بلال اظہر کیانی سے میتسوفن لینڈ کمپنی صدر کی ملاقات‘ سرمایہ کاری پر تبادلہ خیال
اشاعت کی تاریخ: 1st, October 2025 GMT
اسلام آباد (اپنے سٹاف رپورٹر سے)میتسوفن لینڈ کمپنی کی صدر برائے معدنیات پییا کارہو نے وزیر مملکت برائے خزانہ و ریلوے بلال اظہر کیانی سے ملاقات کی۔ دونوں فریقین نے پاکستان کے معدنی شعبے میں سرمایہ کاری کے امکانات پر تبادلہ خیال کیا۔ کارہو نے بتایا کہ میتسو کمپنی جدید کان کنی کی ٹیکنالوجی اور سامان فراہم اور مقامی افرادی قوت کو تربیت بھی دے گی۔ وہ ریکو ڈِک منصوبے میں کان کنی کی ٹیکنالوجی اور خدمات فراہم کر کے حصہ لینے کا ارادہ رکھتے ہیں۔ بلال اظہر کیانی نے ریکو ڈِک منصوبے کی بروقت تکمیل کے لیے ML-1 اور ML-3 ریلوے لائنوں کی بہتری پر جاری پیش رفت اور آئندہ کے منصوبوں پر روشنی ڈالی جس کا ہدف دسمبر 2028 ء تک فعال ہونا ہے۔ انہوں نے ملکی معاشی سرگرمیوں میں میتسو کی آئندہ شمولیت کا خیر مقدم کیا۔
.ذریعہ: Nawaiwaqt
پڑھیں:
جہلم کے 39 کسانوں میں گرین ٹریکٹر تقسیم
بلال اظہر کیانی—تصویر بشکریہ فیس بکجہلم، دینہ اور سوہاوہ کے 39 کسانوں میں اسکیم کے تحت گرین ٹریکٹر تقسیم کر دیے گئے۔
وزیرِ اعلیٰ پنجاب مریم نواز گرین ٹریکٹر اسکیم کے تحت جہلم کے کسانوں میں ٹریکٹر تقسیم کرنے کی تقریب ہوئی۔
اس موقع پر تقریب سے خطاب میں وفاقی وزیرِ مملکت بلال اظہر کیانی نے کہا کہ وزیرِ اعلیٰ مریم نواز کم قیمت ٹریکٹرز دے کر پنجاب میں زراعت کو ترقی دے رہی ہیں۔
انہوں نے کہا کہ جدید زرعی مشینری زراعت کو جدید بنائے گی، زراعت پاکستان اور صنعتی ترقی کی ریڑھ کی ہڈی ہے۔
وفاقی وزیر نے کہا کہ ہر ٹریکٹر پر وزیرِ اعلیٰ پنجاب نے 10 لاکھ روپے کی خصوصی سبسڈی دی ہے، ای میکنائزیشن کا عمل صوبے میں زراعت کے نئے دور کا آغاز ہے۔
اُن کا کہنا ہے کہ کسانوں کی ترقی زراعت اور پاکستان کی ترقی ہے، سوپر سیڈرز سمیت جدید زرعی مشینری کے استعمال سے صوبے میں جدید زراعت کو فروغ مل رہا ہے۔
بلال اظہر کیانی نے یہ بھی کہا کہ وزیرِ اعظم کی نوجوانوں کو روزگار کی فراہمی، ملکی معاشی ترقی پر توجہ مرکوز ہے، دینہ اور سوہاوہ میں گیس کی فراہمی کے لیے کوششیں جاری ہیں۔
سوات میں اے این پی رہنما کی گاڑی کے قریب بم دھماکا