معروف ماہرِ تعلیم و سکالر ڈاکٹر جاوید غنی کا پی آئی ٹی بی میں Thriving in the Age of AI کے عنوان سے معلوماتی لیکچر
اشاعت کی تاریخ: 22nd, September 2025 GMT
لاہور (اُردو پوائنٹ اخبارتازہ ترین۔ 22 ستمبر2025ء) پنجاب انفارمیشن ٹیکنالوجی بورڈ کے زیرِاہتمام "Thriving in the Age of AI" کے عنوان سے معلوماتی سیشن کا انعقاد کیا گیا جس میں پرو وائس چانسلر غزالی یونیورسٹی اور سابق پروفیسر و ڈین لمز ڈاکٹر جاوید غنی نے اپنی گفتگو میں پروفیشنلزم، دانشمندی اور قیادت کے حوالے سے انڈسٹری کے تجربات اور سیرت النبی ﷺ سے رہنمائی فراہم کی۔
ارفع سافٹ ویئر ٹیکنالوجی پارک میں منعقدہ اس سیشن میں پی آئی ٹی بی چیئرمین فیصل یوسف کے ساتھ ڈائریکٹر جنرلز، ایڈیشنل ڈائریکٹر جنرلز، ڈائریکٹرز اور دیگر سینئر افسران نے بھرپور تعداد میں شرکت کی۔ شرکاء کی شمولیت نے اس عزم کو اجاگر کیا کہ ادارہ نہ صرف جدید ٹیکنالوجی کو اپنا رہا ہے بلکہ پیشہ ورانہ ترقی اور بصیرت کو بھی فروغ دے رہا ہے۔(جاری ہے)
اپنی گفتگو میں ڈاکٹر جاوید غنی کا کہنا تھا کہ آج کے مصنوعی ذہانت کے دور میں صرف تکنیکی مہارت کافی نہیں ہے بلکہ پیشہ ور افراد کو دیانتداری، ٹیم ورک، تخلیقی صلاحیت، جذباتی ذہانت اور ہمدردی جیسی خوبیوں کو بھی اپنانا ہو گا تاکہ وہ ڈیجیٹل دنیا میں کامیاب ہو سکیں۔ اس موقع پر پی آئی ٹی بی چیئرمین فیصل یوسف کا کہنا تھا کہ ٹیکنالوجی جوں جوں ترقی کر رہی ہے، ہمیں ہمدردی، تعاون اور اخلاقی قیادت جیسے اوصاف کو مزید پروان چڑھانا ہوگا تاکہ ہم اس تبدیلی کا مثبت حصہ بن سکیں۔.ذریعہ: UrduPoint
کلیدی لفظ: تلاش کیجئے
پڑھیں:
لاہور میں جرائم کو روکنے کے لیے جدید ’ڈاکنگ ڈرونز‘ کتنے کلومیٹر تک ملزمان کا تعاقب کر سکیں گے؟
پنجاب کے دارالحکومت لاہور شہر میں کوئی بھی جرم کرنے کے بعد فرار ہونا اب ایک ڈراؤنا خواب بننے جا رہا ہے۔ پنجاب سیف سٹی اتھارٹی نے جدید ٹیکنالوجی سے لیس ’ڈاکنگ ڈرونز‘ متعارف کرا دیے ہیں جو ملزمان کا فوری طور پر تعاقب کریں گے۔
یہ ڈرونز دبئی، لندن اور نیویارک جیسے شہروں میں استعمال ہونے والے جدید ماڈلز کی طرز پر کام کریں گے، لاہور میں ڈرونز کا ٹیسٹ رن آج سے شروع کردیا گیا ہے۔
مزید پڑھیں: سیف سٹی اسلام آباد شہریوں کو سی سی ٹی وی اینڈ نیٹ ورک ٹیکنیشن کورس کروائے گا
’ڈاکنگ ڈرونز‘ کو پولیس ہیلپ لائن 15 سسٹمز کے ساتھ منسلک کردیا گیا ہے۔ 15 پر کال موصول ہوتے ہی یہ ڈرونز خودکار طور پر حرکت میں آ جائیں گے اور ملزمان کی فوری گرفتاری کو یقینی بنائیں گے۔
ابتدائی طور پر 10 بڑے تھانوں کی حدود میں یہ ڈرونز نصب کیے جائیں گے، جہاں شہر کے 70 فیصد سے زیادہ جرائم رپورٹ ہوتے ہیں۔
پولیس اسٹیشنز کی بلند و بالا عمارتوں پر ڈاکنگ اسٹیشنز قائم کیے جائیں گے۔ ہر ڈرون کا ورک اسٹیشن بھی انہی عمارتوں پر ہوگا، جو خودکار نظام سے چلے گا۔ ڈرونز کمانڈ ملتے ہی آٹومیٹک طور پر فضا میں اڑان بھریں گے اور 24 گھنٹے نگرانی کریں گے۔
ہر ’ڈاکنگ ڈرون‘ شہر میں 15 کلومیٹر تک پیٹرولنگ کر سکے گا، جو لاہور کے مرکزی علاقوں کو مکمل کور کر لے گا۔
’یہ ڈرونز ٹریفک بلاک، احتجاج یا ہنگامی صورتحال میں بھی مدد فراہم کریں گے‘یہ ڈرونز ٹریفک بلاک، احتجاج یا ہنگامی صورتحال میں بھی مدد فراہم کریں گے۔ ڈرونز ہائی ریزولوشن کیمروں، تھرمل امیجنگ اور جی پی ایس ٹریکنگ سے لیس ہوں گے، جو رات کے وقت بھی ملزمان کی نگرانی ممکن بنائیں گے۔
یہ ڈرونز آرٹیفیشل انٹیلی جنس (اے آئی) سسٹم سے بھی منسلک ہوں گے، جو جرائم کی فوری نشاندہی اور تعاقب کو ممکن بنائیں گے اور لائیو ویڈیو فیڈ سیف سٹی کنٹرول روم کو بھیجیں گے۔
جدید ترین ڈاکنگ ڈرونز کی قمیت 22 سے 25 لاکھ روپے ہے، ان ڈورنز کے اندر جدید فریچز ہوں گے۔ سیف سٹی اتھارٹی نے ابتدائی طور پر 10 ڈرونز ہی خریدے ہیں، اگر یہ تجربہ کامیاب رہا تو مزید 10 ڈرونز منگوائے جائیں گے۔
پائلٹ پراجیکٹ کی کامیابی پر اسے صوبے کے دیگر شہروں تک وسعت دی جائےگی، ترجمان سیف سٹی اتھارٹیترجمان سیف سٹی اتھارٹی کے مطابق لاہور کے پائلٹ پراجیکٹ کی کامیابی پر اسے صوبے کے دیگر شہروں جیسے راولپنڈی، ملتان، فیصل آباد اور گوجرانوالہ تک وسعت دی جائے گی۔
ان کا مزید کہنا تھا کہ پنجاب کے 94 تحصیلوں میں سیف سٹی کوریج جلد مکمل ہو جائے گی، جس میں ڈرونز کلیدی کردار ادا کریں گے۔
مزید پڑھیں: لاہور: ای چالان نادہندگان کے خلاف بڑا ایکشن، ڈھائی ہزار سے زیادہ گاڑیاں بلیک لسٹ قرار
پولیس افسران کا کہنا ہے کہ یہ اقدام اسٹریٹ کرائم، چوری اور فرار ہونے والے ملزمان کے خلاف پولیس کی صلاحیتوں کو دگنا کر دے گا۔
آئی جی پنجاب نے بھی اس پراجیکٹ کی حمایت کرتے ہوئے کہاکہ جدید ٹیکنالوجی سے جرائم کی روک تھام آسان ہو جائے گی، اور شہریوں کی حفاظت کو یقینی بنایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پنجاب پنجاب سیف سیٹی جدید ڈرونز ڈاکنگ اسٹیشنز لاہور وی نیوز
سہیل آفریدی کو وزیراعلیٰ بننے پر مبارکباد، مل کر دہشت گردی کا مقابلہ کریں گے،وزیراعظم