حماس کی شکست تک غزہ کو تباہ کرتے رہیں گے، اسرائیل
اشاعت کی تاریخ: 14th, September 2025 GMT
اسرائیل کے وزیر دفاع نے کہا ہے کہ حماس کی شکست اور یرغمالیوں کی رہائی تک غزہ کو تباہ کرتے رہیں گے۔
غزہ پر اسرائیلی فوج کے حملے تیز تر ہو گئے ہیں، اور بڑی تعداد میں شہری نقل مکانی پر مجبور ہیں، ایسے میں اسرائیلی وزیر دفاع یسرائیل کاٹز نے کہا ہے کہ طوفان غزہ پر مسلسل حملہ کر رہا ہے، اسرائیل غزہ کے انفراسٹرکچر کو تباہ کرتا رہے گا جب تک حماس کو شکست نہ ہو جائے اور تمام یرغمالیوں کو رہا نہ کر دیا جائے۔
کاٹز نے سوشل میڈیا پلیٹ فارم ایکس پر ایک پوسٹ میں لکھا کہ طوفان غزہ پر مسلسل حملہ کر رہا ہے، النور ٹاور گر گیا ہے اور غزہ کے باشندوں کو جنوب کی طرف جانے پر مجبور کیا جا رہا ہے۔
انھوں نے مزید کہا کہ اسرائیل انفراسٹرکچر کو اس وقت تک تباہ کرتا رہے گا جب تک کہ حماس کو شکست نہ ہو جائے اور تمام یرغمالیوں کو رہا نہ کر دیا جائے۔
ادھر اقوام متحدہ کی فلسطینی پناہ گزینوں کی ایجنسی (انروا) نے ہفتے کے روز خبردار کیا ہے کہ اسرائیل غزہ اور شمالی غزہ کی جنوبی شہروں میں پورے کے پورے محلوں کو خالی کروا رہا ہے۔ انروا نے بتایا کہ غزہ شہر کے 86 فی صد سے زیادہ حصے کو یا تو خالی کرانے کے احکامات جاری ہیں، یا وہ اسرائیلی فوجی زون میں تبدیل ہو چکے ہیں، اور شہریوں کے لیے کہیں بھی محفوظ پناہ گاہ نہیں بچی۔
فلسطینی میڈیا سینٹر نے ہفتے کے روز بتایا کہ اسرائیلی طیاروں نے غزہ سٹی کے جنوب مغرب میں تل الھوا محلے میں واقع وزارت تعلیم کے قریب النور رہائشی ٹاور کو بی تباہ کر دیا ہے جس پر پہلے بھی حملہ کیا گیا تھا۔ یہ حملہ اسرائیلی فوج کی جانب سے ٹاور کو فوری طور پر خالی کرنے کی کال کے بعد کیا گیا تھا۔
ہفتے کے روز اسرائیلی فوج نے غزہ شہر کے رہائشیوں سے ایک بار پھر کہا کہ وہ شہر چھوڑ کر جنوب کی طرف چلے جائیں، شہر پر قبضے کے لیے فوجی تیاریاں جاری ہیں۔
ذریعہ
ذریعہ: Daily Mumtaz
پڑھیں:
دکانیں، بازار، شاپنگ مالز رات 9، ریسٹورنٹ 11 بجے تک کھلیں گے
اسلام آباد (نوائے وقت رپورٹ) نائب وزیراعظم اسحاق ڈار کی زیر صدارت کفایت شعاری کمیٹی کا اجلاس ہوا۔ بازار اور دکانیں بند کرنے کے اوقات کار تبدیل کر دیئے گئے۔ دکانوں اور کاروباری مراکز کے بند ہونے کے اوقات میں توسیع کافیصلہ کیا گیا ہے۔ دکانیں، بازار اور شاپنگ مالز رات 9بجے تک کھلے رہیں گے۔ ریسٹورنٹس رات 11 بجے تک کھلے رہیں گے۔ ٹیک اوے اور ڈلیوری سروسز ان اوقات کار سے مستثنیٰ ہوں گے۔ شادی ہالز رات 10بجے تک کھلے رہیں گے۔ فارمیسی‘ ہسپتال‘ پٹرول پمپس اوقات کار سے مستثنیٰ ہوں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ