ٹنڈوالٰہیار،مرکزی مسلم لیگ کا سیلاب متاثرین کیلیے امدادی سامان روانہ
اشاعت کی تاریخ: 22nd, September 2025 GMT
data-id="863a0a8" data-element_type="widget" data-widget_type="theme-post-content.default">
ٹنڈوالٰہیار(نمائندہ جسارت)ملک میں آنے والی حالیہ بارشوں کے سبب صوبہ پنجاب صوبہ بلوچستان اور صوبہ خیبرپختونخوا میں سیلاب آنے کے سبب متاثر ہونے والے مختلف شہروں میں سیلاب کی تباہ کاری کے سبب متاثرین کی فوری مدد کے لیے مرکزی مسلم لیگ نے امداد سر گرمیاں شروع کرتے ہوئے کروڑوں روپے کا سامان متاثرہ علاقوں مین ارسال کرچکے اس سلسلے میں مرکزی مسلم لیگ ٹنڈوالہیار کی جانب سے بھی تین راشن بیگ سمیت ادویات اور دیگر سامان ارسال کیا جارہا ہے۔ ان خیالات کا اظہار مرکزی مسلم لیگ کے ضلعی جنرل سیکرٹری محمد سلیم کشمیری اور ایم ایس ایف کے ضلعی صدر محمد رضوان کشمیری نے سیلاب متاثرین کے لیے مرکز البدر سے سامان کی تر سیل کے موقعے پر میڈیا سے گفتگو کرتے ہوئے کیا۔ انہوں نے مزید کہا کہ مرکزی مسلم لیگ نے سیلاب زدگان کی فوری اور بھرپور مدد کے لیے ہر فرد کو اپنا کردار ادا کرنے کی اشد ضرورت ہے۔ اس سلسلے میں مرکزی مسلم لیگ ٹنڈوالہیار سیلاب زدگان کے لیے 300 راشن بیگ سمیت ادویات کی فراہمی کو یقینی بناتے ہوئے آج مختلف شہروں کے لیے سامان کی تر سیل شروع کردی ہے مرکزی مسلم لیگ پنجاب سمیت کے پی کے کے سیلاب زدگان کے لیے لاکھوں راشن بیگ اور دیگر سامان کی تر سیل شروع کرچکی ہے سیلاب کی تباہ کاریوں نے عام شہریوں کی زندگیوں کو شدید متاثر کیا ہے، کئی خاندان بے گھر ہوچکے ہیں، ہزاروں افراد محفوظ مقامات پر منتقل کیے جارہے ہیں اور متعدد علاقوں میں لوگ نہ صرف بنیادی ضروریات سے محروم ہیں بلکہ ان کی جان و مال کو بھی خطرہ لاحق ہے۔ افسوسناک امر یہ ہے کہ بعض جگہوں پر انسانی جانوں کے ضیاع کی اطلاعات بھی موصول ہوئی ہیں جو کہ پوری قوم کے لیے باعثِ تشویش ہے۔ انہوں نے کہا کہ سیلاب زدگان کی بحالی صرف مالی امداد تک محدود نہیں بلکہ انہیں معیاری تعلیم، صحت کی سہولیات اور معاشی مواقع بھی فراہم کررہے ہیں تاکہ یہ لوگ خود کفیل بن سکیں اور دوبارہ کسی قدرتی آفت کا سامنا کرنے کی صلاحیت حاصل کریں تمام پاکستانیوں خصوصاً اہلِ اسلام سے اپیل کی ہے کہ وہ انسانی ہمدردی کے جذبے کو زندہ رکھتے ہوئے سیلاب زدگان کی مدد کے لیے بڑھ چڑھ کر حصہ لیں یہ ہمارے بہن بھائی ہیں جو آج مشکل میں ہیں، اور ہمیں چاہیے کہ اپنی چھوٹی بڑی استطاعت کے مطابق ان کے دکھ درد بانٹیں۔ انسانی ہمدردی اور بھائی چارے کے یہ جذبات ہی ہماری اجتماعی طاقت اور اتحاد کا اصل ذریعہ ہیں مخیر حضرات ریلیف اور بحالی کے کاموں میں تعاون کریں، متاثرین تک امداد پہنچانے کے لیے مربوط اور منظم کوششیں کررہے ہیں تاکہ ہر فرد تک بروقت اور موثر مدد پہنچ سکے۔
.
ذریعہ
ذریعہ: Jasarat News
کلیدی لفظ: مرکزی مسلم لیگ سیلاب زدگان کے لیے
پڑھیں:
کراچی کے سرکاری کالجز میں انٹرسال اول کیلیے داخلے شروع نہ ہوسکے، سوا لاکھ طلبا منتظر
محکمہ کالج ایجوکیشن سندھ واضح اعلان کے باوجود کراچی میں سرکاری کالجوں میں داخلہ شروع نہیں کرسکا ہے اور کم از کم سوا لاکھ طلبہ انٹر سال اول میں داخلوں کے منتظر ہیں۔
تفصیلات کے مطابق انٹر سال اول میں داخلہ یکم جون سے شروع ہونے تھے اس سلسلے میں 23 مئی کو قومی اخبارات میں اشتہارات جاری کیے گئے تھے جس کے مطابق تمام سرکاری کالجوں میں انٹر سال اول میں نویں جماعت کے نتائج کی بنیاد پر یکم جون سے داخلہ فارم کی رجسٹریشن شروع ہوجانی تھی جبکہ داخلہ فارم رجسٹریشن کی آخری تاریخ 15 جولائی مقرر کی گئی ہے۔
انٹر سال اول میں صرف کراچی کے سرکاری کالجوں میں سوا لاکھ کے قریب طلبہ داخلہ لیتے ہیں جن کے لیے سینٹرلائزڈ ایڈمیشن پالیسی کے تحت 6 مختلف فیکیلٹیز پری انجینئرنگ، پری میڈیکل، کمپیوٹر سائنس ، کامرس ، ہیومینیٹیز اور ہوم اکنامکس میں داخلے دیے جاتے ہیں۔
اس سلسلے میں جب میٹرک کا امتحان دینے والے داخلے کے خواہشمند طلبہ نے www.seccap.dgcs..gos.pk کے پورٹل پر داخلہ رجسٹریشن فارم تک پہنچنے کی کوشش کی تو معلوم ہوا کہ یہ پورٹل ہی بند ہے۔
ادھر "ایکسپریس" نے اس سلسلے میں ڈائریکٹر جنرل کالجز سندھ پروفیسر زاہد راجپر سے جب اس سلسلے میں رابطہ کیا تو ان کا کہنا تھا کہ تکنیکی وجوہات کی بنا پر پورٹل بند ہے ہماری ٹیکنیکل ٹیم کام کررہی ہے۔
انہوں نے کہا کہ پوری امید ہے کہ بدھ کی صبح تک پورٹل کھل جائے جس کے بعد طلبہ داخلے کے لیے اپلائی کرسکیں گے۔
ڈی جی کالجز کا یہ بھی کہنا تھا کہ اس بار ہم نے تمام سرکاری کالجوں میں "ڈیس ایبل" کوٹہ مختص کیا ہے تاکہ ایسے طلبہ اس کوٹے کی بنیاد پر اپنے قرب و جوار کے کالجوں میں بھی اپلائی کرسکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ