پنجاب میں ایچ پی وی ویکسین مہم میں 3 دن کا اضافہ، وزیر صحت کا اعلان
اشاعت کی تاریخ: 29th, September 2025 GMT
پنجاب کے وزیر صحت خواجہ عمران نذیر نے پیر کو بتایا کہ صوبے میں انسانی پیپیلوما وائرس (ایچ پی وی) ویکسین مہم کو بدھ تک بڑھا دیا گیا ہے تاکہ مقررہ ہدف 100 فیصد حاصل کیا جا سکے۔ ستمبر کے اوائل میں پاکستان نے نوعمر لڑکیوں کو رحم کے کینسر سے بچانے کے لیے ایچ پی وی ویکسین کو قومی حفاظتی ٹیکہ جات پروگرام میں شامل کیا تھا، مگر ویکسین لگوانے میں اب بھی ہچکچاہٹ پائی جاتی ہے جس کی وجہ غلط معلومات، تحفظات اور حکام پر عدم اعتماد ہے۔
وزیر صحت نے نجی ٹی وی پروگرام ’جیو پاکستان‘ میں کہا کہ پنجاب میں مہم کی کامیابی کی شرح 72 فیصد رہی ہے، لیکن مہم مکمل نہیں کی گئی بلکہ اسے مزید تین دن کے لیے بڑھایا گیا ہے۔ انہوں نے وضاحت کی کہ اس مہم کے دوران 9 سے 14 سال کی لڑکیوں کو یہ ویکسین مفت دی جا رہی ہے، مگر مہم ختم ہونے کے بعد صرف 9 سال کی بچیوں کو مفت ویکسین ملے گی اور باقی کو اسے خریدنا پڑے گا۔
ماہرین کے مطابق سروائیکل کینسر کی کئی وجوہات ہو سکتی ہیں، لیکن زیادہ تر کیسز انسانی پیپیلوما وائرس کی وجہ سے ہوتے ہیں، جو جنسی تعلقات کے ذریعے منتقل ہوتا ہے۔ اس کینسر کی عام علامات میں جنسی تعلق کے دوران درد، ماہواری کے دوران غیر معمولی خون بہنا، اندام نہانی سے بدبودار مادے یا خون کا اخراج اور جنسی تعلق کے بعد جسم کے نچلے حصے میں درد شامل ہیں۔ اگر خواتین میں ایسی علامات ظاہر ہوں تو فوراً گائناکالوجسٹ سے رابطہ کرنا ضروری ہے تاکہ بروقت تشخیص اور علاج ممکن ہو سکے۔
ذریعہ
ذریعہ: Daily Mumtaz
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار