الخدمت کا خواتین رضاکاروں کیلیے تجہیز و تکفین کی تربیت کا اہتمام
اشاعت کی تاریخ: 20th, September 2025 GMT
data-id="863a0a8" data-element_type="widget" data-widget_type="theme-post-content.default">
250920-08-12
کراچی (اسٹاف رپورٹر) الخدمت کراچی ویمن ونگ کے زیر اہتمام خواتین رضاکاروں کے لیے تجہیز و تکفین (جنازے کی تیاری) کی عملی تربیتی نشست کا اہتمام کیا گیا، جس میں خواتین کی میت کو غسل دینے، کفن پہنانے اور دیگر اہم امور کی تفصیلی اور عملی تربیت فراہم کی گئی۔تربیتی پروگرام معروف حج ٹرینر، معلمہ اور قرآن انسٹیٹیوٹ کی استاد نے تجہیز وتکفین کے حوالے سے مکمل تربیت دی ۔ انہوں نے میت کو غسل دینے کا مکمل طریقہ کار اودیگر مراحل سے متعلق وضاحت سے بیان کیا اورعملی مشق بھی کرائی۔اس موقع پر الخدمت کی رضاکار خواتین نے نہ صرف سوالات پوچھے بلکہ خود بھی عملی مشق میں حصہ لے کر اس تربیت سے بھرپور استفادہ کیا۔تقریب کے اختتام پر الخدمت فاؤنڈیشن پاکستان ویمن ونگ کی بانی محترمہ طلعت ظہیر اورالخدمت کراچی ویمن ونگ کی صدر محترمہ منور اخلاص نے شرکا میں اسناد تقسیم کیں اور ان کی تربیت مکمل ہونے پر مبارکباد پیش کی۔اس موقع پر طلعت ظہیر نے کہا کہ الخدمت خواتین کی جانب سے رضاکار خواتین کو تجہیز و تکفین (جنازے کی تیاری) کی عملی تربیت دی گئی ہے جس کا مقصد خواتین کو مذہبی، سماجی اور انسانی خدمت کے میدان میں بااختیار بنانا ہے تاکہ وہ بو قت ضرورت اپنی کمیونٹی کی بہتر خدمت کر سکیں۔
الخدمت کراچی ویمن ونگ کے تحت خواتین رضاکاروں کے لیے تجہیز و تکفین (جنازے کی تیاری) کی عملی تربیتی نشست سے الخدمت فائونڈیشن ویمن ونگ پاکستان کی صدر طلعت ظہیر خطاب کررہی ہیں، دوسری جانب تربیتی نشست کی تکمیل پر خواتین کو اسناد دی جارہی ہیں
.ذریعہ: Jasarat News
کلیدی لفظ: تجہیز و تکفین عملی تربیت ویمن ونگ
پڑھیں:
خواتین اپنی بچیوں کو سرویکل کینسر سے بچاؤ کی ویکسین لگاوائیں، میں بیٹی کو بھی لگواؤں گا، میئر کراچی
میئر کراچی بیرسٹر مرتضٰی وہاب نے خواتین سے سرویکل کینسر سے بچاؤ کی ایچ پی وی ویکسین لگوانے کی اپیل کردی۔
کراچی میں جاری مہم کے تحت کراچی میں 9 سے 14 سال کی عمر کی لڑکیوں کو سندھ حکومت کی جانب سے سرویکل کینسر سے بچاؤ کی مفت ویکسین لگائی جارہی ہے اور یہ مہم زور و شور سے جاری ہے۔
میئر کراچی نے اپنے ویڈیو پیغام میں کہا کہ پاکستان میں ہر روز 14 خواتین سرویکل کینسر کا شکار ہو رہی ہیں، ستر فیصد سرویکل کینسر متاثرہ خواتین کے لیے جان لیوا ثابت ہوتا ہے۔
انہوں نے کہا کہ تحقیق کے بعد خواتین کو جان لیوا بیماری سے بچانے کے لئے ایچ پی وی ویکسین تیار کی گئی ہے، جو امریکا،سعودی عرب ، یورپ کے ساتھ ساتھ 149 ممالک میں خواتین کیلیے استعمال کی جارہی ہے۔
انہوں نے کہا کہ حکومت نے اپنی بیٹیوں اور بچیوں کو سرویکل کینسر سے بچانے کے لیے 15 سے 27 ستمبر تک ایچ پی وی ویکسینیشن مہم کا آغاز کر دیا ہے ، شہر میں مختلف مراکز اور اسکولوں میں ہیلتھ ورکرز بلا کسی معاوضہ یہ ویکسین لگا رہے ہیں۔
مرتضیٰ وہاب نے کہا کہ سرویکل کینسر سے بچاؤ کے لئے مفروضوں کو مسترد کریں اور ہیلتھ ورکرز کی رائے کا بغور جائزہ لیں، کینسر جیسی بیماری سے ماؤں ، بہنوں اور بیٹیوں کو بچانے کے لئے ایچ پی وی ویکسین ضرور لگوائیں۔
انہوں نے کہا کہ بطور زمہ دار باپ میں بھی اپنی بیٹی کو یہ ویکسین ضرور لگواؤں گا۔
ایشیا کپ: پاک بھارت میچ کے ٹکٹس کی قیمت میں حیران کن حد تک کمی