امریکا پاکستان میں سرمایہ کاری کے لیے تیار ہے، وزیراعظم شہباز شریف
اشاعت کی تاریخ: 27th, September 2025 GMT
وزیراعظم شہباز شریف نے کہا ہے کہ پاکستان کی معیشت مائیکرو سطح پر استحکام کی طرف بڑھ رہی ہے، مہنگائی میں کمی اور شرح سود کم ہونے سے مثبت نتائج سامنے آرہے ہیں۔
وزیراعظم نے نیویارک میں اقوام متحدہ کی جنرل اسمبلی سے خطاب کے بعد میڈیا سے گفتگو کرتے ہوئے بیرون ملک مقیم پاکستانیوں کو زبردست خراجِ تحسین پیش کیا اور کہا کہ وہ ملک کے بہترین سفیر ہیں جنہوں نے مالی سال 2024-25 میں 38.
یہ بھی پڑھیے: صدر ٹرمپ کی وزیراعظم اور آرمی چیف سے ملاقات کے پاکستان پر کیا اثرات مرتب ہوں گے؟
انہوں نے کہا کہ جب موجودہ حکومت نے اقتدار سنبھالا تو مہنگائی 32 فیصد اور پالیسی ریٹ 22.5 فیصد تھا، لیکن ڈیڑھ سال میں مہنگائی سنگل ڈیجٹ میں آگئی ہے جبکہ پالیسی ریٹ 11 فیصد تک کم ہو گیا ہے۔
وزیراعظم نے اپنے حالیہ غیر ملکی دوروں کا ذکر کرتے ہوئے کہا کہ سعودی عرب میں انہیں گزشتہ 40 برس میں سب سے غیر معمولی پذیرائی ملی جبکہ امریکی صدر ڈونلڈ ٹرمپ سے ملاقات نہایت حوصلہ افزا رہی۔ وزیراعظم کے مطابق صدر ٹرمپ نے پاکستان میں تجارت، آئی ٹی اور دیگر شعبوں میں سرمایہ کاری پر آمادگی ظاہر کی ہے۔ ملاقات میں معیشت، دہشت گردی کے خلاف اقدامات، معدنیات، مصنوعی ذہانت، آئی ٹی اور کرپٹو کرنسی پر بھی بات ہوئی۔
وزیراعظم نے فوجی کامیابیوں کا بھی ذکر کیا اور کہا کہ 6 سے 10 مئی کے دوران پاک فوج نے بھارت کو شکست دی، 7 بھارتی طیارے مار گرائے اور دہلی، پٹھان کوٹ سمیت کئی مقامات پر کارروائیاں کیں۔ انہوں نے اس کامیابی کا سہرا چیف آف آرمی اسٹاف فیلڈ مارشل عاصم منیر کی قیادت کو دیا۔
یہ بھی پڑھیے: بین الاقوامی ذرائع ابلاغ نے ٹرمپ اور شہباز کی ملاقات کو کیسے کور کیا؟
ان کا کہنا تھا کہ 10 مئی کی صبح امریکی وزیر خارجہ مارکو روبیو نے آرمی چیف سے رابطہ کیا اور بھارت نے جنگ بندی کی درخواست کی کیونکہ پاکستان پہلے ہی جنگ جیت چکا تھا۔ انہوں نے کہا کہ آج وہی بھارت جو پہلے درست رویہ اختیار نہیں کرتا تھا، اب تعلقات بہتر بنانے کی کوشش کر رہا ہے۔
علاوہ ازیں وزیراعظم شہباز شریف نے اقوام متحدہ کے سیکریٹری جنرل انتونیو گوتریس سے بھی ملاقات کی۔ اس موقع پر انہوں نے کہا کہ اقوام متحدہ کو عالمی مسائل حل کرنے کے لیے مزید فعال کردار ادا کرنے کی ضرورت ہے۔ انہوں نے سیلاب متاثرین کی امدادی کوششوں کو تسلیم کرنے پر اقوام متحدہ کا شکریہ بھی ادا کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا پاکستان تجارت ٹرمپ ملاقات سرمایہ کاری کاروبار
ذریعہ
ذریعہ: WE News
کلیدی لفظ: امریکا پاکستان ٹرمپ ملاقات سرمایہ کاری کاروبار اقوام متحدہ انہوں نے نے کہا کہا کہ
پڑھیں:
برآمدات بڑھانے کیلئے مؤثر اقدامات ترجیح ہیں: وزیرِ اعظم شہباز شریف
وزیرِ اعظم شہباز شریف—فائل فوٹووزیرِ اعظم شہباز شریف نے کہا ہے کہ صنعتی مصنوعات کی پیداوار میں اضافے سے برآمدات بڑھانے کے لیے مؤثر پالیسی اقدامات ترجیح ہیں۔
وزیرِاعظم کی زیرِ صدارت سرمایہ کاری میں اضافے، شعبہ جاتی اصلاحات اور پالیسی اقدامات پر جائزہ اجلاس ہوا جس میں متعلقہ وزارتوں کی جانب سے مختلف زیرِغور پالیسی تجاویز پر بریفنگ دی گئی۔
اجلاس میں وفاقی وزراء اسحاق ڈار، محمد اورنگزیب، احد چیمہ، عطاء تارڑ شریک ہوئے۔
نوجوانوں کو جدید علم اور مہارتوں سے آراستہ کرنا وقت کی ضرورت ہے، اے آئی کے فوائد اور چیلنجز دونوں ہیں: شہباز شریف
اجلاس سے خطاب کرتے ہوئے وزیرِاعظم شہباز شریف نے کہا کہ ملکی معیشت کی پائیدار ترقی کے لیے صنعت کا فروغ اور بیرونی سرمایہ کاری میں اضافہ ناگزیر ہے۔
انہوں نے کہا کہ توانائی کی ضروریات متبادل توانائی ذرائع سے پوری کرنے کے لیے بھر پور کام ہو رہا ہے۔
وزیرِ اعظم کا مزید کہنا ہے کہ توانائی بچانے اور سستی ٹرانسپورٹ کے لیے الیکٹرک وہیکلز پالیسی ضروری ہے۔
وزیرِاعظم شہباز شریف نے یہ بھی کہا کہ تمام اصلاحات اور اقدامات میں انتظامی شفافیت اور بہترین کارکردگی اولین ترجیح ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ