چین میں معذور ماں کو کمر پر بٹھا کر پورے ملک کا دورہ کرنے والا بیٹا
اشاعت کی تاریخ: 28th, September 2025 GMT
ایک 31 سالہ شخص کو اپنی فالج زدہ ماں کو کمر پر بٹھا کر چین بھر میں گھمانے کیلئے سوشل میڈیا پر سراہا جارہا ہے۔
میڈیا رپورٹس کے مطابق ژیاؤ ما نے اپنا تمام مال بیچنے کے بعد اپنی فالج زدہ ماں کو کمر پر اٹھایا اور چین بھر میں انہیں گھمانے کیلئے نکل پڑا جیسے ان کی والدہ بچپن میں انہیں کمر پر اٹھا کر انہیں سفر کرتی تھیں۔
ژیاؤ ما صرف آٹھ سال کے تھے جب ان کے والدین ایک خوفناک کار حادثے کا شکار ہوئے تھے جس نے ان کے والد کی جان لے لی اور ان کی ماں کو چلنے کے قابل نہیں چھوڑا۔
انہوں نے اور ان کی بڑی بہن اپنے ساتھ ساتھ اپنی ماں کی بھی دیکھ بھال کی۔ بڑے ہو کر ژیاؤ ما نے کھیتوں میں کپاس چننے کا کام کیا، مختلف شعبوں میں اپرنٹیس شپ کی اور سنکیانگ میں اپنا ایک ریستوراں کھولا۔
وہاں سے جو پیسہ کمایا اس کا زیادہ تر حصہ ان کی ماں کی صحت یابی کی طرف گیا اور ان کی محنت رنگ لائی، کیونکہ والدہ آہستہ آہستہ اس قابل ہو رہی تھیں کہ وہیل چیئر پر بیٹھنے اور یہاں تک کہ چند چھوٹے قدم اٹھا کر چل سکیں۔
تاہم کچھ سال بعد ژاؤ ما کو یہ افسوس ناک خبر ملی کہ ان کی والدہ کی دماغی چوٹ جو حادثے کیوجہ سے لگی تھی وہ نہ صرف لاعلاج ہے بلکہ مسلسل رفتار سے بڑھ رہی ہے۔ یہی وہ وقت تھا جب انہوں نے فیصلہ کیا کہ وہ اس بچے کچے وقت کا بہترین استعمال کرے اور والدہ کو ملک بھر میں سیر کرائے۔
.ذریعہ: Express News
کلیدی لفظ: ماں کو
پڑھیں:
بیٹے نے دوسری شادی کرنے پر ماں کو کلہاڑی کے وار سے موت کے گھاٹ اُتار دیا
پولیس کے مطابق صوبیہ بی بی نے حال ہی میں دوسری شادی کی تھی جس کا اس کا بیٹا ذیشان کو سخت رنج تھا، اس رنجش اور غصے نے ذیشان کو اس قدر مشتعل کر دیا کہ اس نے اپنی ماں کی زندگی چھین لی۔ اسلام ٹائمز۔ قصور میں ایک افسوسناک اور دل دہلا دینے والا واقعہ پیش آیا، جہاں بیٹے نے اپنی والدہ کو اس وجہ سے قتل کر دیا کہ اس نے دوسری شادی کر لی تھی۔ پولیس کے مطابق صوبیہ بی بی نے حال ہی میں دوسری شادی کی تھی جس کا اس کا بیٹا ذیشان کو سخت رنج تھا، اس رنجش اور غصے نے ذیشان کو اس قدر مشتعل کر دیا کہ اس نے اپنی ماں کی زندگی چھین لی۔ صوبیہ بی بی کی دوسری شادی کے بعد ذیشان کو غصہ آیا اور اس نے اپنی ماں کا قتل کرنے کا ارادہ کر لیا۔
گزشتہ روز ملزم ذیشان نے اپنی والدہ کو کیلوں کی فصل میں بلا کر کلہاڑی کے وار کر کے اس کی جان لے لی۔ یہ واقعہ قصور کے علاقے میں پیش آیا، جہاں ذیشان نے اپنی والدہ صوبیہ بی بی کی بے دردی سے جان لی۔ پولیس تھانہ صدر قصور نے فوری طور پر جائے وقوعہ پر پہنچ کر لاش کو قبضے میں لے لیا اور قانونی کارروائی کا آغاز کر دیا۔ ملزم ذیشان کو گرفتار کر لیا گیا ہے اور اس کے خلاف قتل کے مقدمے کی تحقیقات جاری ہیں۔
کرپشن اسکینڈل؛ پنجاب بھر کے لائسنسنگ سینٹرز کا اسپیشل آڈٹ کرنے کا فیصلہ