کراچی میں موسلا دھار بارش نے موسم کو خوشگوار بنا دیا
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی کے مختلف علاقوں میں بارش کا سلسلہ وقفے وقفے سے جاری ہے، کہیں ہلکی تو کہیں موسلا دھار بارش نے موسم کو خوشگوار بنا دیا ہے۔
شہر کے کئی علاقوں میں تیز بارش دیکھنے میں آئی ہے جن میں گلستان جوہر، ملیر، ماڈل کالونی اور آئی آئی چندریگر روڈ سمیت اطراف کے علاقے شامل ہیں۔ بارش کے باعث نشیبی مقامات پر پانی جمع ہونے کے امکانات بھی بڑھ گئے ہیں۔
محکمہ موسمیات کے مطابق ہوا کا کم دباؤ اس وقت بھارتی گجرات کے قریب موجود ہے، جسے بحیرہ عرب سے نمی کی شکل میں توانائی مل رہی ہے۔ محکمے کا کہنا ہے کہ یہ سسٹم شدت اختیار کرکے ڈپریشن میں تبدیل ہوسکتا ہے اور امکان ہے کہ کل تک یہ شمالی بحیرہ عرب میں داخل ہوجائے۔
آج دوپہر کے وقت بھی شہر کے مختلف حصوں میں بارش ہوئی جس میں گرومندر، صدر، اولڈ سٹی ایریا، گارڈن، لیاقت آباد، ایف بی ایریا، ایف سی ایریا اور پرانی سبزی منڈی کے علاقے شامل تھے۔ بارش کے اس سلسلے نے شدید گرمی کی شدت کو کم کردیا اور موسم کو خوشگوار بنادیا۔
موسم کا یہ سلسلہ شہریوں کے لیے جہاں خوشی کا باعث ہے، وہیں بعض مقامات پر پانی جمع ہونے اور ٹریفک کی روانی متاثر ہونے کا خدشہ بھی ظاہر کیا جا رہا ہے۔
.ذریعہ: Jasarat News
پڑھیں:
کراچی میں موسم کی خرابی کے سبب پروازیں تاخیر کا شکار
کراچی میں موسم کی خرابی اور انتظامی مسائل کے سبب پروازیں تاخیر کا شکار ہوگئیں۔
فلائٹ شیڈول کے مطابق کراچی اور اسلام آباد کے درمیان آج آپریٹ ہونے والی 5 پروازوں میں 1 سے 9 گھنٹے کی تاخیر ہے جبکہ سکھر سے کراچی پی کے 636 اور کراچی سے تربت کی قومی ایئر لائن کی دو پروازیں پی کے 501 اور 502 بھی منسوخ کر دی گئیں۔
اسلام اباد سے کراچی روانہ ہونے والی نجی ملکی ایئرلائن کی پروازوں میں 6 تا 7 گھنٹے تاخیر ہے جبکہ پی آئی اے کی کراچی و اسلام آباد کی پروازیں پی کے 300 اور 301 میں ڈیڑھ گھنٹے کی تاخیر ہے۔
کراچی لاہور کے درمیان نجی ایئر لائن کی 4 پروازوں میں ایک سے 4 گھنٹے تاخیر ہے۔
دوسری جانب، ترجمان محکمہ موسمیات کے مطابق شہر میں آج مطلع ابرآلود رہنے کے ساتھ بوندا باندی اور ہلکی بارش ہو سکتی ہے۔
شہر میں شمال مشرق سے 22 کلو میٹر فی گھنٹہ کی رفتار سے ہوائیں چل رہی ہیں جبکہ موجودہ درجہ حرارت 31 ڈگری سینٹی گریڈ اور ہوا میں نمی کا تناسب 69 فیصد ہے۔
آج صبح کم سے کم درجہ حرارت 27 ڈگری سینٹی گریڈ ریکارڈ ہوا جبکہ زیادہ سے زیادہ درجہ حرارت 32 سے 34 ڈگری سینٹی گریڈ کے درمیان رہنے کا امکان ہے۔
اٹلی کی ضد اور فلسطین