حماس نے 48 اسرائیلی یرغمالیوں کی ‘الوداعی تصاویر’ جاری کردیں
اشاعت کی تاریخ: 21st, September 2025 GMT
حماس کے مسلح ونگ القسام بریگیڈ نے ہفتے کے روز اپنے پاس موجود 48 اسرائیلی یرغمالیوں کی ‘الوداعی تصاویر’ جاری کر دی ہیں۔ یہ اقدام اس وقت سامنے آیا ہے جب اسرائیلی فوج نے غزہ کے سب سے بڑے شہری مرکز پر بھرپور حملے اور قبضے کی کارروائی شروع کر دی ہے۔
القسام بریگیڈ کی جانب سے آن لائن شائع کی گئی اس مشترکہ تصویر میں تمام زندہ اور ہلاک قیدیوں کے چہرے دکھائے گئے ہیں۔
یہ بھی پڑھیے: اسرائیل حماس جنگ: امریکی عوام کا اسرائیل سے فاصلہ، فلسطینی ریاست کی حمایت بڑھنے لگی
حماس کا کہنا ہے کہ اسرائیلی بمباری اور زمینی کارروائی سے قیدیوں کی زندگیاں شدید خطرے میں ہیں اور متعدد قیدی پہلے ہی اسرائیلی حملوں میں مارے جا چکے ہیں۔ گروپ کے مطابق قیدی غزہ سٹی کے مختلف محلوں میں بکھرے ہوئے ہیں۔
حماس کی جانب سے جاری بیان میں کہا گیا، ’نتن یاہو کے انکار اور زمیر کی پسپائی کی وجہ سے، غزہ سٹی میں فوجی کارروائی کے آغاز پر یہ الوداعی تصویر جاری کی گئی۔‘ اس بیان کا مقصد اسرائیلی وزیرِاعظم بن یامین نتن یاہو کی جانب سے جنگ بندی اور قیدیوں کی رہائی کے کسی بھی معاہدے کو مسترد کرنے اور اسرائیلی فوجی سربراہ ایال زمیر کی قیادت میں جاری وسیع حملوں کی نشاندہی کرنا تھا۔
اسرائیلی حکام کے مطابق اب بھی تقریباً 20 قیدی زندہ حالت میں غزہ میں موجود ہیں جب کہ امریکی صدر ڈونلڈ ٹرمپ نے دعویٰ کیا ہے کہ یہ تعداد 20 سے بھی کم ہو سکتی ہے۔ نیتن یاہو اور ٹرمپ دونوں نے اعلان کیا ہے کہ وہ تمام زندہ اور مردہ قیدیوں کو واپس لائیں گے اور حماس کو تباہ کریں گے۔
یہ بھی پڑھیے: امریکا نے غزہ جنگ بندی قرارداد ویٹو کر دی، پاکستان اور حماس کا شدید ردعمل
حماس کی جانب سے یہ دھمکی اس وقت سامنے آئی جب ہفتے کی شب تل ابیب اور دیگر شہروں میں لاکھوں اسرائیلی شہری ایک بار پھر سڑکوں پر نکلنے کی تیاری کر رہے تھے تاکہ حکومت کے خلاف احتجاج کر سکیں اور فوری معاہدے کے ذریعے تمام قیدیوں کی رہائی اور جنگ کے خاتمے کا مطالبہ کر سکیں۔
فلسطینی وزارتِ صحت کے مطابق اکتوبر 2023 سے اب تک اسرائیلی حملوں میں کم از کم 65 ہزار 208 فلسطینی جاں بحق اور ایک لاکھ 66 ہزار 271 زخمی ہو چکے ہیں۔ 18 مارچ کو جنگ بندی ختم ہونے کے بعد سے اب تک 12 ہزار 653 افراد مارے گئے اور 54 ہزار 230 زخمی ہوئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل جنگ حماس فلسطین یرغمالی.
ذریعہ
ذریعہ: WE News
کلیدی لفظ: اسرائیل فلسطین یرغمالی کی جانب سے
پڑھیں:
یو اے ای ویزا آن ارائیول کی نئی شرائط اور فیس جاری
دبئی: یو اے ای ویزا آن ارائیول سے متعلق متحدہ عرب امارات نے نئی شرائط، فیس اور درخواست کے طریقہ کار کی تفصیلات جاری کر دی ہیں۔ نئی ہدایات کے تحت مخصوص ممالک کے اہل شہری امارات پہنچنے پر 14 یا 60 روزہ ویزا حاصل کر سکیں گے، تاہم اس کے لیے مقررہ شرائط پر پورا اترنا لازمی ہوگا۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق بھارت، انڈونیشیا، ویتنام، تھائی لینڈ، فلپائن، کینیا اور جنوبی افریقہ کے شہری، اور ان کے ہمراہ سفر کرنے والے اہل خانہ، اس سہولت سے فائدہ اٹھا سکتے ہیں۔
حکام کے مطابق درخواست گزار کے پاس کم از کم چھ ماہ کے لیے کارآمد پاسپورٹ، سفید پس منظر والی حالیہ رنگین تصویر اور امریکا، برطانیہ، یورپی یونین، کینیڈا، آسٹریلیا، نیوزی لینڈ، جاپان، جنوبی کوریا یا سنگاپور کی جانب سے جاری کردہ قابل قبول رہائشی پرمٹ یا ویزا ہونا ضروری ہے۔
اعلامیے کے مطابق 14 روزہ ویزا آن ارائیول کو صرف ایک مرتبہ مزید 14 دن کے لیے توسیع دی جا سکتی ہے، جبکہ 60 روزہ ویزا میں توسیع کی سہولت دستیاب نہیں ہوگی۔
جی ڈی آر ایف اے نے بتایا کہ ویزا کے لیے درخواست اس کی سرکاری ویب سائٹ یا اسمارٹ ایپ کے ذریعے جمع کرائی جا سکتی ہے۔ درخواست کی منظوری کے بعد ویزا رجسٹرڈ ای میل پر ارسال کیا جائے گا، جبکہ عام طور پر درخواستوں پر 48 گھنٹوں کے اندر کارروائی مکمل کر لی جاتی ہے۔
فیس کے حوالے سے جاری تفصیلات کے مطابق 14 روزہ ویزا آن ارائیول کی فیس 172.50 درہم جبکہ 60 روزہ ویزا کی فیس 422.50 درہم مقرر کی گئی ہے۔
جی ڈی آر ایف اے کا کہنا ہے کہ اس سہولت کا مقصد بین الاقوامی مسافروں کے لیے سفری عمل کو مزید آسان بنانا، سیاحت کو فروغ دینا اور زیادہ سے زیادہ سیاحوں کو متحدہ عرب امارات کی جانب راغب کرنا ہے۔
ادارے کے اعداد و شمار کے مطابق سال 2026 کے پہلے چھ ماہ کے دوران اس پروگرام کے تحت 73 ہزار 551 ویزے جاری کیے جا چکے ہیں، جو اس سہولت کی بڑھتی ہوئی مقبولیت کی نشاندہی کرتے ہیں۔
اہم وضاحت: جاری کردہ شرائط میں پاکستانی پاسپورٹ ہولڈرز شامل نہیں ہیں۔ یہ سہولت صرف ان مخصوص ممالک کے شہریوں کے لیے ہے جن کا جی ڈی آر ایف اے نے اعلان کیا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار