیم پرکلوریٹ کی تیاری کا بنیادی جز ہے جو بین الاقوامی طور پر بیلیسٹک میزائلوں میں ممنوع قرار دیا گیا ہے۔
تجزیہ کاروں کے مطابق یہ صورت حال ظاہر کرتی ہے کہ تہران پابندیوں کو چیلنج کرتے ہوئے اپنی اسلحہ سازی کی رفتار بڑھا رہا ہے، جب کہ بیجنگ قانونی ابہام کا فائدہ اٹھا کر ان برآمدات کو ’خودمختار تجارتی فیصلہ‘ قرار دے رہا ہے۔
مزارِ قائد کے تاریخی فانوس کو قومی عجائب گھر میں نصب کرنے کا فیصلہ