9 سال میں سرکاری قرضے میں 300 فیصد سے زائد اضافہ
اشاعت کی تاریخ: 29th, September 2025 GMT
وفاقی وزارتِ خزانہ کی تازہ رپورٹ میں انکشاف کیا گیا ہے کہ گزشتہ 9 برسوں میں پاکستان کا سرکاری قرضہ خطرناک حد تک بڑھ چکا ہے، جس میں 300 فیصد سے زائد، یعنی 60,800 ارب روپے کا اضافہ ریکارڈ کیا گیا ہے۔
رپورٹ کے مطابق جون 2016 میں پاکستان کا مجموعی سرکاری قرضہ 19,700 ارب روپے تھا، جو جون 2025 تک بڑھ کر 80,500 ارب روپے کی تاریخی سطح پر پہنچ گیا۔ اس میں سے 54,500 ارب روپے مقامی قرضہ جبکہ 26,000 ارب روپے غیر ملکی قرضہ ہے۔
جون 2017 تک قرضہ بڑھ کر 21,400 ارب روپے ہوا۔
جون 2018 میں یہ قرضہ 24,900 ارب روپے تک پہنچ گیا۔
جون 2019 میں قرضے کا حجم 32,700 ارب روپے ریکارڈ کیا گیا۔
جون 2020 میں یہ بڑھ کر 36,400 ارب روپے ہوگیا۔
جون 2021 میں قرضہ 39,900 ارب روپے تک پہنچا۔
جون 2022 میں قرضے کا حجم 49,200 ارب روپے ہوگیا۔
رپورٹ کے مطابق صرف گزشتہ 3 سال (جون 2022 سے جون 2025) کے دوران قرضوں میں 31,200 ارب روپے کا اضافہ ہوا۔
گزشتہ 9 برسوں کے دوران مجموعی قرضوں میں غیر معمولی تیزی دیکھی گئی، جو ملک کی اقتصادی صورتحال کے حوالے سے شدید تشویش کا باعث ہے۔
وزارتِ خزانہ کی یہ رپورٹ موجودہ اور سابقہ حکومتوں کی مالی پالیسیوں پر بھی سوالیہ نشان چھوڑتی ہے، اور ماہرین معاشیات کے مطابق قرضوں کا یہ بوجھ نہ صرف موجودہ بلکہ آنے والی نسلوں کے لیے بھی چیلنج بن سکتا ہے۔
ذریعہ: Daily Mumtaz
کلیدی لفظ: ارب روپے
پڑھیں:
اسٹاک ایکسچینج میں تیزی برقرار، انڈیکس میں 400 پوائنٹس سے زائد اضافہ
پاکستان اسٹاک ایکسچینج میں منگل کو بھی تیزی کا رجحان برقرار رہا، جہاں بینچ مارک کے ایس ای 100 انڈیکس نے انٹرا ڈے ٹریڈنگ کے دوران 400 سے زائد پوائنٹس کا اضافہ ریکارڈ کیا۔
ہفتے کے آغاز پر مارکیٹ مثبت انداز میں کھلی اور کے ایس ای 100 انڈیکس ٹریڈنگ کے ابتدائی اوقات میں 163,602.15 کی انٹرا ڈے بلندی تک پہنچ گیا۔
یہ بھی پڑھیں:پاکستان اسٹاک مارکیٹ کی تاریخی بلندی کا ملک کی معیشت سے کتنا تعلق ہے؟
دوپہر 12 بج کر 40 منٹ تک بینچ مارک انڈیکس 162,348.94 پوائنٹس پر ٹریڈ کر رہا تھا، جو کہ 413.75 پوائنٹس یا 0.26 فیصد کا اضافہ ہے۔
Market is up at midday ????
⏳ KSE 100 is positive by +902.47 points (+0.56%) at midday trading. Index is at 162,837.66 and volume so far is 183.84 million shares (12:00 PM) pic.twitter.com/9A5qitIff2
— Investify Pakistan (@investifypk) November 17, 2025
مارکیٹ میں متعدد شعبوں میں وسیع پیمانے پر خریداری دیکھی گئی، جن میں آٹوموبائل اسمبلرز، کمرشل بینکس، فرٹیلائزر، آئل اینڈ گیس ایکسپلوریشن کمپنیاں،آئل مارکیٹنگ کمپنیاں، پاور جنریشن اور ریفائنری سیکٹر شامل ہیں۔
انڈیکس میں اہم وزن رکھنے والے اسٹاک جیسے مسلم کمرشل بینک، سوئی سدرن گیس کمپنی، سوئی ناردن گیس اینڈ پیٹرولیم لمیٹڈ، پاکستان اسٹیٹ آئل، آئل اینڈ گیس ڈیولپمنٹ کارپوریشن، یونائیٹڈ بینک لمیٹڈ سب کے سب مثبت زون میں ٹریڈ ہوئے۔
مزید پڑھیں: اسٹاک ایکسچینج میں سرمایہ کاروں کا اعتماد بحال، انڈیکس 160,000 کی سطح عبور کرگیا
گزشتہ ہفتے بھی جیو پولیٹیکل بے یقینی کے باوجود مارکیٹ مضبوط رہی اور کے ایس ای 100 انڈیکس 2,342.29 پوائنٹس یعنی 1.5 فیصد اضافے کے ساتھ 161,935.19 پر بند ہوا۔
بینچ مارک انڈیکس میں تیزی کی یہ لہر اہم شعبوں کی بہتر کارکردگی کے باعث ہے۔
خصوصاً فرٹیلائزر سیکٹر کو اس خبر سے فائدہ ہوا کہ ای سی سی نے مہنگی آر ایل این جی کے بجائے مری گیس کے استعمال کی منظوری دے دی ہے۔
اس پیشرفت کے نتیجے میں سبسڈی کے دباؤ میں کمی اور یوریا قیمتوں میں استحکام متوقع ہے۔
مزید پڑھیں: سیاسی ہلچل اسٹاک ایکسچینج پر بھاری، انڈیکس میں 2,600 پوائنٹس کی کمی
بین الاقوامی سطح پر، ایشیائی اسٹاک مارکیٹس میں پیر کو محتاط تاثر غالب رہا، کیونکہ سرمایہ کار اس ہفتے کے کارپوریٹ نتائج اور امریکا کے زیرِ التوا معاشی اعداد و شمار کے منتظر ہیں۔
توجہ کا مرکز شرح سود کی سمت اور مصنوعی ذہانت سے متعلق اسٹاکس کی جاری مضبوط ریلی کا مستقبل ہے۔
امریکی پالیسی سازوں کے غیر واضح بیانات کے باعث دسمبر میں شرح سود میں کمی کی توقعات ایک ہفتے میں 60 سے گھٹ کر 40 فیصد رہ گئی ہیں، جس نے عالمی اسٹاکس پر دباؤ ڈالا ہے۔
اس کے باوجود ایس اینڈ پی 500 فیوچرز ابتدائی ٹریڈنگ میں 0.3 فیصد بڑھ گئے۔
مزید پڑھیں:سیاسی ہلچل اسٹاک ایکسچینج پر بھاری، انڈیکس میں 2,600 پوائنٹس کی کمی
جاپان کا نکی انڈیکس مجموعی طور پر مستحکم رہا، لیکن چین کی جانب سے اپنے شہریوں کو سفری احتیاط کی ہدایت کے بعد جاپانی سیاحت اور ریٹیل سیکٹر کے اسٹاکس میں نمایاں کمی دیکھنے میں آئی۔
امریکی مارکیٹس میں جمعے کے روز شدید مندی کے بعد پیر کو ملا جلا رجحان دیکھا گیا، جہاں ایس اینڈ پی 500 معمولی کمی جبکہ نیسڈیک میں ہلکا سا اضافہ ریکارڈ ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئل اینڈ گیس آئل مارکیٹنگ انڈیکس پاکستان اسٹاک ایکسچینج پاور جنریشن ریفائنری فرٹیلائزر کمرشل بینکس
کرپشن اسکینڈل؛ پنجاب بھر کے لائسنسنگ سینٹرز کا اسپیشل آڈٹ کرنے کا فیصلہ