شاہ رخ خان کو 33 سال بعد بالآخر پہلا نیشنل فلم ایوارڈ مل گیا
اشاعت کی تاریخ: 24th, September 2025 GMT
بالی ووڈ کے بادشاہ کہلائے جانے والے اداکار شاہ رخ خان کو بالآخر بھارتی حکومت کی جانب سے پہلا نیشنل فلم ایوارڈ مل گیا۔
بھارتی شوبز انڈسٹری کو تین دہائیوں سے زیادہ دینے کے باوجود انہیں یہ اعزاز پہلی بار دیا گیا ہے۔
بھارت میں نیشنل فلم ایوارڈز کا سلسلہ 1954 سے جاری ہے اور ہر سال منعقدہ اس فیسٹیول میں اداکاروں، فلموں اور فلمی صنعت سے وابستہ مختلف شعبہ جات کو اعزازات دیے جاتے ہیں۔ امسال کے ایوارڈز میں شاہ رخ خان کو بہترین اداکار کے اعزاز سے نوازا گیا، جب کہ نئے اداکار وکرانت میسی کو بھی اسی کیٹیگری میں ایوارڈ دیا گیا۔
اداکارہ رانی مکھرجی کو بہترین اداکارہ کا نیشنل ایوارڈ ملا۔ اس کے علاوہ بہترین فیچر فلم کا ایوارڈ ’بارہویں فیل‘ کو دیا گیا، جب کہ تامل، تیلگو اور گجراتی سمیت مقامی زبانوں کی فلموں کو بھی مختلف ایوارڈز سے نوازا گیا۔
71ویں نیشنل فلم ایوارڈز 2025 کے فیسٹیول میں مجموعی طور پر 21 ایوارڈز تقسیم کیے گئے، جو 19 مختلف کیٹیگریز میں تھے۔ تقریب میں بہترین ہندی فلم، بہترین ہدایتکار، دادا صاحب پھالکے ایوارڈ، بہترین فلم نقاد، بہترین گیت، بہترین ایکشن ڈائریکشن، بہترین پلے بیک سنگر (خواتین و مرد)، بہترین کوریوگرافی، میک اپ، کاسٹیوم ڈیزائن، سنیماٹوگرافی اور ساؤنڈ ڈیزائن سمیت کئی دیگر کیٹیگریز کے ایوارڈز شامل تھے۔
شاہ رخ خان نے اپنے کیریئر کا آغاز 1988 میں بھارتی سرکاری ٹی وی ’’دوردرشن‘‘ کے ڈراموں سے کیا، جب کہ ان کی پہلی فلم دیوانہ 1992 میں ریلیز ہوئی تھی۔ پہلی ہی فلم میں وہ ناظرین کے دل جیتنے میں کامیاب ہوگئے اور اسی سال انہوں نے سات فلموں میں کام کرکے بالی ووڈ میں اپنی جگہ بنا لی۔
گزشتہ 33 برسوں میں شاہ رخ خان نے درجنوں یادگار اور کامیاب فلمیں پیش کیں اور متعدد نجی فلمی ایوارڈز اپنے نام کیے، مگر نیشنل فلم ایوارڈ کا اعزاز انہیں پہلی بار ملا ہے، جسے مداح ایک تاریخی لمحہ قرار دے رہے ہیں۔
Post Views: 1.ذریعہ: Daily Mumtaz
کلیدی لفظ: نیشنل فلم ایوارڈ شاہ رخ خان
پڑھیں:
پاکستانی باکسر فاطمہ زہرا کی شاندار کامیابی، اسلامک گیمز میں پہلا میڈل یقینی بنالیا
data-id="863a0a8" data-element_type="widget" data-widget_type="theme-post-content.default">
ترکی کے شہر کونیا میں جاری اسلامک سالیڈیریٹی گیمز میں پاکستانی باکسر فاطمہ زہرا نے شاندار کارکردگی دکھاتے ہوئے پاکستان کے لیے نئی تاریخ رقم کر دی۔
انہوں نے 60 کلو گرام کیٹیگری کے کوارٹر فائنل میں الجیریا کی حریف باکسر کو پانچ-صفر سے شکست دے کر سیمی فائنل میں جگہ بنائی، جس کے ساتھ ہی پاکستان کے لیے پہلا میڈل یقینی ہو گیا۔
فاطمہ زہرا کی یہ شان دار کامیابی نہ صرف کھیلوں کے میدان میں ایک اہم سنگ میل ہے بلکہ خواتین باکسرز کے لیے بھی حوصلہ افزائی کا نیا دروازہ کھولتی ہے۔
فاطمہ زہرا کی فتح نے پاکستانی شائقینِ کھیل کے دل جیت لیے ہیں۔ ان کی جیت کے بعد ملک بھر سے مبارکبادوں کا سلسلہ جاری ہے۔ پاکستان باکسنگ فیڈریشن نے ان کی کارکردگی کو تاریخی قرار دیتے ہوئے کہا کہ فاطمہ زہرا نے جس عزم، تکنیک اور اعتماد کے ساتھ مقابلہ کیا، وہ قابلِ تعریف ہے۔
فیڈریشن کے عہدیداروں نے امید ظاہر کی کہ وہ سیمی فائنل میں بھی شاندار کامیابی حاصل کر کے ملک کے لیے گولڈ میڈل جیتنے میں کامیاب ہوں گی۔
باکسنگ کے قوانین کے مطابق جو کھلاڑی سیمی فائنل تک رسائی حاصل کرتے ہیں، وہ کم از کم برانز میڈل کے حقدار بن جاتے ہیں۔ اس طرح فاطمہ زہرا کی یہ پیش رفت پاکستان کے لیے کم از کم ایک تمغے کی ضمانت بن گئی ہے۔
واضح رہے کہ پاکستان کا 72 رکنی دستہ اسلامک گیمز میں 9 مختلف کھیلوں میں حصہ لے رہا ہے، جن میں باکسنگ، ایتھلیٹکس، ویٹ لفٹنگ، ریسلنگ، اور پیراکی جیسے مقابلے شامل ہیں۔ ان کھیلوں میں پاکستانی کھلاڑیوں کی کارکردگی اس بار توقعات سے بہتر دکھائی دے رہی ہے، لیکن فاطمہ زہرا کی فتح نے سب کی توجہ اپنی جانب مبذول کر لی ہے۔
کھیلوں کے ماہرین کا کہنا ہے کہ فاطمہ زہرا کی یہ کامیابی پاکستان میں خواتین کے کھیلوں کے فروغ کے لیے سنگِ میل ثابت ہو سکتی ہے۔ ان کی جیت نہ صرف باکسنگ کے کھیل میں نئی روح پھونک رہی ہے بلکہ اس سے یہ پیغام بھی دیا جا رہا ہے کہ پاکستانی خواتین عالمی سطح پر کسی سے کم نہیں۔ اگر حکومتی سرپرستی اور مناسب سہولیات فراہم کی جائیں تو فاطمہ جیسی کھلاڑی بین الاقوامی سطح پر ملک کا نام مزید روشن کر سکتی ہیں۔
دوسری جانب فاطمہ زہرا نے اپنی جیت کے بعد میڈیا سے گفتگو کرتے ہوئے کہا کہ وہ اپنی کامیابی قوم کے نام کرتی ہیں اور ان کا خواب ہے کہ پاکستان کے لیے گولڈ میڈل جیتیں۔
کراچی؛ ڈمپرز ایسوسی ایشن کے سربراہ کیخلاف مقدمہ درج، لیاقت محسود کا سپر ہائی وے بند کرنے کا اعلان