پیٹرولیم مصنوعات کی قیمتوں میں ایک بار پھر اضافے کا امکان
اشاعت کی تاریخ: 29th, September 2025 GMT
اسلام آباد:
ملک میں یکم اکتوبر سے پیٹرولیم مصنوعات کی قیمتوں میں ایک بار پھر اضافے کا امکان ہے۔
آئل انڈسٹری نے پیٹرولیم مصنوعات کی قیمتوں سے متعلق اپنی ورکنگ مکمل کر لی۔
ذرائع کے مطابق پیٹرولیم مصنوعات کی قیمتوں میں ایک روپیہ 97 پیسے سے 4 روپے 65 پیسے فی لیٹر تک اضافے کا امکان ہے۔
پیٹرول کی قیمت میں ایک روپیہ 97 پیسے فی لیٹر اور ہائی اسپیڈ ڈیزل کی قیمت 2 روپے 48 پیسے فی لیٹر اضافے کا امکان ہے۔
لائٹ ڈیزل آئل کی قیمت میں ایک روپیہ 76 پیسے فی لیٹر جبکہ مٹی کے تیل کی قیمت میں 4 روپے 65 پیسے فی لیٹر اضافے کا امکان ہے۔
اوگرا قیمتوں سے متعلق ورکنگ پیٹرولیم ڈویژن کے ذریعے وزارتِ خزانہ کو ارسال کرے گی۔ وزیراعظم کی منظوری کے بعد نئی قیمتوں سے متعلق وزارت خزانہ کل حتمی اعلان کرے گی۔
واضح رہے کہ 15 روز قبل حکومت نے پیٹرول کی قیمت برقرار رکھی تھی جبکہ ہائی اسپیڈ ڈیزل کی فی لیٹر قیمت میں 2 روپے 78 پیسے اضافہ کیا گیا تھا۔
.ذریعہ: Express News
کلیدی لفظ: پیٹرولیم مصنوعات کی قیمتوں اضافے کا امکان ہے پیسے فی لیٹر میں ایک
پڑھیں:
مسلسل اضافے کے بعد سونے کی فی تولہ قیمت میں کمی آگئی
data-id="863a0a8" data-element_type="widget" data-widget_type="theme-post-content.default">
کراچی: سونے کی قیمت میں مسلسل اضافے کے بعد اب کمی ریکارڈ کی گئی ہے۔
صرافہ جیولرز ایسوسی ایشن کے مطابق فی تولہ سونا 2 ہزار 500 روپے سستا ہوکر 4 لاکھ 7 ہزار 778 روپے پر آگیا ہے۔
اسی طرح 10 گرام سونے کی قیمت میں بھی 2 ہزار 144 روپے کمی ہوئی، جس کے بعد نئی قیمت 3 لاکھ 49 ہزار 603 روپے ہوگئی ہے۔
عالمی مارکیٹ میں بھی سونے کی قیمت 25 ڈالر کم ہوکر 3 ہزار 865 ڈالر فی اونس ریکارڈ کی گئی۔
یاد رہے کہ گزشتہ روز فی تولہ سونا 3 ہزار 500 روپے اضافے کے بعد 4 لاکھ 10 ہزار 278 روپے تک پہنچ گیا تھا۔
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت