سلمان خان فلم کی شوٹنگ کے دوران زخمی، اب حالت کیسی ہے؟
اشاعت کی تاریخ: 23rd, September 2025 GMT
بالی ووڈ کے سپر اسٹار سلمان خان اپنی نئی ایکشن ڈرامہ فلم ’بیٹل آف گالوان‘ کی شوٹنگ کے دوران زخمی ہو گئے۔
بھارتی میڈیا رپورٹس کے مطابق فلم کا پہلا شیڈول لداخ میں مکمل کیا گیا، جو 45 دن پر محیط تھا۔ اس دوران سلمان خان تقریباً 15 دن تک سیٹ پر موجود رہے، جہاں شدید سرد موسم، کم آکسیجن اور دشوار گزار حالات میں اداکار نے ایکشن مناظر عکس بند کروائے۔
پروڈکشن ٹیم کے مطابق اداکار نے منفی 10 ڈگری سینٹی گریڈ میں شوٹنگ کے دوران چوٹ لگنے اور آکسیجن کی کمی کے باوجود کام جاری رکھا۔ زخمی ہونے کے بعد سلمان خان نے مختصر آرام کیا اور اب وہ فلم کے دوسرے شیڈول کے لیے ممبئی روانہ ہو چکے ہیں۔
خیال رہے کہ فلم بیٹل آف گالوان 2020 میں چین اور بھارت کے درمیان وادی گالوان میں ہونے والے فوجی تصادم پر مبنی ہے۔ فلم میں سلمان خان کے ہمراہ چترانگدا سنگھ اور ابھیلاش چوہدری بھی اہم کردار ادا کر رہے ہیں۔ فلم کی ریلیز کی تاریخ کا اعلان تاحال نہیں کیا گیا تاہم اُمید کی جارہی ہے کہ اسے 2026 میں ریلیز کردیا جائے گا۔
TagsShowbiz News Urdu.
ذریعہ: Al Qamar Online
پڑھیں:
گمراہ کن اشتہار کرنے کا الزام، بالی ووڈ ہیرو سلمان خان بڑی مشکل میں پھنس گئے
بالی ووڈ سپر اسٹار سلمان خان کو پان مصالحہ کے ایک برانڈ کی تشہیر کرنے پر قانونی مشکلات کا سامنا ہے۔ کوٹا کی کنزیومر کورٹ نے اداکار کو نوٹس جاری کرتے ہوئے ان سے وضاحت طلب کی ہے۔
یہ کارروائی بی جے پی رہنما اور راجستھان ہائی کورٹ کے وکیل اندر موہن سنگھ ہنی کی جانب سے دائر کردہ شکایت پر کی گئی ہے۔ درخواست میں الزام عائد کیا گیا ہے کہ متعلقہ اشتہار گمراہ کن ہے، کیونکہ اس میں دعویٰ کیا گیا ہے کہ الائچی اور پان مصالحہ کی مصنوعات ’زعفران‘ ملی ہوئی ہیں، جبکہ ان کی قیمت صرف پانچ روپے رکھی گئی ہے۔
یہ بھی پڑھیں: بگ باس 19 کی میزبانی کے لیے سلمان خان کتنے سو کروڑ لے رہے ہیں؟ حیران کن انکشاف
شکایت کنندہ کے مطابق زعفران کی فی کلو قیمت تقریباً چار لاکھ روپے ہے، اس لیے اس دعوے کی کوئی عملی بنیاد نہیں بنتی۔ درخواست میں مزید کہا گیا ہے کہ ایسے اشتہارات نوجوانوں کو پان مصالحہ کے استعمال کی ترغیب دیتے ہیں، جو صحت کے لیے مضر اور منہ کے سرطان (کینسر) کا ایک بڑا سبب ہے۔
اندر موہن سنگھ ہنی نے میڈیا سے گفتگو میں کہا کہ ’سلمان خان لاکھوں نوجوانوں کے رول ماڈل ہیں۔ ہم نے ان کے خلاف شکایت دائر کی ہے کیونکہ مشہور شخصیات کو اپنی سماجی ذمہ داری کا احساس ہونا چاہیے۔ دوسرے ممالک کے فلمی ستارے کولڈ ڈرنکس تک کی تشہیر نہیں کرتے، مگر ہمارے یہاں تمباکو اور پان مصالحہ کی تشہیر عام ہے‘۔
یہ بھی پڑھیں: ’باپ بننا چاہتا ہوں اور بنوں گا بھی‘، سلمان خان نے خواہش کا اظہار کردیا
کوٹا کنزیومر کورٹ نے سلمان خان کے ساتھ ساتھ پان مصالحہ بنانے والی کمپنی کو بھی نوٹس جاری کر دیا ہے۔ فریقین کو آئندہ سماعت کے موقع پر، جو کہ 27 نومبر کو مقرر ہے، اپنا مؤقف پیش کرنے کی ہدایت کی گئی ہے۔
دوسری جانب، سلمان خان ان دنوں ریئلٹی شو ’بگ باس‘ کے تازہ سیزن کی میزبانی کر رہے ہیں اور اپنی نئی فلم ’بیٹل آف گالوان‘ کی شوٹنگ میں مصروف ہیں۔ ذرائع کے مطابق، فلم کو جون 2026 میں ریلیز کرنے کا امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ بگ باس بیٹل آف گالوان سلمان خان سلمان خان عدالت سلمان خان فلم
ٹریفک کیمروں کی نگرانی کے دوران وائرل تصویروں پر ڈی آئی جی ٹریفک کا بیان آگیا