لندن میں امیگریشن پالیسیوں کے خلاف 1 لاکھ سے زائد افراد کا مظاہرہ، ایلون مسک کا خطاب
اشاعت کی تاریخ: 14th, September 2025 GMT
برطانیہ کی امیگریشن پالیسیوں کے خلاف لندن کے وسطی علاقے میں ‘یونائیٹ دی کنگڈم’ کے عنوان سے بڑے پیمانے پر احتجاجی مارچ کیا گیا جس میں ایک لاکھ سے زائد افراد شریک ہوئے۔
یہ مظاہرہ ٹامی رابنسن کی جانب سے منظم کیا گیا جس میں ارب پتی امریکی صنعت کار ایلون مسک نے بھی ویڈیو خطاب کیا۔
یہ بھی پڑھیے: امریکی امیگریشن: درخواست گزاروں کی سوشل میڈیا سرگرمیوں کی سخت جانچ ہوگی، ٹرمپ انتظامیہ
ایلون مسک نے برطانوی حکومت پر تنقید کرتے ہوئے کہا کہ وہ معصوم لوگوں، بالخصوص بچوں کو گینگ ریپ سے نہیں بچا پا رہی۔ ان کا کہنا تھا کہ یہاں ملک کے تباہ ہونے اور طرزِ زندگی کے ٹوٹنے کا حقیقی خطرہ موجود ہے۔
انہوں نے مظاہرین کو مخاطب کرتے ہوئے کہا کہ چاہے آپ لڑائی کا انتخاب کریں یا نہ کریں، تشدد آپ کے پاس آ رہا ہے، یا تو آپ مزاحمت کریں یا پھر مر جائیں۔
پولیس کے مطابق تقریباً ایک لاکھ 10 ہزار افراد واٹرلو برج سے وائٹ ہال تک مارچ میں شریک ہوئے۔ اس دوران پولیس اور مظاہرین کے درمیان جھڑپیں بھی ہوئیں، جن میں 26 اہلکار زخمی ہوئے جن میں سے 4 کی حالت تشویشناک ہے۔ کم از کم 25 مظاہرین کو گرفتار کر لیا گیا۔
یہ بھی پڑھیے: امریکیوں کی اکثریت نے ٹرمپ کی امیگریشن پالیسیوں کو مسترد کر دیا
میٹروپولیٹن پولیس نے اس موقع پر ایک ہزار اہلکار تعینات کیے جبکہ قریبی علاقوں سے مزید 500 اہلکار بھی مدد کے لیے بلائے گئے۔
اسسٹنٹ کمشنر میٹ ٹوسٹ کے مطابق کئی افراد پرامن احتجاج کے لیے آئے تھے، لیکن کچھ لوگ صرف تشدد کے ارادے سے شریک ہوئے۔
دوسری طرف اس احتجاج کے خلاف ایک اور مظاہرہ ‘اسٹینڈ اپ ٹو ریسزم’ کے عنوان سے بھی منعقد ہوا، جسے ‘ویمن اگینسٹ دی فار رائٹ’ نے منظم کیا۔ اس میں تقریباً 5 ہزار افراد شریک ہوئے جنہوں نے ‘تارکین وطن کو خوش آمدید’ جیسے نعروں سے مزین پلے کارڈز اٹھا رکھے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امیگریشن برطانیہ تارکین وطن لندن مظاہرہ.
ذریعہ
ذریعہ: WE News
کلیدی لفظ: امیگریشن برطانیہ تارکین وطن لندن مظاہرہ شریک ہوئے
پڑھیں:
روس کے کیف سمیت مختلف یوکرینی شہروں پر شدید حملے، 18 افراد ہلاک، 100 سے زائد زخمی
روس(نیوز ڈیسک)روس نے منگل کی صبح یوکرین پر سیکڑوں ڈرونز اور درجنوں میزائلوں سے شدید حملے کیے جن کے نتیجے میں کم از کم 18 افراد ہلاک اور 100 سے زائد زخمی ہو گئے۔
غیر ملکی خبررساں ایجنسی کے مطابق حملے کیف اور ڈنیپرو سمیت مختلف شہروں پر کیے گئے۔ ایک ماہ سے بھی کم عرصے میں کیف پر یہ تیسرا بڑا حملہ تھا۔
یوکرینی صدر ولادیمیر زیلنسکی نےکہا کہ رات بھر ہونے والے حملوں میں روس نے 73 میزائل اور 600 سے زائد ڈرونز داغے۔ انہوں نے ایک بار پھر امریکا سے مطالبہ کیا کہ یوکرین کے کم ہوتے ذخائر کو پورا کرنے کے لیے مزید پیٹریاٹ میزائل دفاعی نظام فراہم کیے جائیں۔
حکام کے مطابق کیف ان حملوں کا مرکزی ہدف تھا، جہاں کم از کم 9 بلند و بالا عمارتوں، ایک اسکول، ایک کلینک، دفاتر اور انتظامی عمارتوں کو نقصان پہنچا۔
بجلی فراہم کرنے والی یوکرینی کمپنی کے مطابق حملے کے باعث عارضی طور پر ایک لاکھ 40 ہزار افراد بھی بجلی سے محروم ہوگئے۔
یوکرینی فضائیہ نے بتایا کہ روس نے مجموعی طور پر 656 ڈرونز اور 73 میزائل فائر کیے جن میں 33 بیلسٹک میزائل اور 8 زرکون ہائپرسونک میزائل شامل تھے، جو اس جنگ کے دوران اس نوعیت کے میزائلوں کا ممکنہ طور پر سب سے بڑا استعمال ہے۔
روس کے مطابق زرکون میزائل کی رینج 1000 کلومیٹر ہے اور یہ آواز کی رفتار سے 9 گنا زیادہ تیزی سے سفر کرتا ہے۔
یوکرینی فضائیہ کے مطابق 40 میزائلوں اور 602 ڈرونز کو مار گرایا یا ناکارہ بنا دیا گیا تاہم گرائے گئے میزائلوں میں زرکون میزائلوں کا ذکر نہیں کیا گیا۔
مزید پڑھیں۔رواں ماہ بجلی صارفین کو کتنا ریلیف ملے گا؟ پاور ڈویژن نے بتا دیا
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ