وزیراعظم شہباز شریف کا ایک بار پھر قطر کا دورہ طے
اشاعت کی تاریخ: 13th, September 2025 GMT
وزیراعظم پاکستان شہباز شریف ایک بار پھر قطر کا دورہ کریں گے، جہاں وہ 15 ستمبر کو دوحہ میں منعقد ہونے والے عرب اسلامک سربراہی اجلاس میں پاکستان کی نمائندگی کریں گے۔
ترجمان دفتر خارجہ شفقت علی خان کے مطابق وزیراعظم کو اجلاس میں شرکت کی باضابطہ دعوت دی گئی ہے۔
یہ بھی پڑھیں: اسرائیلی حملے کے بعد قطر اتوار کو اسلامی سربراہی اجلاس کی میزبانی کے لیے تیار، وزیراعظم شہباز شریف کی شرکت بھی یقینی
انہوں نے بتایا کہ یہ اجلاس غزہ پر اسرائیلی فضائی حملوں اور فلسطین کی بگڑتی ہوئی صورتحال کے پس منظر میں بلایا گیا ہے۔ اجلاس میں اسرائیل کی جانب سے غزہ پر قبضے کی کوششیں مرکزی ایجنڈے کا حصہ ہوں گی۔
دفتر خارجہ کے ترجمان نے مزید کہا کہ اجلاس میں اسرائیل کی مغربی کنارے میں توسیع پسندانہ سرگرمیوں اور فلسطینی عوام کی جبری بے دخلی جیسے اہم معاملات بھی زیر بحث آئیں گے۔
اس ہنگامی اجلاس میں اسلامی تعاون تنظیم (او آئی سی) کے رکن ممالک کے سربراہان، وزرائے خارجہ اور اعلیٰ حکام شریک ہوں گے۔
یاد رہے کہ وزیراعظم شہباز شریف اس سے قبل بھی 11 ستمبر کو ایک روزہ دورے پر قطر گئے تھے، جہاں انہوں نے اسرائیلی حملے کے خلاف اظہارِ یکجہتی کے طور پر امیر قطر شیخ تمیم بن حمد الثانی سے ملاقات کی تھی۔
اس موقع پر وزیراعظم نے 9 ستمبر کو دوحہ پر ہونے والے اسرائیلی فضائی حملے کی شدید مذمت کرتے ہوئے اسے قطر کی خودمختاری اور علاقائی سالمیت کی کھلی خلاف ورزی قرار دیا تھا۔
یہ بھی پڑھیں: قطر پر حملے کے بعد صدر ٹرمپ نے اسرائیلی وزیراعظم سے کیا جاننا چاہا؟
امیر قطر نے وزیراعظم شہباز شریف کی یکجہتی پر شکریہ ادا کیا تھا اور دونوں رہنماؤں نے فلسطینی عوام کے جائز حقوق کی حمایت، علاقائی امن و استحکام کے فروغ اور بین الاقوامی قوانین کی پاسداری کے عزم کا اعادہ کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews دورہ قطر شہباز شریف عرب اسلامک سربراہی اجلاس وزیراعظم پاکستان وی نیوز.ذریعہ: WE News
کلیدی لفظ: شہباز شریف عرب اسلامک سربراہی اجلاس وزیراعظم پاکستان وی نیوز وزیراعظم شہباز شریف اجلاس میں
پڑھیں:
وزیراعظم شہباز شریف نے بلوچستان کی طالبا کو اپنی نشست پر بیٹھا دیا
وزیراعظم شہباز شریف نے اسلام آباد میں ہونے والی پرائم منسٹر یوتھ لیپ ٹاپ اسکیم کی افتتاحی تقریب میں بلوچستان کی طالبا کو اپنی نشست پر بیٹھا دیا۔
اسلام آباد میں ہونے والی تقریب میں بلوچستان کے ضلع نوشکی سے تعلق رکھنے والی میڈیکل کی طالبا بی بی درجان نے شرکت کی اور انہوں نے اپنے صوبے کی بھرپور نمائندگی کی۔
بی بی درجان نے بتایا کہ انہیں 2023 میں اُس وقت لیپ ٹاپ ملا جب اُن کا بولان میڈیکل یونیورسٹی میں فزیو تھراپی کی تعلیم کیلیے داخلہ لیا۔
بی بی درجان نے کہا کہ یوتھ لیپ اسکیم سے مجھے 2023 میں لیپ ٹاپ ملا جس کی مدد سے مجھے تعلیمی میدان میں بہت زیادہ مدد ملی، وزیراعظم نے اس بات کو ثابت کردیا کہ صرف تعلیم نہیں بلکہ سازو سامان میسر ہو تو بلوچستان کی بچیاں ہر جگہ نام روشن کرسکتی ہیں۔
بلوچستان کی بی بی درجان نے وزیراعظم کا شکریہ ادا کرتے ہوئے کہا کہ آج مجھے جب وزیراعظم کی نشست کے قریب جگہ ملی تو میں خود حیران رہ گئی کہ بلوچستان کی بیٹی وزیراعظم کے قریب بیٹھی ہے۔
اس موقع پر وزیراعظم اور حال میں موجود شرکا نے کھڑے ہوکر بی بی درجان کیلیے تالیاں بجائیں جبکہ وہ اسٹیج سے واپس آئیں تو وزیراعظم نے انہیں شاباش دیتے ہوئے اپنی نشست پر بیٹھا دیا۔
وزیراعظم کی جانب سے محبت اور شفقت ملنے پر بی بی درجان فرط جذبات پر قابو نہیں رکھ سکیں۔
وزیراعلیٰ سندھ نے کراچی میں ٹریفک خلاف ورزیوں پر ای چالان سسٹم کا افتتاح کردیا