سول اسپتال نواب شاہ کے اطراف صفائی ستھرائی کی ابترصورت حال
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
نواب شاہ(نمائندہ جسارت) سول اسپتال نواب شاہ کے عقبی جانب اور کوٹ روڈ پر واقع ایچ ایم خوجہ ٹاؤن میں صفائی کی ابتر صورتحال نے شہریوں کی زندگی اجیرن بنا دی ہے۔ اسپتال کے اطراف اور رہائشی علاقے میں جگہ جگہ گندگی کے ڈھیر لگے ہیں، جن سے تعفن اٹھ رہا ہے اور بیماریوں کے پھیلنے کا شدید خدشہ پیدا ہوگیا ہے۔علاقہ مکینوں کے مطابق اسپتال کے باہر جمع ہونے والی غلاظت اور کوڑے کرکٹ کے باعث مریض اور ان کے تیماردار سخت اذیت میں مبتلا ہیں۔ لوگ اسپتال صحت یابی کے لیے آتے ہیں لیکن ماحولیاتی آلودگی اور بدبو کے باعث مزید بیمار ہونے کا خطرہ لاحق ہے۔ اسپتال کے عقبی حصے میں کچرے کے ڈھیر مچھروں، مکھیوں اور آوارہ کتوں کی افزائش کا مرکز بن چکے ہیں، جس سے ہیضہ، ڈینگی، ملیریا اور دیگر متعدی امراض پھیلنے کے امکانات بڑھ گئے ہیں۔شہریوں نے شکایت کرتے ہوئے بتایا کہ کئی بار ضلعی انتظامیہ، میونسپل کارپوریشن اور اسپتال انتظامیہ کو آگاہ کیا گیا لیکن عملی طور پر کوئی اقدامات نہیں کیے گئے۔ اسپتال کے قریب رہنے والے خاندان روزانہ گندگی اور تعفن کے باعث شدید مشکلات کا سامنا کر رہے ہیں۔ خاص طور پر بچے اور بزرگ بیمار پڑ رہے ہیں، جبکہ اسکول جانے والے طلبہ کو بھی اس گندگی سے گزرنا پڑتا ہے۔ایچ ایم خوجہ ٹاؤن کے مکینوں نے بتایا کہ ان کے علاقے میں صفائی ستھرائی کے نام پر کوئی خاطر خواہ کام نہیں ہوتا۔ میونسپل اہلکار صرف برائے نام دکھاوے کے لیے کچرا اٹھاتے ہیں جبکہ زیادہ تر گندگی وہیں کی وہیں پڑی رہتی ہے۔ نالوں کی صفائی نہ ہونے کے باعث بارش یا سیوریج کا پانی جمع ہوکر مزید مسائل کھڑے کر دیتا ہے۔
ذریعہ: Jasarat News
پڑھیں:
ملکی دفاع پر کوئی سمجھوتہ نہیں ، مغربی مطالبات مسترد؛ ایران کا میزائل رینج بڑھانے کا اعلان
data-id="863a0a8" data-element_type="widget" data-widget_type="theme-post-content.default">
کمانڈر ایرانی پاسداران انقلاب نے ایران کے میزائلوں کی رینج ضرورت کے مطابق بڑھانے کا اعلان کر دیا ہے۔
عالمی خبر ایجنسی کے مطابق کمانڈر ایرانی پاسداران انقلاب نے ایرانی میزائلوں کی رینج بڑھانے کا اعلان کر دیا ہے۔ جنرل محمد جعفر اسدی کا کہنا ہے کہ مغربی مطالبات مسترد کرتے ہیں، ایران اپنے دفاع کا فیصلہ خود کرے گا اور میزائل کی رینج ضرورت کے مطابق بڑھائی جائے گی۔
غیر ملکی خبر رساں ایجنسی کے مطابق امریکا اور یورپی ممالک ایران کی میزائل صلاحیتوں پر پابندی چاہتے ہیں جب کہ ایرانی حکام کے مطابق میزائل پروگرام پر دباؤ جوہری معاہدے میں رکاوٹ ہے۔
رپورٹ میں کہا گیا ہے کہ ایرانی میزائلوں کی خود ساختہ رینج 2 ہزارکلومیٹر تک محدود ہے۔ ایرای حکام کے مطابق 2 ہزار کلومیٹر رینج اسرائیل تک پہنچنے کیلیے کافی ہے۔
رپورٹ میں یہ بھی بتایا گیا ہے کہ رواں برس جون میں ایران کے مغربی لانچرز اسرائیلی حملوں کی زد میں آئے تھے اور اب ایرانی حکام کے مطابق لانچنگ پوائنٹس مشرق کی طرف منتقل کر دیے گئے ہیں۔
نوکری کا جھانسہ دے کر لائی جانے والی دو لڑکیاں بازیاب