میٹا نے فیکٹ چیکنگ کے لیے نئی خصوصیات متعارف کروا دیں
اشاعت کی تاریخ: 11th, September 2025 GMT
میٹا نے اپنے کراؤڈ سورسڈ فیکٹ چیکنگ پروگرام کمیونٹی نوٹس کے لیے نئی خصوصیات متعارف کرادی ہیں، جو رواں سال کے آغاز میں امریکا میں لانچ کیا گیا تھا۔
کمپنی کے مطابق صارفین کو اب نوٹیفکیشن موصول ہوں گے اگر وہ فیس بک، انسٹاگرام یا تھریڈز پر کسی ایسی پوسٹ کے ساتھ انٹریکٹ کریں جس پر بعد میں کمیونٹی نوٹ شامل کیا جائے۔ فی الحال ان فیچرز کو ٹیسٹنگ مرحلے میں قرار دیا گیا ہے۔
یہ بھی پڑھیں: میٹا میں 100 ملین ڈالر سے زائد معاوضے پر اے آئی ماہرین کی بھرتی
میٹا کے چیف انفارمیشن سیکیورٹی آفیسر گائے روزن نے ایکس (سابقہ ٹوئٹر) پر بتایا کہ اب تک 70 ہزار سے زائد کنٹریبیوٹرز نے 15 ہزار نوٹس لکھے ہیں، جن میں سے صرف 6 فیصد شائع کیے گئے۔
یہ سسٹم بالکل اسی طرز پر ہے جیسے ایکس نے 2021 میں متعارف کرایا تھا، جسے اس بنیاد پر تنقید کا نشانہ بنایا گیا کہ یہ بروقت غلط معلومات کی نشاندہی کرنے میں ناکام رہا۔
میٹا کا کمیونٹی نوٹس پروگرام بھی اسی ماڈل پر کام کرتا ہے جہاں مختلف نقطہ نظر رکھنے والے صارفین اتفاق رائے سے پوسٹس پر نوٹس شامل کرتے ہیں تاکہ سیاق و سباق فراہم کیا جا سکے اور گمراہ کن مواد کا مقابلہ کیا جا سکے۔
یہ بھی پڑھیں: میٹا کی ’سپرانٹیلیجنس لیب‘ کو دھچکا، ایلون مسک نے 18 اے آئی انجینیئرز ہتھیا لیے
تاہم ڈیموکریسی اینڈ ٹیکنالوجی سینٹر (CDT) نے خبردار کیا ہے کہ غلط معلومات اکثر تیزی سے پھیل جاتی ہیں اور تصحیح کا عمل دیر سے ہوتا ہے۔ تنظیم نے مطالبہ کیا کہ میٹا یہ ٹریک کرے کہ کتنے صارفین اصلاحی نوٹس دیکھتے ہیں اور شفافیت کے لیے ان اعداد و شمار کو عوام کے سامنے لائے۔
CDT نے مزید سوال اٹھایا کہ آیا یہ سسٹم انسٹاگرام اور ریلز جیسے زیادہ ویژول پلیٹ فارمز پر مؤثر ثابت ہوگا اور فیس بک گروپس جیسے نجی حلقوں میں کس حد تک رسائی حاصل کر پائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ڈیموکریسی اینڈ ٹیکنالوجی سینٹر غلط معلومات فیکٹ چیکنگ کراؤڈ سورسڈ کمیونٹی نوٹ میٹا.ذریعہ: WE News
کلیدی لفظ: غلط معلومات فیکٹ چیکنگ کمیونٹی نوٹ میٹا کے لیے
پڑھیں:
‘نینو بنانا’ ایڈیٹنگ ٹول کی وجہ سے گوگل جیمنی ایپ اسٹور پر پہلے نمبر پر آنے میں کامیاب
گوگل کی ایپ ‘جیمنی’ نے جمعے کے روز کئی ممالک میں ایپ اسٹور کے ٹاپ فری ایپس چارٹ پر پہلا مقام حاصل کر لیا۔
اس ٹیکنالوجی کمپنی نے حال ہی میں اپنے چیٹ بوٹ میں متعدد نئی خصوصیات متعارف کرائی ہیں جن میں نیا ‘نینو بنانا’ امیج ایڈیٹنگ ٹول، جیمنی لائیو میں بصری رہنمائی اور ازسرِنو ڈیزائن کی گئی پرامپٹ بار شامل ہیں۔ انہی اپ ڈیٹس کو ایپ کی بڑھتی ہوئی مقبولیت کی بڑی وجہ قرار دیا جا رہا ہے۔
یہ بھی پڑھیے: گوگل کے جیمنی اے آئی میں آڈیو فائل اپلوڈ کرنے کی سہولت متعارف
فی الحال جیمنی آئی فون ایپ بھارت اور امریکا میں نمبر ون پوزیشن پر ٹرینڈ کر رہی ہے جبکہ کینیڈا اور برطانیہ میں جیمنی نے دوسرے نمبر پر جگہ بنائی۔ یہ پہلا موقع ہے کہ جیمنی نے یہ سنگ میل عبور کیا ہے۔ اس سے قبل چیٹ جی پی ٹی اور ڈیپ سیک بھی ایپ اسٹور پر سرفہرست آ چکے ہیں۔
تجزیہ کاروں کے مطابق ‘نینو بنانا’ اپ ڈیٹ اس مقبولیت کی بڑی وجہ ہو سکتا ہے۔ اگست کے آخر میں متعارف کرائی گئی یہ خصوصیت صارفین کو تصاویر اپ لوڈ کرنے اور مخصوص عناصر ہٹا کر یا چھوٹی موٹی تبدیلیاں کر کے بقیہ تصویر کو برقرار رکھنے کی سہولت فراہم کرتی ہے جو زیادہ تر اے آئی ماڈلز کے لیے مشکل ہوتا ہے۔
یہ فیچر تمام جیمنی صارفین کے لیے دستیاب ہے تاہم پریمیم سبسکرپشن والے صارفین کو زیادہ سہولتیں اور شرحاستعمال کی زیادہ گنجائش فراہم کی جاتی ہے۔
یہ بھی پڑھیے: گوگل کے جیمینی ’نینو بنانا ایپ‘ نے سوشل میڈیا پر دھوم مچادی
گوگل نے حالیہ دنوں میں جیمنی کے ساتھ ساتھ دیگر ایپس میں بھی تیز رفتاری سے نئی خصوصیات متعارف کرائی ہیں۔ گوگل ٹرانسلیٹ اب براہِ راست آواز کے ذریعے ترجمہ کرنے کی سہولت دیتا ہے جبکہ جیمنی پاورڈ لینگویج کوچنگ ٹول بھی شامل کیا گیا ہے جو صارفین کو نئی زبانیں سیکھنے اور مشق کرنے میں مدد فراہم کرتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایپ اسٹور اے آئی چیٹ جی پی ٹی گوگل جیمنی
ملتان میں جلالپور پیروالا میں مقامی بند ٹوٹنے سے درجنوں بستیاں زیر آب، ایمرجنسی نافذ