ہم شرپسند نہیں، حق مانگنے والے ہیں، آغا سید علی رضوی
اشاعت کی تاریخ: 20th, September 2025 GMT
مین اسٹریم میڈیا کے ذریعے سوست بارڈر پر دھرنے میں بیٹھے تاجروں کو شرپسند کہنے پر مجلس وحدت مسلمین گلگت بلتستان کے صوبائی صدر آغا سید علی رضوی نے اظہار مذمت کیا ہے۔ اسلام ٹائمز۔ مین اسٹریم میڈیا کے ذریعے سوست بارڈر پر دھرنے میں بیٹھے تاجروں کو شرپسند کہنے پر مجلس وحدت مسلمین گلگت بلتستان کے صوبائی صدر آغا سید علی رضوی نے اظہار مذمت کیا ہے۔ ان کا کہنا تھا کہ ہمیں شرپسند کہنے والے خود بڑے شرپسند ہیں، یہ اپنی شرپسندی کے ذریعے علاقے میں بڑے پیمانے پر آگ لگانے کے ایجنڈے پر کار بند ہیں۔ تاجر شرپسند ہیں تو یہاں کے علماء، وکلا، سیاسی زعماء، صحافی سمیت زندگی کے ہر شعبے سے تعلق رکھنے والے افراد شرپسند ہیں کیونکہ ہم سب حقوق مانگ رہے ہیں۔ انہوں نے کہا کہ حقوق مانگنا شرپسندی ہے تو یہ شرپسندی کبھی نہیں چھوڑیں گے۔ نیشنل میڈیا کے ذمہ داران بتائیں کہ انہیں ہمیں شرپسند کہنے کی ہدایات کہاں سے ملیں؟ نیشنل میڈیا پر جو کچھ ہمارے بارے میں کہا جارہا ہے وہ صحافتی زبان میں خبر نہیں افواہ ہے، ہم ایسے بکواسات کو خبر نہیں کہہ سکتے کیونکہ خبر میں سچائی ہوتی ہے۔ گلگت بلتستان کے عوام شرپسند نہیں بہادر اور نڈر ہیں ہم حقوق لینے کا ہنر جانتے ہیں۔
.ذریعہ: Islam Times
کلیدی لفظ: شرپسند کہنے
پڑھیں:
ایم ڈبلیو ایم گلگت بلتستان کی 12 رکنی سیاسی کونسل کا اعلان
سیاسی کونسل گلگت بلتستان کی سیاسی صورتحال، سیاسی حکمت عملی، آئندہ انتخابات سمیت تمام سیاسی امور پر جماعت کی پالیسی کے مطابق اپنا لائحہ عمل مرتب کرے گی۔ اسلام ٹائمز۔ سیکرٹری سیاسیات و پارلیمانی لیڈر ایم ڈبلیو ایم گلگت بلتستان کاظم میثم نے بارہ رکنی سیاسی کونسل کا اعلان کر دیا۔ تفصیلات کے مطابق سیکرٹری سیاسیات کاظم میثم نے مرکزی سیکرٹری سیاسیات سید اسد عباس نقوی اور صدر ایم ڈبلیو ایم جی بی آغا علی رضوی سے مشاورت کے بعد بارہ رکنی پولیٹیکل کونسل کو نامزد کر دیا۔ پولیٹیکل کونسل میں شیخ احمد علی نوری، شیخ اکبر علی رجائی، محمد الیاس صدیقی، سعید الحسنین، غلام عباس، ڈاکٹرمشتاق حکیمی، حاجی نجف شگری، کاچو اختر علی خان، مطہر عباس، حاجی رضوان، عقیل احمد ایڈوکیٹ اور ابراہیم آزاد شامل ہیں۔ سیاسی کونسل گلگت بلتستان کی سیاسی صورتحال، سیاسی حکمت عملی، آئندہ انتخابات سمیت تمام سیاسی امور پر جماعت کی پالیسی کے مطابق اپنا لائحہ عمل مرتب کرے گی۔ یہ کونسل صوبائی کابینہ کے سامنے جوابدہ ہو گی اور جماعت کی گائیڈ لائن، بنیادی سیاسی اصول اور چیلنجز کے مطابق اپنا فیصلہ کرے گی۔ سیاسی کونسل جماعت کی سیاسی فعالیت کی نگرانی کے ساتھ ساتھ کارکردگی کی بھی ذمہ دار ہو گی۔
ملک بھر میں انٹرنیٹ سروسز کیوں متاثر ہیں؟