اسلام آباد: ’آسان خدمت سینٹر‘ 90 دن میں افتتاح کا ہدف، کیا سہولیات دی جائیں گی؟
اشاعت کی تاریخ: 12th, September 2025 GMT
وفاقی وزیر اقتصادی امور احد چیمہ کی زیر صدارت ’آسان خدمت سینٹر‘ کے قیام کے حوالے سے اہم اجلاس منعقد ہوا۔ وزیراعظم کی ہدایات کے مطابق آذربائیجان کے ماڈل پر اسلام آباد میں پہلا ’آسان خدمت سینٹر‘ قائم کرنے کا فیصلہ کیا گیا۔
احد چیمہ نے اجلاس میں بتایا کہ کوشش ہوگی کہ اس سینٹر کا باقاعدہ افتتاح 90 روز کے اندر کیا جائے۔ اس موقع پر وزارت آئی ٹی، کیپیٹل ڈیولپمنٹ اتھارٹی (سی ڈی اے) سمیت دیگر متعلقہ اداروں نے تفصیلی بریفنگ پیش کی۔
انہوں نے کہا کہ ’آسان خدمت سینٹر‘ کے ذریعے شہریوں کو 100 سے زائد سروسز فراہم کی جائیں گی اور اس میں ایف بی آر، سی ڈی اے، اسلام آباد پولیس سمیت 10 سے زائد ڈیپارٹمنٹس شامل ہوں گے۔
مزید پڑھیں: اسلام آباد میں ’آسان خدمت مرکز‘ قائم کرنے کا فیصلہ، پاکستان اور آذربائیجان میں معاہدہ طے
وفاقی وزیر نے حکام کو ہدایت کی کہ وزارت خارجہ کی سروسز بھی اس سینٹر میں شامل کی جائیں تاکہ شہریوں کو تمام خدمات ایک ہی جگہ پر میسر ہوں۔
احد چیمہ نے مزید کہا کہ آذربائیجان کی حکومت اس منصوبے میں مکمل تکنیکی معاونت فراہم کرے گی اور اسلام آباد میں پی ڈبلیو ڈی کی بلڈنگ میں اس سنٹر کو قائم کرنے کی تجویز زیر غور ہے۔
انہوں نے تمام متعلقہ محکموں کو ہدایت دی کہ آئندہ ہفتے تک حتمی تجاویز پیش کریں تاکہ منصوبے پر جلد از جلد کام شروع کیا جا سکے۔
وفاقی وزیر نے زور دیا کہ وزیراعظم کی واضح ہدایات ہیں کہ اس منصوبے میں کسی بھی صورت تاخیر نہ کی جائے، شہریوں کو بروقت اور معیاری خدمات فراہم کرنے کے لیے تمام محکمے فوری اقدامات کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’آسان خدمت سینٹر‘ آذربائیجان احد چیمہ وفاقی وزیر اقتصادی امور.
ذریعہ
ذریعہ: WE News
کلیدی لفظ: احد چیمہ وفاقی وزیر اقتصادی امور وفاقی وزیر اسلام آباد احد چیمہ
پڑھیں:
ایرانی وزیر داخلہ سکندر مومنی کی لاہور آمد: وفاقی وزیر داخلہ اور گورنرپنجاب کے ہمراہ مزار اقبال اور دربار بی بی پاکدامن حاضری
سٹی 42: ایرانی وزیر داخلہ سکندر مومنی لاہور پہنچ گئے ۔ وفاقی وزیر داخلہ محسن نقوی نے ایرانی ہم منصب کا استقبال کیا۔
گورنرپنجاب سردار سلیم حیدر خان ودیگرایئرپورٹ پر موجود تھے۔ایرانی وزیر داخلہ نے مزاراقبال اور دربار بی بی پاکدامن پر حاضری دی ۔
وزیر داخلہ محسن نقوی اور گورنر پنجاب سلیم حیدر خان بھی ہمراہ تھے۔
ایرانی وزیر داخلہ نے مزار اقبال پر پھول رکھے ،امن و استحکام کیلئے دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
پاکستان نے ورلڈ کپ 2028 کیلیے براہ راست کوالیفائی کر لیا