خیبرپختونخوا: ٹیچنگ لائسنس متعارف کرنے کا فیصلہ، طریقہ کار کیا ہوگا؟
اشاعت کی تاریخ: 12th, September 2025 GMT
خیبرپختونخوا حکومت صوبے میں تدریس کے لیے پہلی بار باقاعدہ لائسنس متعارف کرانے جا رہی ہے جس کے بغیر ٹیچنگ کی اجازت نہیں ہوگی۔
یہ بھی پڑھیں: خیبرپختونخوا اسمبلی: خود قانون منظور کرکے اسی کے خلاف قرارداد بھی منظور، جانیے دلچسپ کہانی
محکمہ ابتدائی و ثانوی تعلیم خیبرپختونخوا نے صوبے میں معیار تعلیم کو بہتر بنانے کے لیے اساتذہ کے لیے باضابطہ طور پر لائسنس جاری کرنے کا فیصلہ کر لیا ہے۔
محکمہ تعلیم کی دستاویزات کے مطابق صوبے میں کوئی بھی شخص بغیر لائسنس کے تدریس کے شعبے میں خدمات انجام نہیں دے سکے گا۔ صرف وہی اساتذہ پڑھانے کے مجاز ہوں گے جو رجسٹرڈ اور لائسنس یافتہ ہوں گے۔
محکمہ تعلیم کے مطابق اس کے لیے ایک ریگولیٹری باڈی قائم کی جائے گی جس کی منظوری دی گئی ہے۔ اس کی ذمہ داری اساتذہ کی رجسٹریشن، لائسنس کے اجرا اور اس کی نگرانی شامل ہوگی۔
یہ ریگولیٹری باڈی ٹیچنگ لائسنس کے حوالے سے قواعد و ضوابط (ٹی او آرز) تیار کرے گی اور اسی بنیاد پر اساتذہ کو لائسنس جاری کیا جائے گا۔
مزید پڑھیے: خیبرپختونخوا: میٹرک امتحانات میں ناقص نتائج پر 15 اسکول پرنسپل معطل
دستاویزات کے مطابق صرف وہی اساتذہ لائسنس کے اہل ہوں گے جو معیار پر پورا اتریں گے جبکہ بغیر لائسنس کسی کو تدریسی عمل کی اجازت نہیں ہوگی۔ ریگولیٹری باڈی کے پاس یہ مکمل اختیار ہوگا کہ کس کو لائسنس جاری کیا جائے اور کس کو مسترد کیا جائے۔
اساتذہ کے لائسنس کی تجدید ان کی کارکردگی سے مشروط ہوگی۔ اچھی اور تسلی بخش کارکردگی کے حامل اساتذہ کو ہی لائسنس کی تجدید کروانے کا حق ملے گا۔
محکمہ تعلیم کی دستاویزات کے مطابق ریگولیٹری باڈی کے قیام اور اس کے معاملات چلانے پر 200 ملین روپے لاگت آئے گی۔
محکمہ تعلیم کے مطابق اس عمل سے اساتذہ پر کڑی نظر ہوگی اور کسی قسم کے نفسیاتی یا اخلاقی مسائل کی صورت میں لائسنس منسوخ کیا جائے گا۔
تعلیم پر گہری نظر رکھنے والے ماہرین کے مطابق پاکستان تحریک انصاف کی حکومت صوبے میں تعلیم کے معیار کو بہتر بنانے کے لیے خطیر فنڈز خرچ کر رہی ہے لیکن سرکاری اسکولوں میں بہتری نظر نہیں آرہی۔
مزید پڑھیں: پنجاب کا مجوزہ نیا بلدیاتی نظام کیا خیبرپختونخوا ماڈل سے متاثر ہے؟
کاشان اعوان پشاور کے صحافی ہیں اور ایجوکیشن بیٹ کور کرتے ہیں۔ ان کے مطابق اساتذہ لائسنس سے فنڈز اور وقت کا ضیاع ہوگا۔
انہوں نے بتایا کہ پی ٹی آئی حکومت نے سرکاری اسکولوں میں بھرتیاں کیں، اساتذہ پر چیک اینڈ بیلنس کے لیے مانیٹرنگ کا نظام لایا گیا جس کے بعد اسکول لیڈرز بھرتی کیے گئے لیکن اس کے باوجود بھی سرکاری اسکولوں کے نتائج میں بہتری نہیں آئی۔
کاشان اعوان نے بتایا کہ اتنے اقدامات کے بعد اب حکومت اسکولوں کو آؤٹ سورس کرنے جا رہی ہے جو حکومتی اقدامات اور کارکردگی پر سوالیہ نشان ہے۔
انہوں نے کہا کہ جب آپ نے سرکاری اسکول نجی شعبے کو دینے تھے تو اتنے خرچے اور اقدامات کی کیا ضرورت تھی۔
یہ بھی پڑھیں: خیبرپختونخوا میں سیلاب سے 34 اسکول تباہ، 648 جزوی متاثر، حکومت بحالی کے لیے کیا کررہی ہے؟
کاشان اعوان نے بتایا کہ حکومت ہر سال کچھ نیا تجربہ کر رہی ہے اور اساتذہ لائسنس کا معاملہ بھی اسی کا حصہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تدریسی عملے کا لائسنس خیبرپختونخوا کے پی تدریسی عملے کا لائسنس.ذریعہ: WE News
کلیدی لفظ: تدریسی عملے کا لائسنس خیبرپختونخوا کے پی تدریسی عملے کا لائسنس سرکاری اسکول محکمہ تعلیم لائسنس کے کے مطابق کیا جائے کے لیے اور اس رہی ہے
پڑھیں:
حکومت کا جدید اور تیز رفتار ٹرین سروس شروع کرنے کا فیصلہ
اسلام آباد (نیوز ڈیسک) پاکستان میں جدید اور تیز رفتار ٹرین سروس شروع کرنے کا فیصلہ کرلیا گیا ، جس سے اسلام آباد اور راولپنڈی کے درمیان سفر صرف 20منٹ میں طے ہوگا۔
تفصیلات کے مطابق وفاقی حکومت نے اسلام آباد اور راولپنڈی کے درمیان جدید اور تیز رفتار ٹرین سروس شروع کرنے کا فیصلہ کیا ہے، جس کے ذریعے جڑواں شہروں کے درمیان سفر صرف 20 منٹ میں طے ہوگا۔
وزیر داخلہ محسن نقوی اور چیئرمین سی ڈی اے حنیف عباسی کی زیر صدارت اجلاس ہوا، جس میں طلال چوہدری سمیت دیگر حکام نے شرکت کی۔
اجلاس میں مارگلہ سے راولپنڈی صدر تک ریل منصوبے کو جلد مکمل کرنے پر اتفاق کیا گیا اور فیصلہ کیا گیا کہ ٹریک وزارت ریلوے فراہم کرے گی جبکہ ٹرین سروس کا انتظام سی ڈی اے سنبھالے گی۔
اجلاس میں یہ بھی طے پایا کہ آئندہ ہفتے منصوبے کے فریم ورک معاہدے کو حتمی شکل دے کر اس پر دستخط کیے جائیں گے ، منصوبے کے لیے جدید ٹرین درآمد کرنے پر بھی اتفاق کیا گیا ہے۔
چیئرمین سی ڈی اے حنیف عباسی نے کہا کہ یہ منصوبہ شہریوں کو تیز، آسان اور معیاری سفری سہولت فراہم کرے گا۔
محسن نقوی کا کہنا تھا کہ وزیراعظم شہباز شریف کا یہ ویژن عوام کو سہولت دینا ہے اور اس منصوبے سے ہزاروں شہری مستفید ہوں گے۔
طلال چوہدری نے کہا کہ ٹرین سروس کم خرچ اور تیز رفتار سفری سہولت فراہم کرنے کے ساتھ ساتھ سڑکوں پر ٹریفک کا دباؤ بھی کم کرے گی۔
Post Views: 6
باغ میں ڈیجیٹل انقلاب، نوجوانوں کی خودکفالت میں سافٹ ویئر ہاؤس کا اہم کردار