کراچی میں خوفناک ٹریفک حادثہ : خاتون سمیت 3 افراد جاں بحق
اشاعت کی تاریخ: 14th, September 2025 GMT
کراچی (نیوز ڈیسک) سپر ہائی وے گڈاپ کے قریب خوفناک ٹریفک حادثہ پیش آیا ہے جس کے نتیجے میں دو موٹر سائیکلوں پر سوار خاتون سمیت تین افراد جاں بحق ہوگئے۔
ریسکیو حکام کے مطابق حادثہ گڈاپ چھوٹا گیٹ کے قریب پیش آیا جہاں 2 تیز رفتار موٹرسائیکلیں آپس میں ٹکرا گئیں، حادثے میں 3 افراد جاں بحق، ہوگئے جن میں ایک خاتون بھی شامل ہے، تینوں لاشیں اسپتال منتقل کردی گئیں۔
اے آر وائی نیوز کراچی کے نمائندے عدنان راجپوت کی رپورٹ کے مطابق پولیس حکام کا کہنا ہے کہ جاں بحق ہونے والے 2 افراد کی شناخت 17سالہ عبدالسلام اور 16 سالہ کے امیر کے نام سے ہوئی ہے جبکہ جاں بحق خاتون کی شناخت تاحال نہیں ہوسکی۔
جاں بحق ہونے والے متوفی عبدالسلام کے والد نے بتایا کہ میرا بیٹا عبدالسلام اور امیر آپس کزن ہیں، یہ دونوں موٹرسائیکل پر پٹرول لینے جارہے تھے۔
انہوں نے بتایا کہ دونوں جاں بحق افراد پیشے کے لحاظ سے چوکیدار ہیں، بیٹے عبدالسلام کی چند ماہ بعد شادی ہونے والی تھی، ہم عبدالسلام کی شادی کی تیاری میں مصروف تھے کہ اچانک آج یہ افسوس ناک واقعہ پیش آیا۔
فائرنگ سے ایک شخص جاں بحق :
دوسری جانب کراچی کے علاقے شاہ لطیف ٹاؤن سیکٹر20 میں فائرنگ سے ایک شخص جاں بحق ہوگیا واقعہ گھر کے اندر پیش آیا۔
ایس ایس پی ملیر عبد الخالق پیرزادہ کے مطابق مقتول کی شناخت محمد وسیم کے نام سے ہوئی ہے، مقتول وسیم کو اس کے دوست عامر نے فائرنگ کرکے قتل کیا اور فرار ہوگیا۔
پولیس کا کہنا ہے کہ مقتول اور قاتل ایک ساتھ کرائے کے گھر میں رہتے تھے، قتل کی واردات سے متعلق تحقیقات کا آغاز کردیا گیا ہے، ملزم کو جلد گرفتار کرلیا جائے گا۔
Post Views: 6.ذریعہ: Daily Mumtaz
کلیدی لفظ: پیش آیا
پڑھیں:
کراچی، پولیس مقابلوں میں4 زخمیوں سمیت 7 ڈاکو گرفتار، 2 فرار
کراچی:شہر قائد میں پولیس کی کارروائیوں کے دوران متعدد مبینہ پولیس مقابلوں میں 4 زخمیوں سمیت 7 ڈاکوؤں کو گرفتار کر لیا گیا۔
شاہ لطیف پولیس نے بروہی چوک کے قریب ایک ڈاکو کو زخمی حالت میں گرفتار کر لیا، جس کی شناخت سونو کے نام سے ہوئی۔
اس کے ساتھی فرار ہو گئے، گرفتار ملزم سے ایک پستول، موبائل فون، نقد رقم اور ایک موٹر سائیکل برآمد ہوئی۔
الفلاح پولیس نے ملیر کالا پل کے قریب ایک مبینہ مقابلے میں دو ڈاکوؤں کو گرفتار کیا، جن میں سے ایک زخمی حالت میں تھا۔
زخمی ملزم خالد اور دوسرے ملزم امیر علی کی شناخت کی گئی، ان کے قبضے سے ایک پستول، موبائل فونز، نقدی اور ایک موٹر سائیکل برآمد ہوئے۔
جمشید کوارٹرز کے علاقے جہانگیر روڈ پر ہونے والے مبینہ پولیس مقابلے میں ایک ڈاکو بہادر زخمی حالت میں گرفتار جبکہ اس کا ساتھی شعیب بھی گرفتار کر لیا گیا۔ ان کے قبضے سے پستول اور موٹر سائیکل برآمد ہوئی۔
کورنگی غریب نواز چوکی کے قریب ایک اور پولیس مقابلے میں دو ملزمان زخمی حالت میں گرفتار ہوئے، جبکہ ایک ملزم فرار ہو گیا۔ ان کے قبضے سے اسلحہ برآمد کیا گیا۔
وزیراعلیٰ سندھ نے کراچی میں ٹریفک خلاف ورزیوں پر ای چالان سسٹم کا افتتاح کردیا