نیپال میں فوج نے کنٹرول سنبھال لیا
اشاعت کی تاریخ: 10th, September 2025 GMT
غیر ملکی میڈیا کے مطابق، نیپال میں بدعنوانی، سوشل میڈیا پر پابندی اور سیاسی اشرافیہ کے خلاف نوجوانوں کی قیادت میں شروع ہونے والی’’Gen Z‘‘ ” تحریک کے بعد وزیراعظم کے پی اولی مستعفی ہو چکے ہیں، جبکہ ملک میں امن و امان کی بگڑتی صورتحال کے باعث فوج نے سڑکوں کا کنٹرول سنبھال لیا ہے۔
پیر کے روز شروع ہونے والے مظاہروں میں اب تک کم از کم 19 افراد جاں بحق اور 100 سے زائد زخمی ہو چکے ہیں۔ مشتعل مظاہرین نے پارلیمنٹ، سرکاری دفاتر اور کئی سیاسی رہنماؤں کے گھروں کو نذر آتش کر دیا۔
صدر رام چندر پوڈیل نے حالات قابو سے باہر ہونے پر فوج کو طلب کیا۔ اگرچہ باضابطہ طور پر فوج صرف سیکیورٹی کی بحالی کے لیے تعینات ہے، ماہرین کے مطابق موجودہ حالات میں فوج عملاً ملک کا نظم و نسق سنبھالے ہوئے ہے۔
ادھر مظاہرین نئی عبوری حکومت، پارلیمنٹ کی تحلیل، براہِ راست وزیراعظم کے انتخاب اور کرپٹ عہدیداروں کے خلاف کارروائی جیسے مطالبات پر ڈٹے ہوئے ہیں۔
رپورٹس کے مطابق ہزاروں نوجوان آن لائن پلیٹ فارمز پر مشاورت کر رہے ہیں کہ مذاکرات میں کس کی نمائندگی ہو اور کن نکات پر بات کی جائے۔ ممکنہ طور پر کٹھمنڈو کے نوجوان میئر اور سابق ریپر بالن شاہ کو عوامی حمایت حاصل ہو سکتی ہے۔نیپال میں مستقبل کے سیاسی منظرنامے پر غیریقینی کی صورتحال چھائی ہوئی ہے۔
ذریعہ: Daily Mumtaz
پڑھیں:
کم عمر بچوں کے سوشل میڈیا کے استعمال پر پابندی کی درخواست پر جواب طلب
چیف جسٹس نے وکیل سے مکالمہ کرتے ہوئے کہا کہ بیرون ملک بھی والدین ایسی ہی رسائی رکھتے ہیں۔ ایڈیشنل اٹارنی جنرل سے مکالمہ کرتے ہوئے چیف جسٹس نے استفسار کیا کہ آپ اس پر کیا کہیں گے؟ جس پر سرکاری وکیل نے جواب دیا کہ انہوں نے پٹیشن میں فریق ہی غلط بنایا ہے، حکومت پاکستان کو فریق بنانا چاہیے تھا۔ اسلام ٹائمز۔ لاہور ہائیکورٹ نے کم عمر بچوں کے فیس بُک اور ٹک ٹاک استعمال پر پابندی کیلئے دائر درخواست پر پی ٹی اے سمیت دیگر کو نوٹس جاری کرتے ہوئے جواب طلب کر لیا۔ چیف جسٹس عالیہ نیلم نے شہری اعظم بٹ کی درخواست پر سماعت کی، جس میں مؤقف اختیار کیا گیا تھا کہ بچے فیس بک اور ٹک ٹاک پر نامناسب مواد دیکھتے ہیں جس سے بچوں کی تعلیمی اور اخلاقی سرگرمیاں متاثر ہو رہی ہیں۔ چیف جسٹس نے ریمارکس دیئے کہ سوشل میڈیا پر سسٹم موجود ہے کہ بچوں کی رسائی کو محدود کر سکتے ہیں، والدین بچوں کے سوشل میڈیا تک رسائی کو چیک کر سکتے ہیں۔
چیف جسٹس نے وکیل سے مکالمہ کرتے ہوئے کہا کہ بیرون ملک بھی والدین ایسی ہی رسائی رکھتے ہیں۔ ایڈیشنل اٹارنی جنرل سے مکالمہ کرتے ہوئے چیف جسٹس نے استفسار کیا کہ آپ اس پر کیا کہیں گے؟ جس پر سرکاری وکیل نے جواب دیا کہ انہوں نے پٹیشن میں فریق ہی غلط بنایا ہے، حکومت پاکستان کو فریق بنانا چاہیے تھا۔ چیف جسٹس نے کہا کہ اگر انہوں نے پی ٹی اے کو درخواست دی ہے تو ان سے پتا کر کے عدالت کو آگاہ کریں، کمیشن کا مقصد یہی ہے کہ لوگوں کے معاملات کو حل کرنے کیلئے ان سے رابطہ کر سکیں۔ بعدازاں ہائیکورٹ نے کم عمر بچوں کے فیس بک اور ٹک ٹاک استعمال پر پابندی کی درخواست پر پی ٹی اے سمیت دیگر کو نوٹس جاری کرتے ہوئے جواب طلب کر لیا اور سماعت آئندہ ہفتے تک ملتوی کر دی۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام