انٹرنیشنل اٹامک انرجی ایجنسی کا پاکستان کے جوہری پروگرام پر اظہار اطمینان
اشاعت کی تاریخ: 20th, September 2025 GMT
انٹرنیشنل اٹامک انرجی ایجنسی نے پُرامن جوہری پروگرام میں پاکستان کے مثبت کردار کی تعریف و توثیق کی ہے۔
ایکسپریس نیوز کے مطابق ویانا میں 69 ویں جنرل کانفرنس کے موقع پر انٹرنیشنل اٹامک انرجی ایجنسی (آئی اے ای اے) کے ڈی جی کی چیئرمین پی اے ای سی سے ملاقات کی۔
ایکس پر اپنے پیغام میں ڈی جی پی اے سی نے کہا کہ عالمی ایجنسی نے پاکستان کی سول نیوکلیئر انرجی کی صلاحیت میں اضافہ کی تعریف کی۔ پاکستان کا نیوکلیئر پاور پروگرام اچھی رفتار سے آگے بڑھ رہا ہے۔
ڈی جی آئی اے ای اے نے کہا کہ چشمہ نیوکلیئر پاور پلانٹ سی۔5 پاکستان کی صاف اور پائیدار ایٹمی بجلی کے ضمن میں اہم سنگِ میل ہے، پاکستان کے جوہری پاور پلانٹس اعلی ترین حفاظتی معیارات کے تحت چلائے جا رہے ہیں۔
چیئرمین پی اے ای سی ڈاکٹر راجہ علی رضا انور نے نے کہا کہ ہماری سرگرمیاں آئی اے ای اے کے وژن سے ہم آہنگ ہیں، پاکستان آئی اے ای اے اور رکن ممالک کے ساتھ مل کر پُرامن جوہری تعاون، پائیدار ترقی اور خطے کی بہتری کیلیے کام جاری رکھے گا۔
.ذریعہ: Express News
کلیدی لفظ: آئی اے ای اے
پڑھیں:
پاکستان ویمن فٹبال ٹیم پہلی بار انٹرنیشنل میدان میں اُترنے کو تیار
data-id="863a0a8" data-element_type="widget" data-widget_type="theme-post-content.default">
پاکستان ویمن فٹبال کے لیے یہ ایک تاریخی موقع ہے کیونکہ پہلی مرتبہ کسی پاکستانی کلب ٹیم کو بین الاقوامی سطح پر کھیلنے کا موقع ملا ہے۔
کراچی سٹی ایف سی، جو پاکستان کی موجودہ نیشنل ویمن چیمپئن ٹیم ہے، اب ساف ویمن کلب چیمپئن شپ میں اپنی صلاحیتوں کا لوہا منوائے گی۔ اس شمولیت کو نہ صرف خواتین کے کھیلوں میں ترقی سمجھا جارہا ہے بلکہ پاکستان کے کھیلوں کے عالمی منظرنامے میں بھی ایک مثبت پیش رفت ہے۔
یہ ٹورنامنٹ 5 دسمبر سے 22 دسمبر تک نیپال میں منعقد ہوگا۔ اس میں جنوبی ایشیائی ممالک کی پانچ بہترین خواتین فٹبال کلب ٹیمیں حصہ لے رہی ہیں۔ پاکستان کی نمائندگی کراچی سٹی ایف سی کرے گی، جبکہ دیگر ٹیموں میں بھارت کی ایسٹ بنگال، نیپال کی اے پی ایف فٹبال کلب، بنگلہ دیش کی نسرین اسپورٹس اکیڈمی اور بھوٹان کی ٹرانسپورٹ یونائیٹڈ شامل ہیں۔
اس ایونٹ میں پاکستان کی شمولیت ویمن فٹبالرز کے لیے ایک سنہری موقع ہے کیونکہ اس سے کھلاڑیوں کو نہ صرف عالمی معیار کے کھیل کا تجربہ ہوگا بلکہ انہیں اپنی محنت اور ٹیلنٹ دنیا کو دکھانے کا پلیٹ فارم بھی ملے گا۔ یہ مقابلے خواتین کھلاڑیوں کے اعتماد میں اضافہ کریں گے اور انہیں مزید آگے بڑھنے کی ترغیب دیں گے۔
پاکستان میں خواتین کے کھیلوں کو عموماً وسائل اور مواقع کی کمی کا سامنا رہتا ہے، لیکن اس کامیابی نے یہ ثابت کیا ہے کہ اگر سپورٹ اور محنت ساتھ ہو تو خواتین بھی کسی میدان میں پیچھے نہیں ہیں۔ کراچی سٹی ایف سی کی اس شمولیت سے پاکستان میں ویمن فٹبال کے فروغ کی نئی راہیں کھل سکتی ہیں اور یہ قدم آنے والے وقت میں مزید کامیابیوں کی بنیاد ثابت ہوسکتا ہے۔
کراچی میں نالے کہاں سے آتے ہیں اور ڈوبنے والوں کو کون بچاتا ہے؟