نیتن یاہو کی معافیاں: اخلاقی اعتراف یا سیاسی مجبوری؟
اشاعت کی تاریخ: 1st, October 2025 GMT
بین الاقوامی تعلقات میں کسی ریاستی رہنما کا معافی مانگنا محض ایک اخلاقی عمل نہیں ہوتا بلکہ یہ سفارت کاری اور طاقت کے توازن کا عکاس سمجھا جاتا ہے۔
اسرائیل کے طویل عرصہ تک وزیرِاعظم رہنے والے بنیامین نیتن یاہو کی سیاست میں معافی کے چند اہم مواقع دیکھنے کو ملتے ہیں جو عالمی سطح پر نمایاں سفارتی بحرانوں کے بعد سامنے آئے۔ یہ معافیاں تعداد میں کم ضرور ہیں لیکن ان کے اثرات علاقائی سیاست اور عالمی تعلقات پر بہت گہرے ثابت ہوئے۔
ستمبر 1997 میں اس وقت بحران کھڑا ہوا جب اسرائیلی خفیہ ادارے موساد نے اردن کے دارالحکومت عَمَّان میں حماس کے رہنما خالد مشعل کو زہر دینے کی ناکام کوشش کی۔ اس واقعے نے اردن اور اسرائیل کے درمیان تعلقات کو شدید خطرے میں ڈال دیا۔
شاہ حسین نے سخت موقف اختیار کیا اور اسرائیل پر شدید دباؤ ڈالا۔ بالآخر نیتن یاہو نے ذاتی طور پر شاہ حسین سے معذرت کی اور زہر کا تریاق فراہم کیا جس کے نتیجے میں مشعل کی جان بچائی گئی اور تعلقات مکمل ٹوٹنے سے محفوظ رہے۔ بی بی سی اور نیو یارک ٹائمز کے مطابق اس معافی کے ساتھ ہی اسرائیل نے شیخ احمد یاسین اور دیگر فلسطینی قیدیوں کو بھی رہا کیا۔
اسی طرح مئی 2010 میں آزادی غزہ بیڑا یا مرمرہ واقعہ پیش آیا جس میں 9 ترک کارکن اسرائیلی کمانڈوز کی کارروائی میں مارے گئے۔ اس پر ترکی اور اسرائیل کے تعلقات تقریباً منقطع ہوگئے۔ 3 برس کی کشیدگی کے بعد مارچ 2013 میں امریکی صدر باراک اوباما کی ثالثی سے نیتن یاہو نے ترک صدر رجب طیب اردوان سے ٹیلی فون پر معافی مانگی اور جانی نقصان پر افسوس کا اظہار کیا۔
گارڈین اور بی بی سی کے مطابق اسرائیل نے معاوضہ دینے پر بھی رضامندی ظاہر کی جس سے دونوں ممالک کے درمیان تعلقات کی بحالی کی راہ نکلی۔
ایک اور بحران جولائی 2017 میں سامنے آیا جب اسرائیلی سفارتخانے کے محافظ نے عَمَّان میں 2 اردنی شہریوں کو فائرنگ کر کے قتل کیا۔ یہ واقعہ اردنی عوام اور حکومت دونوں کے لیے ناقابلِ قبول تھا اور طویل تناؤ پیدا ہوا۔ بالآخر جنوری 2018 میں اسرائیل نے اردن کو باضابطہ معافی پیش کی جسے نیتن یاہو کی منظوری حاصل تھی۔ رائٹرز اور الجزیرہ کے مطابق اس معافی میں متاثرہ خاندانوں کو معاوضہ اور قانونی کارروائی کی یقین دہانی بھی شامل تھی، جس سے بحران کا خاتمہ ممکن ہوا۔
سب سے تازہ واقعہ ستمبر 2025 کا ہے جب اسرائیل نے دوحہ پر فضائی حملہ کیا جس سے ایک قطری شہری جاں بحق اور ریاستی خودمختاری کی خلاف ورزی ہوئی۔ اس پر قطر نے سخت ردعمل دیا اور وائٹ ہاؤس نے فوری مداخلت کی۔
رائٹرز اور الجزیرہ کے مطابق ایک سہ فریقی کال کے دوران نیتن یاہو نے امیر قطر تمیم بن حمد سے معافی مانگی اور وعدہ کیا کہ ایسا واقعہ دوبارہ پیش نہیں آئے گا۔ یہ واقعہ اس بات کی یاد دہانی ہے کہ خلیج میں اسرائیل کے تعلقات کس قدر نازک ہیں اور کسی بھی غلطی پر اسے فوری قیمت ادا کرنا پڑ سکتی ہے۔
ان چاروں معافیوں کے تجزیے سے واضح ہوتا ہے کہ نیتن یاہو کی معافیاں اخلاقی بنیادوں پر نہیں بلکہ سفارتی اور سیاسی دباؤ کے نتیجے میں سامنے آئیں۔ 1997 اور 2018 میں اردن کے ساتھ تعلقات کو مکمل ٹوٹنے سے بچانے کے لیے، 2013 میں امریکا کے دباؤ اور ثالثی کے تحت، اور 2025 میں واشنگٹن کی براہِ راست مداخلت کے بعد یہ اقدامات کیے گئے۔ دوسرے الفاظ میں یہ معافیاں کرائسس مینجمنٹ کا آلہ ثابت ہوئیں، نہ کہ اصولی اعترافِ غلطی۔
اصل سوال یہ ہے کہ کیا یہ معافیاں اسرائیل کی پالیسی میں کسی حقیقی اخلاقی بیداری کی نمائندگی کرتی ہیں یا محض وقتی فائدے کے لیے کی جانے والی سیاسی مجبوری ہیں۔
حقیقت یہ ہے کہ اسرائیل نے کبھی بھی فلسطینی عوام، جن پر اس کی پالیسیوں نے براہِ راست ظلم ڈھایا ہے، ان سے کھلی معذرت نہیں کی۔ یہ طرزِ عمل نہ صرف اسرائیل کی گری ہوئی اخلاقی حیثیت کو مزید گراتا ہے بلکہ اسے دنیا کے سامنے ایک ایسی غاصبانہ اکائی کے طور پر پیش کرتا ہے جو ظلم کے بعد دباؤ میں آکر جزوی معافی مانگتی ہے مگر اپنی جارحانہ پالیسیوں پر کبھی غور نہیں کرتی۔
دوسرے لفظوں میں، یہ معافیاں وقتی سہارا تو دے سکتی ہیں لیکن اسرائیل کے غلیظ کردار پر لگے بد نما دھبوں کو کبھی نہیں دھو سکیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل دوحہ غزہ فلسطین قطر نیتن یاہو.ذریعہ: WE News
کلیدی لفظ: اسرائیل فلسطین نیتن یاہو نیتن یاہو کی یہ معافیاں اسرائیل نے اسرائیل کے کے مطابق کے بعد کے لیے
پڑھیں:
بچوں کے خلاف جرائم ناقابلِ معافی ہیں، ایسے مجرم سماج کے ناسور ہیں، مریم نواز
data-id="863a0a8" data-element_type="widget" data-widget_type="theme-post-content.default">
لاہور: وزیراعلیٰ پنجاب مریم نواز نے بچوں کی حفاظت کو ہر اقدام کی ترجیح قرار دیتے ہوئے کہا ہے کہ بچوں کے خلاف جرائم میں ملوث افراد سماج کے ناسور ہیں اور انہیں ہر سطح پر ختم کیا جائے گا۔
انہوں نے بچوں کے جنسی استحصال اور تشدد کی روک تھام و بحالی کے عالمی دن کے موقع پر جاری پیغام میں بتایا کہ پنجاب میں پاکستان کا پہلا ورچوئل سینٹر برائے چائلڈ سیفٹی قائم کیا گیا ہے۔ یہ سینٹر بچوں کے تحفظ اور مدد کے لیے جدید ٹیکنالوجی استعمال کرتا ہے۔
مریم نواز نے کہا کہ ورچوئل سینٹر کی مدد سے ہزاروں بچوں کو ان کے خاندانوں سے دوبارہ ملایا جا چکا ہے، اور یہ نظام ڈیجیٹل ٹیکنالوجی اور مستحکم گورننس کو ملا کر ایک محفوظ ماحول فراہم کرتا ہے۔
وزیراعلیٰ نے واضح کیا کہ بچوں کی حفاظت ان کی ریڈلائن ہے اور حکومت ہر ممکن اقدامات کرے گی تاکہ بچوں کے خلاف جرائم میں ملوث عناصر جڑ سے ختم ہوں، اور سماج میں بچوں کی حفاظت کو یقینی بنایا جا سکے۔
محسن نقوی کی سری لنکن ہائی کمشنر سے ملاقات، سری لنکا کرکٹ ٹیم کی سیکیورٹی کے حوالے سے بریفنگ